خواطر وأخبار نهاد رجب

كورس التنويم الإيحائي – مارس 2018 متخيل انك تنام بفوبيا تصحى من غيرها ؟ متخيل… | نهاد رجب


كورس التنويم الإيحائي – مارس 2018

متخيل انك تنام بفوبيا تصحى من غيرها ؟
متخيل انك تنام باعتقاد تصحى مش فاكره اصلا ؟
متخيل انك تنام وتصحى تكون افضل كشخص ؟

انا كان عندي فوبيا من اي مكان مفيهوش نور ، بخاف من الضلمة ، لسبب ما كنت بحتاج اخلي النور مفتوح دايما ، لحد ما حصلي أغرب موقف في حياتي ..

من فترة كنت برة مصر كان عندي جلسات خاصه ، ورجعت مبسوط بعد ما خلصت شغلي في اليوم الاول علشان انام .. وجهزت حالي ونمت وبعد دقيقه فتحت عيني وبرقت مخضوض وبفكر .. هو ايه اللي قفل النور ؟!

اكتشفت اني لأول مرة في حياتي انسى اسيب النور مفتوح ، والاغرب من كده اني قفلت بعد ما استخدمته قبل ما انام ، وروحت نمت من غير ما افكر . اتخضيت لاني ببساطة مبقتش خايف !

انا مبقتش فاهم .. هو انا مش خايف ليه ؟ لحظة كده .. هو انا كنت بخاف من ايه ؟ في اللحظة ديه اكتشفت ان حصل تغيير ادراكي عجيب غير مفهوم لواحد كان بيخاف من يوم واحد من الضلمة لواحد اتعود بعد كده انه لازم يقفل اي نور موجود في المكان علشان يعرف ينام .. هو ايه اللي حصل ؟

اللي حصل في كلمتين اسمه Sleeper Effect ..

لما بدأت احاول افهم ايه اللي انا عملته علشان ده يحصل .. كنت متأكد اني حتى معملتش لنفسي تنويم إيحائي قريب . وفي خلال التفكير في سبب التحول ده ، نطت في دماغي صورة ليا في الجيش كان مقدم بيتكلم معانا كعساكر وبيسألنا في لحظة صفا كده كل واحد بيخاف من ايه ، المفارقة اننا قبل ما نتكلم كان النور قطع في اللوا اللي احنا فيه ، فوقف شغل اللوا وخرج الرائد وقعدنا معاه عند المبيت بتاعه في ظلام دامس كنت بتشوف انعكاس صوابعك فيه بضوء القمر اللي بتكتشف فجأه انه موجود لما النور بيختفي . فكل واحد بدأ يقوله ، اللي يقوله انا مبخافش من اي حاجه واللي يقوله الديابه واللي يقوله التعابين .. انا قولتله الضلمة 😀 .. العساكر ضحكت مع اني متأكد ان منهم اللي بيخاف من الضلمة زي حالاتي .. وضحك الرائد وبصلي وقالي يا نهاد في يوم ما هتصحى من النوم هتستغرب انت كنت خايف ليه وهتنسى الخوف .. كلامه بالنسبة لي كان خيال علمي .. قولتله امتى يافندم ؟ قالي في الوقت اللي مش مش هينفع للخوف ده انه يكون موجود .

مفهمتش برضه وخفت اسئله 😀

الكلام ده كان بالظبط من 10 سنين .. عمر انسان كامل . ونسيت الموقف وتخطيته . يمكن فكرت فيه مرتين تلاته ، لحد مارجعت من شغلي للفندق .. في نفس اليوم ده كنت راجع مبسوط من شغلي لسبب .. ان الجلسه اللي كانت عندي كانت لشاب كان بيخاف من المرتفعات .. وانا كممارس تنويم لازم اكون قدوه للمستفيد وافتكرت جملة كان بيقولهالنا جيرالد ابستين .. “لو عايز تنجح كممارس للتنويم لازم تجنب كل مخاوفك” واشتغلت معاه على مشكلته فعلا لحد ما وصلته انه بقى يطلع اماكن مرتفعه من غير خوف لدرجة انه كان بيتنطط من السعاده وهو باصص من الدور الاخير وبيحلفلي انه مبقاش خايف .

ساعتها ربطت بين كلام رائد الجيش ، وكلام جيرالد ابستين وكلام المستفيد واحساسي ، واكتشفت ساعتها ان اللحظة ديه والمستفيد ده مبسوط انه اتعالج ، اشتغل تأثير كلام رائد الجيش بعد مانفذت تعليمات جيرالد ابستين وحصلت على نتيجة ليها كثافة حسية ما ..

وببساطة اختفى الخوف .. كإنه مكنش موجود .. حتى اسبابه اختفت ، حتى المنطق اللي كنت مصدقه زمان .. مبقاش منطقي ، والواقع اتغير ادراكي ليه .. فيه حاجه عجيبة حصلت .. حاجه ليها خطوات هتتعلمها قريب وهتقدر تساعد نفسك وتساعد كل الناس اللي تعرفهم .. بس الاول افتكر :

“ في يوم ما هتصحى من النوم هتستغرب انت كنت خايف ليه وهتنسى الخوف .. في الوقت اللي مش هينفع للخوف ده انه يكون موجود ولو عايز تنجح كممارس للتنويم لازم تجنب كل مخاوفك. “

هستناك تكون معانا في كورس ممارس التنويم الإيحائي ، هستناك وانا متأكد انك هتتمكن من معلومات هتطبقها وهتغير حياتك .. اشترك دلوقتي .. كل كورس بيكون مختلف .. الكورس بيكون قدر ليك مش انت اللي قدر ليه .. لو موجود معانا المرة ديه يبقى هو اللي اختارك .

——————————
للحجز الجاد فقط ، يرجى ملىء الاستمارة وسنقوم بالاتصال بك لتوضيح طرق الدفع .
https://goo.gl/qgL5Au

العنوان : 19 شارع ابراهيم سالم امام كلية البنات – مصر الجديدة (مركز بلو لوتس)
مدة الدورة التدريبية : 9 أيام تدريبية
عدد الساعات : 36 ساعة تدريبية
المواعيد : خميس وجمعة وسبت من كل اسبوع لمدة ثلاث اسابيع
الاسبوع الأول : 15 و 16 و 17 مارس
الاسبوع الثان : 22 و 23 و 24 مارس
الاسبوع الثالث : 29 و 30 و 31 مارس

التوقيت : من الساعه 4 الى 8 مساءا

سعر الكورس التدريبي :

السعر العادي : 3800 جنيه مصري
السعر للحجز المبكر : 3500 جنيه مصري

——————————


Source

مقالات مرتبطة

هدية لكل اعضاء الصفحة الكرام انتهيت من كتابة نص ...
views 18
هدية لكل اعضاء الصفحة الكرام انتهيت من كتابة نص جلسة تنويم إيحائي جديدة بعنوان "رحلة إلى الحكيم الداخلي" .. رحلة عميقة تأخذك لعالم آخر فيه تتلاقى لل...
عقلك عامل زي هارد ديسك الكمبيوتر ملفات بسيطه مسا...
views 27
عقلك عامل زي هارد ديسك الكمبيوتر ملفات بسيطه مساحتها كام بايت byte ممكن متحطهاش في دماغك بس في النهايه تكتشف انها خدت المساحة كلها .. وتبدأ تجيلك ا...
كورس ممارس التنويم الايحائي (من البداية للممارس) ...
views 60
كورس ممارس التنويم الايحائي (من البداية للممارس) الآن يمكنك الحجز بالكورس والحصول على أقوى مناهج التنويم الإيحائي بالشرق الأوسط لتتمكن من : - الو...
مش لازم تغزو العالم وتحارب الاشرار وتقضي على الدين...
views 195
مش لازم تغزو العالم وتحارب الاشرار وتقضي على الديناصورات علشان تكون بطل .. جربت تتحدى رغباتك وتنتصر عليها ؟ جربت تقرر تتغير وتلتزم ؟ جربت تقول لمشا...
لو الحلم هو عبارة عن رساله مشفرة من العقل اللاواعي...
views 158
لو الحلم هو عبارة عن رساله مشفرة من العقل اللاواعي بيقولك من خلالها حاجه بناء على مجموعه ضخمه من المعادلات اللي بتتم داخليا جوا دماغك وفي النهايه بيتم...
الفلوس هي كل حاجه تقدر تاخد بيها مقابل مش لازم ت...
views 89
الفلوس هي كل حاجه تقدر تاخد بيها مقابل مش لازم تكون ورق فيه حد معاه فلوس ابتسامات بياخد بيها ابتسامات وفيه حد دعوات وفيه حد معاه ضحكة بيتصدق بيها ب...
لا تعطني سمكة ولا تعلمني كيف أصطاد .. فقط ألقني في...
views 238
لا تعطني سمكة ولا تعلمني كيف أصطاد .. فقط ألقني في البحر وامضي ولا تنظر خلفك Source
ينطلق المدرب نهاد رجب إلى الولايات المتحدة الأمريك...
views 203
ينطلق المدرب نهاد رجب إلى الولايات المتحدة الأمريكية (نيوميكسكو / ألباكيركي) في رحلة تدريبية للمرة الثانية ويقوم بتقديم جلساته العلاجية بالتنويم الإيح...
معنى مصطلح السايكو نيرو ديبليكشين في التنويم بالإي...
views 300
معنى مصطلح السايكو نيرو ديبليكشين في التنويم بالإيحاء - #التنويم_بالإيحاء_مع_نهاد_رجب الحلقة 3 انضم للصفحة وادعوا اصدقائك للاستفادة. الصفحة الرسمية ل...