خواطر وأخبار نهاد رجب

لتاني مرة .. جاتلي حالة عندها تأتأه ، كانت جاية بهدف تاني ، هي كانت عايزة جلسات … | نهاد رجب


لتاني مرة .. جاتلي حالة عندها تأتأه ، كانت جاية بهدف تاني ، هي كانت عايزة جلسات لموضوع تاني ، لاحظت حاجه غريبة وهي بتتكلم .. وهي بتتكلم عن صاحباتها مثلا ، كانت بتتكلم عادي بطبيعيه والتأتأه تقريبا بتختفي ، لما بتتكلم عن مامتها ، بتختفي التأتأه ، لما حكيتلي عن والدها فجأه ظهرت التآتآه تاني .. حبيت اختبر الملاحظة ، فسالتها تاني عن صحباتها فلاقيت التأتأه بتختفي ونفس الامر تكرر تاني وتالت وكإن فيه نمط عجيب ليه علاقة بمشكلتها اللي هي مش جاية علشانها اصلا .

سؤال في التاني بدأت تحكي عن مواقف حصلت بسبب والدها العصبي اللي بتحبه وبتحترمه . وسؤال في التاني بدات تعيط . عملتلها تقنيه خاصة في التنويم الإيحائي اسمها “الاسترجاع بالعمر بالكلام” او Conversational Age Regression وديه كانت تقريبا تاني مرة استخدمها في حياتي استغربت في البداية من الاسئلة عن والدها اللي ملهاش علاقه بموضوعها بس اقنعتها ان الموضوع اللي هي جاية فيه ليه عمق نفسي ما ومحتاج تفاعلها علشان اقدر اساعدها ..

عملتلها خطوات الاسترجاع الكلامي كامله واستخدمت معاها تقنية ال PCAT في التنويم الضمني الكلامي ، وفي النص قولتلها اقتراح اننا مسئولين عن اللي بيحصلنا في حياتنا ونقدر نغير اتجاه التأثير ونخليه لصالحنا لو مخترناش اننا نمنعه .

خلصت كلامي والخطوات وكسرت النمط (غيرت الموضوع) وبدأت جلسة التنويم الإيحائي في الموضوع اللي جاتلي علشانه .

خلصت الجلسة وبعتتلي رسالة من يومين بتقولي انها بدأ اكلها يقل فعلا وشكرتني وقالتلي انا مبسوطة جدا بفكرة اننا لو مقدرناش نمنع التأثير فاحنا نقدر نوجهه لصالحنا زي مانت قولتلي .

مع اني مقولتش كده اصلا بالظبط بس هنيتها واكدت على المعلومة وجاي اقفل المكالمة معاها افتكرت حاجه اهم وسألتها اخر سؤال .. “ايه اخبار الوالد؟” بدأت تكلمني عن حالته الصحية وانه دخل المستشفى بس الحمد لله خرج واتكلمت دقيقتين وشكرتها وقفلت التليفون وانا مبسوط .. مش مبسوط لان مشكلتها اتحلت .. مبسوط انها اتكلمت عن والدها من غير تأتأه لأول مرة في حياتها .

لو دورت جواك هتكتشف ان ادق سلوكياتك مرتبطة إما بموقف او أمر مباشر أو محاكاه اجتماعية او صدمات .

كتير بقابل ناس بحكم شغلي بيشتكوا من سلوك بيمارسوه بشكل طبيعي وعايزين يتوقفوا عنه او رد فعل بيحصلهم بشكل تلقائي لما بيتعرضوا لتجربة ما ..

في التنويم الإيحائي بنبدأ نعمل عملية اسمها الاسترجاع بالعمر علشان نرجع للموقف الاول اللي حصل فيه الصدمة اللي كثافتها الحسيه وجهت الشخص انه يخلق رد فعل مناسب في الوقت ده علشان يحمي نفسه من خطر ما .

انت متخيل كام صدمة حصلتلك وانت صغير ممكن تفتكرها وممكن لا ؟ متخيل تأثيرها عليك ؟ اعمق سلوكياتك واكثرها شراسة مرتبط ارتباط وثيق بموقف او امر او صدمة .

في كورس ممارس التنويم الإيحائي هدربك على 3 طرق من طرق الاسترجاع بالعمر لمساعدة نفسك والناس على تخطي أقسى كوابيسهم وأعنفها .. الاسترجاع بالعمر من التقنيات الأهم في مجال التنويم الإيحائي ، مع بساطتها بس فيه حاجات لما بنقرر اننا نواجهها بنكتشف ان حياتنا بالكامل بتتغير .. بس لما نكون مستعدين .

“احنا مسئولين عن اللي بيحصلنا في حياتنا ونقدر نغير اتجاه التأثير ونخليه لصالحنا لو مخترناش اننا نمنعه ”

تفاصيل الكورس :

العنوان : 19 شارع ابراهيم سالم امام كلية البنات – مصر الجديدة (مركز بلو لوتس)
مدة الدورة التدريبية : 9 أيام تدريبية
عدد الساعات : 36 ساعة تدريبية
المواعيد : خميس وجمعة وسبت من كل اسبوع لمدة ثلاث اسابيع
الاسبوع الأول : 15 و 16 و 17 مارس
الاسبوع الثان : 22 و 23 و 24 مارس
الاسبوع الثالث : 29 و 30 و 31 مارس

التوقيت : من الساعه 4 الى 8 مساءا

سعر الكورس التدريبي :

السعر العادي : 3800 جنيه مصري
السعر للحجز المبكر : 3500 جنيه مصري

للحجز :
https://goo.gl/qgL5Au

.. ويومكم اجمل من يومي
نهاد رجب




Source

مقالات مرتبطة

Stunning Health Benefits of Eating Chocolates
views 291
Portland post-ironic kogi Marfa +1. Brooklyn quinoa whatever polaroid. Meditation polaroid mustache, plaid you probably haven't heard of them meggings...
لو عرفت ان فى منحة بـــ 200 جنية هتكون فى رمضان و...
views 202
لو عرفت ان فى منحة بـــ 200 جنية هتكون فى رمضان وفيها نهاد رجب ومحمد شاكر وابراهيم خطاب و محمد زكريا واحمد هانى واشرف عفيفي وعبد الرحمن المكى ...
من ضمن العجائب ان الناس حاصره ملتون اريكسون في الأ...
views 1489
من ضمن العجائب ان الناس حاصره ملتون اريكسون في الأنماط اللغوية. وده غريب لان ملتون اريكسون اسهاماته اكبر بكتير من مجرد تركيبات لغوية. براعه الفم...
The History Of Lounge
views 281
Quinoa typewriter butcher, mlkshk mumblecore kogi single-origin coffee roof party bespoke slow-carb Wes Anderson. Lomo Pinterest selfies plaid before ...
انتهاء اليوم الثاني من دبلوم وممارس التنويم بالإيح...
views 208
انتهاء اليوم الثاني من دبلوم وممارس التنويم بالإيحاء ب إيفري ، فرنسا وتم التدرب على طرق احداث التنويم بالايحاء باسلوب ديف المان والعديد من النظريات ...
كل عام وانتم بخير وعيد سعيد عليكم يا ابطال 🙂 | ن...
views 53
كل عام وانتم بخير وعيد سعيد عليكم يا ابطال 🙂 Source
الحمد لله انتهيت حالا من تقديم مداخله بكورس ال ٥٠ ...
views 113
الحمد لله انتهيت حالا من تقديم مداخله بكورس ال ٥٠ مدرب للمدرب محمد زكريا . استمتعت جدا بوجودي من حبه حلوين جدد وان شالله اشوفكم جامدين جدا وتكسروا ا...
منذ ان وطئت قدمي أرض هذا البلد ولم أتوقف عن الانبه...
views 343
منذ ان وطئت قدمي أرض هذا البلد ولم أتوقف عن الانبهارللحظة ولن اخبرك اليوم عن عجائب باريس وأساطيرها المدوية في العالم ، ولكني سأخبرك أمرا إن فهمته وم...
ده يا سيدي اصغر ستوديو رمزي التكلفة في مصر لو اشت...
views 76
ده يا سيدي اصغر ستوديو رمزي التكلفة في مصر لو اشتريت ربعه من أمازون هتدفع حوالي ٤٠ دولار (+ مصاريف الشحن حوالي ٢٥ دولار) يعني تقريبا ١١٧٠ جنيه واللي ...
التنويم الإيحائي بالعربي .. قريبا جدا سوف يتم اط...
views 26
التنويم الإيحائي بالعربي .. قريبا جدا سوف يتم اطلاق أكبر وأول بوابة في الشرق الأوسط للتنويم الإيحائي وممارسي التنويم الإيحائي وتقنيات الدعم النفسي ا...