خواطر وأخبار نهاد رجب

لا يمكن ان نعالج ما لا نستطيع ادراكه .. الخفي يصنع الظاهر لما سمعت الجملة ديه … | نهاد رجب


لا يمكن ان نعالج ما لا نستطيع ادراكه .. الخفي يصنع الظاهر

لما سمعت الجملة ديه لأول مرة حسيت كأنها خبطتني .. ومعناها الاكاديمي ان اعتقاداتك والبرمجة السابقة اللي حصلت في الماضي هي اللي بتصنع الشخص الظاهر اللي قدامي واللي ممكن يكون انا .. فأنا (الظاهر) نتاج لمجموعة من العوامل الخفية (الاعتقادات والبرمجة والمواقف السابقة) ..

الماضي يصنع الحاضر.. اي ان الماضي بكل ما فيه يصنع الحاضر الحالي .. لأن الماضي بمجرد انتهاءه اصبح مؤثر خفي .. ممكن ننساه .. بس هو مش هينسانا ولو متعاملناش معاه بطريقة سليمة وبدأنا نتفاهم معاه .. هيفضل يأثر فينا طول العمر .. لأن الخفي يصنع الظاهر .

بس انتوا عارفين ايه كمان خفي وبيصنع الظاهر ؟

أليس المستقبل خفي؟ .. ولأن الخفي يصنع الظاهر .. فمستقبلك يصنع حاضرك ومش لازم يكون العكس ..

الجزء اللي فوق اكاديمي .. جزء المستقبل لأ .. هو مجرد خاطرة خليني احكيلكم عنها ..

فيه ناس ربنا بيجعلهم موجودين لقضاء حوئج الناس ، وفيه ناس موجودين لسبب ما ولكن لمهمة مختلفة .. ناس بتدفع بعضها علشان تستمر الحياة .

المستقبل هو القدر ، هو الغيب .. هو المكتوب ليك .. واللي انت بتتجهز حاليا في الوقت الحاضر علشان تكون مستعد ليه لما يحصل ..مثلا مش عجيبة اني الاقي نفسي عندي برد او تعب وفجأه يختفي لأيام اكتشف اني لازم فيها اكون مرافق لمريض محتاجني وفجأه وبعد انتهاء المهمة والمريض يخف .. بيرجعلي التعب تاني . وكإن التعب نفسه اختفى علشان اكون جاهز لخبر ومهمة انا مكنتش مستعد ليها مسبقا .. ؟

مش عجيبة برضه اني يجيلي فلوس فجأه من حيث لا احتسب وفجأه اكتشف ان فيه اتجاه معين محتاج الفلوس ديه ضروري ظهر فجأه واقعد اقول “سبحان الله .. انا لو مكنش معايا الفلوس ديه كنت اتصرفت ازاي؟!”

وعلشان زمن المعجزات اختفى وحتى اعظم المعجزات صنعتها اسباب بإذن الله فلازم هتلاقي تسلسل بيحصل في الاحداث علشان القدر يتحقق بطريقة منطقية يمكن ادراكها وتبريرها .

وده يخليني افكر ان حتى قدرك المستقبلي ، اللي هو ممكن يكون قدر شخص تاني ، لكن اختيارك انت لتحقيقه ، يخليك برحمة من ربنا مستعد ليه وبتتجهز ليه من غير ما تاخد بالك .. والاجمل انك تكتشف ان آية “فإن مع العسر يسرا” تنطبق كل مرة وكأنها قانون ملموس تقدر تشوفه جوا كل ازمة بتقع فيها .. هتلاقي (الصدفة) اللي هتعدي بال(صدفة) علشان تنقذك بال(صدفة) وتخرجك بال(صدفة) برة الازمة بتاعتك .. لكن لما تفهم ان مستقبلك الخفي هو كمان بيصنع حاضرك الحالي والظاهر . هتفهم ان مفيش صدفة .. لانت كنت صدفة ولا غيرك صدفة .. وان الخفي يصنع الظاهر .. بس انت اللي محتاج تركز مع الاشارات وتفهم .

كل موقف ، كل خطوة في حياتك ، كل حدث بيحصلك ، كل شخص بتقابله .. بيجهزك .

عايز فلوس كتير ؟ قرر انك تكون مسئول عن ناس . عايز الصحة ؟ التزم بمساعدة المرضى . عايز السعادة ؟ قرر انك تسعد ناس غيرك .. ساعتها انت بترمي في المستقبل بذرة .. هتجهز حاضرك علشان ترويها وتوصلك ليها أسرع ..

ويومكم أجمل من يومي
نهاد رجب


Source

مقالات مرتبطة

خفايا المقاومة ومعانيها | نهاد رجب...
views 324
بقالي ١٠ سنين بعمل تنويم ايحائي وجوبت العالم شرقا وغربا وعمري ما بحلقت لحد في عينه وقولتله ناااام وفي المقابل تلاقي في ٢٠١٦ ناس لسة مقتنعة ان مفيش ...
#تحرر
views 1993
  انت جزء من هذه الحياة ، لا تقبل ان تعيش على هامشها انت جزء من تكوينها انت الكون كله ينبع من داخلك لانك مخلوق من المصدر انت روح الله فلا ...
تم اكتمال العدد بكورس “ممارس التنويم بالإيحا...
views 268
تم اكتمال العدد بكورس "ممارس التنويم بالإيحاء" | نوفمبر | القاهرة الكورس الأشهر في مصر والشرق الاوسط وتم تدريبه في 11 دولة حول العالم .. يحصل المت...
وهتزيد الوفرة وتدفق لما يكون فيه سبب الكون مش هي...
views 52
وهتزيد الوفرة وتدفق لما يكون فيه سبب الكون مش هيدلعك الأهم هو ربط السبب بالناس ساعتها هتتفتحلك أبواب كنت فاكرها مبتتفتحش لما تطلب أطلب بأمر ان...
بص على الأرض هتلاقي … مقالة لـ نهاد رجب...
views 3879
كتير لما كنت ببص في الأرض كنت بلاقي فلوس بالذات وانا صغير ، فرحتي بالفلوس ديه كانت اكتر من فرحتي لو كان والدي ادهالي وكإني كسبتها في جايزة كنت ب...
أهل الأردن الكرام ! سعيد جدا جدا بحجزكم الكريم ب...
views 131
أهل الأردن الكرام ! سعيد جدا جدا بحجزكم الكريم بكورس دبلوم وممارس التنويم الايحائي والمقرر عقده في فندق آياس بدايه من يوم 20 ابريل القادم بعمان . ...
أكبر جلسة تنويم إيحائي باللغة العربية في الشرق الأ...
views 456
أكبر جلسة تنويم إيحائي باللغة العربية في الشرق الأوسط الجمعة 13 يناير قام المدرب نهاد رجب بتوثيق تجربته بأكبر جلسة تنويم إيحائي باللغة العربية في ال...
كورس ممارس التنويم الإيحائي (موديل 1 و 2) – ...
views 53
كورس ممارس التنويم الإيحائي (موديل 1 و 2) - للممارس والمدرب للتنويم الإيحائي / نهاد رجب ولأول مرة ـ| بحضور العديد من الاطباء النفسيين والمتخصصين الن...
خدعونا وعلمونا ان الحيوان كائن غير عاقل مبيحسش مب...
views 2186
خدعونا وعلمونا ان الحيوان كائن غير عاقل مبيحسش مبيفهمش وان ربنا ميز الانسان بالعقل ويوم عن يوم بحس ان الوعي موجود في كل الكائنات وفي الجماد وحتى في...
لكل ناجح سر … شفرة بيها بقا متميز وقدر بيها ...
views 28
لكل ناجح سر ... شفرة بيها بقا متميز وقدر بيها يبهر العالم .. وعشان توصل وتبقا متميز زيهم ... لازم توصل للشفرة والكود اللى بيه إنت تقدر تعدى وتكسر كل ...