جلسات المعالج نهاد رجب غيرت حياتي

– فتحي سعيد (Quote #1)

كنت أريد ان اتعرف على قوة هذا العلم،فوجدت المعالج نهاد رجب وتجربتي في العلاج كانت لا تنسى.انصح الجميع بالبدء معه فورا !

– احدى المتدربات (Quote #2)

نهاد رجب

المعالج والمدرب الدولي بالتنويم الإيحائي

  الرئيسية \المقالات\الاقناع والتأثير

فن الاقناع بالتحفيز

 

 

أحدث المقالات

بواسطة : المدرب والمعالج نهاد رجب

شارك المقالة :  

 

 

 كنا بنتكلم عادي جدا مجرد اصدقاء مفيش بيننا اي حاجة غير انها بتحكيلي واحكيلها ، وفي وسط كلامنا قالتلي انت عارف ، في واحد عايز يخطبني ، وكل شوية يكلمني وحاولت كتير افهمه اني مينفعش ارتبط بيه لاني مش عايزة ارتبط ومش اي حد ممكن اوافق بيه لاني يانهاد لما هرتبط بحد هختار واحد يانهاد يكون بيفهم دماغه كبيرة ويقدر يشيل مسئولية مش عيل من بتوع اليومين دول الي همهم كله في الشكل والمنظر والشعر ، انا مفتكرش اني هقابل واحد في الدنيا ممكن ينسيني اول شخص حبيته واد ايه كان راجل ومسئول وكان بيحبني ، في وقت ناس كتير اوي فقدت معنى الرجولة .

 

في اللحظة ديه ، حسيت اني عايز اقولها انا بحبك وعايز ابقى الراجل ده لان انا الراجل ده ، ساعتها ابتسمت ابتسامة عريضة وقررت اكتب النوتة ديه .

 

خليني قبل مابدأ اقولك ، ان انت كراجل اراهنك انك لو اتعرضت لنفس الموقف هتفكر زيي ، هتميل ناحيتها ، هتشوف نفسك مكان الشخص التاني وتحس ولو بشكل بسيط انك مستعد تخوض التجربة وليه لأ !

 

مبدئيا انا اتكلمت كتير في تقنيات التنويم الضمني ، فيه ناس قالتلي نهاد متحرقش نفسك ، لانك كده التقنيات هتخلص ومش هتلاقي تاني ! ، وكل مرة كنت بستغرب ، لان التنويم الضمني مبيخلصش ، انا عملت دورتين في التنويم الضمني ، تاني مرة كانت التقنيات الي بتكلم عنها جديدة والتقنيات القديمة كنا بنستخرج منها تقنيات تانية فالموضوع مبيخلصش والتقنيات مش مكتوبة ، التقنيات كتيرة ، علشان كده بجمع الاهم فيهم وبكتبه او لو مميز اوي بتكلم عنه في الدورة الي بعملها .

 

التقنية الي بتكلم عنها النهاردة اسمها " التحفيز الغير مباشر " او indirect stimulating

 

والمعادلة بتقول ان كلام غير مباشر + + منافسة = تحفيز

 

يعني في مرة قولت لطفل مبيذاكرش ، ابن بنت خالي ، كان دايما بيكره المدرسة ومبيحبش يذاكر ، كل الي عملته اني كلمته عن الجهة الي طلبت مني اختار اشطر ولد علشان يسافر اسكندرية ويستقبلوه في مكتبة الاسكندرية في مؤتمر اشطر ولد في مصر ، علشان يكرموه في المكتبة ، واخترت ابراهيم جارنا لانه مؤدب اوي ياعبد الرحمن ، وأمور جدا ماشاء الله ، فهيبقى هناك كويس والناس هتحبه والاهم من كده انه شاطر وبيذاكر . في اللحظة ديه عبد الرحمن قالي اروح انا اروح انا ، قولتله " تعرف ؟ انا ممكن افكر في الموضوع ده بس بدل مكتبة اسكندرية احنا ممكن نروح بقى مكان احسن ونشوف ناس احسن ، المهم انك تجيب درجة عالية علشان تروح"

 

المنافسة من اعمل عوامل التحفيز الغير مباشر ، تعالى نرجع لأول مثال خالص ، فرضا نتخيل ان البنت ديه كانت عايزة توصل للنتيجة ديه فعلا فالاقتراح بتاعها :

 

"حبني"

 

فعلشان تقول الاقتراح مينفعش انها تقولهولي بشكل مباشر ، فقالتلي :

 

قصة

 

والقصة فيها اساليب لغوية غير مباشرة وتدفق لغوي واقتباسات صعب اني اشرحها في نوتة بس كانت مؤثرة في حد ذاتها لحد ماستخدمت اهم عنصر وهو :

 

المنافسة

 

والمنافسة ظهرت في شكل مقاييسها الي هي : "مش اي راجل ، مسئول ومش عيل"

فالي هيحصل اني هقول انا راجل ومسئول ومقبلش ان حد يقول عليا عيل – مع انها مكلمتش عني انا - وانا علشان ابقى كده فهي لازم توافق عليا ، لانها لو وافقت عليا فده معناه اني راجل ومن الناس الي "مفقدتش معنى الرجولة" . "ساعات الناس بتفكر بشكل بايخ بس متتريقش لانك ببساطة ممكن تفكر زيهم" .

 

فبسبب القصة والتاثير الغير مباشر المصحوب بمنافسة ، فده حفزني علشان ؟

 

بالظبط ، بدأت تصحى معايا ، حفزني علشان "احبها" الي هو ايه ؟ الاقتراح المباشر الاساسي .

 

علشان كده ، ساعات كتير ولاد بيحبوا بنات لمجرد انهم مميزين والمنافسة ان مش اي حد يقدر يوصلهم . والعكس صحيح .

 

لو قولت مثلا لحد "صعب انك تلاقي حد يساعدك وسط ناس ولاد كلب ميهمهومش غير مصلحتهم ، بس الواد مدحت مثلا لما اتعاملت معاه حسيت اد ايه ده راجل محترم وحبيته جدا لا وابن ناس يامان ، بجد ابن ناس جدا وبقى عزيز عليا اوي .. رايح اطلب منه يساعدني في ( كذا ) لاني مش عارف اعملها لوحدي ."

 

مش لازم تبقى متخصص علشان تعرف رد فعل الطرف التاني لما يسمع الكلام ده لانه اكيد هيحاول بشكل او باخر انه يعرض مساعدته وياخد محبتك الي هي اساسا متهموش بس اهتم بيها لما انت حطيته في وضع منافسة مع مدحت من خلال كلام غير مباشر . 

واختم بقصة ومعلومة ، شيخ سعودي طلب مني موقع علشان اصممه وابرمجه ، قولتله اوكي ، قالي بس انا حاطط ميزانية 1500 ريال ، وطبعا بالنسبة للي طلبه فده اقل من المطلوب بس قولتله "ماشي ياحاج ولا يهمك هعملك موقع ب 1500 ريال" قالي يعني شو ؟ قولتله اصل لما اانا عملت الموقع الفولاني كان تمنه 2500 ريال بسبب ان كان فيه كذا وكذا لان الي كان طلبه كان راجل اعمال مصري ، بس احنا ممكن نستغنى عن الاضافات ديه ونعمل حاجة على ادنا ، قالي لا ما ابغى الا متل ابو 2500 ريال قولتله زي ماتحب ! "

 

اما المعلومة ، في المجال الاعلاني ، لو بتعمل اعلان عن دورة مثلا او منتج ما ، حط شروط ، يعني مثلا لو بتبيع كتاب قول انك بتعرض كتاب للبيع عنوانه كذا وبيتباع فقط للي بيستوفي فيه الشروط الاتية:

 

انه يكون اكبر من 20 سنة

انه يكون طول 150 سنتي او اكتر

انه يكون لابس بنطلون

واسمه ميكونش نهاد

تمن الكتاب 100 جنيه فقط

نأسف لعدم رغبتنا للبيع لمن لم يتوفر لديه الشروط وذلك لاسباب ادارية .

 

الانسان اناني بطبعه فلو عرف ان فيه حاجة مش هيقدر يحصل عليها هيتطلع ليها او لو عرف ان فيه حاجة قربت تخلص هيتمناها لنفسه ، ومن هنا جات فكرة التحفيز الغير مباشر .

 

وفي النهاية احب اقولك ان التقنيات كتير ومبتخلصش ولو انت مش هتستخدمها فمجرد علمك بيها ده بيخليك تعرف تتحكم في نفسك وتقاوم الاغراءات الي بتشوفها قدامك . واهم جزء في التقنيات انك لما تطبقها بتطبقها في حالة التنويم الضمني والي هيا اساس فن الاقناع والتاثير . ولو عايز تسجل في اقرب دورة تتعرف فيها على تقنيات عالمية في فنون الاقناع والتاثير بالتنويم الضمني ، ابعت رسالة على arabhd@maktoob.com باسمك ورقم تليفونك وعنوان الرسالة "تسجيل بدورة التنويم الضمني"

 

بس متكونش اقل من 18 سنة وميكونش اسمك "مودي" اسف اسباب ادارية ;)

 

نهاد رجب

اول مدرب عربي في التنويم الضمني

http://www.nihadragab.com

 

 

 

شارك المقالة :  

الكورس الفيديو | تعلم التنويم بالايحاء (المعالج)

كتاب تعلم التنويم بالإيحاء

الكورس الصوتي | لغة الاقناع والتأثير

كتاب فن الاقناع والتأثير النفسي بالتنويم الضمني

كتاب تغلب على آلام الانفصال عن الحبيب

     

كتاب الطريق الى تحسين القوة الجنسية

 

كتاب الوصول الى الوزن المثالي
مجموعة جلسات ربط المعدة بالتنويم مجموعة جلسات الرهاب الاجتماعي مجموعة جلسات الضعف الجنسي مجموعة جلسات الوزن الزائد مجموعة جلسات الثقة بالنفس
استمتع بحياتك بدون تركيز مع نهاد رجب
الفقدان ومميزاته مع نهاد رجب
اقراها لو عايز تدخل الجنه - نهاد رجب
كل شىء معلوم لنا - نهاد رجب
خلي اللحظة تعيشك
حول التنويم بالايحاء
الطريق الى التحرر في رمضان 0 نهاد رجب
الاجابة أقرب من خلالك - نهاد رجب
انا احترم جسدي
1 + 1 = مصيرك
اشترك بقائمة المراسلات
|| الاسم
|| الايميل
الدولة
 
اصدارات خاصة

كتاب تغلب على آلام الانفصال عن الحبيب

 

تعرف على احدث التقنيات النفسية للتخلص نهائيا من الام الانفصال وتجديد القلب وارجاع الحيوية اليه من جديد

 

بسعر 37 دولار

 

كتاب فن الاقناع والتأثير النفسي بالتنويم الضمني

 

تعرف على أهم اسرار الاقناع والتأثير النفسي العالمية والتي يتم استخدامها من قبل المؤسسات واحصل على ادوات الاقناع لتستطيع تحقيق ما تريد

 

بسعر 50 دولار

 

الكورس الصوتي | لغة الاقناع والتأثير

 

هل تريد احتراف اقوى الانماط اللغوية على وجه الارض واستخدامها في عمليات الاقناع والتسويق والبيع والتعاملات الفردية الاخرى؟ اشتري هذا الكورس والذي سيغير حياتك الى الافضل.

 

بسعر 250 جنيه للمصرين

و

100 دولار

للأجانب

 

كتاب تعلم التنويم بالإيحاء

 

الان تعرف على التنويم بالايحاء لتستطيع بنهاية قراءة هذا الكتاب من التعرف على اساليب المحترفين في ادخال الاخرين والنفس في حالة التنويم بالايحاء بمنتهى السهولة واليسر

 

سعر الكتاب 35 دولار

 

الكورس الفيديو | تعلم التنويم بالايحاء (المعالج)

 

الان احترف التنويم بالإيحاء مع أقوى مدربي التنويم بالايحاء في مصر والشرق الأوسط .

 

سعر الكورس المسجل 347 دولار

 

سعر الكورس اللايف 850 دولار

التنويم بالإيحاء جلسات علاجية نهاد رجب

JJill Free Shipping
جميع الحقوق محفوظة 2013 | الموقع الرسمي للمدرب نهاد رجب | اتصل بنا