خواطر وأخبار نهاد رجب

قريت ريفيو فيلم the mountain between us الريفيو لطيف وواضح ان الفيلم ناجح ومبن… | نهاد رجب


قريت ريفيو فيلم the mountain between us

الريفيو لطيف وواضح ان الفيلم ناجح ومبني على سؤال الحب ام التعود ؟

الفيلم اظهر بما لا يدع مجال للشك ان التعود افضل من الحب ومع الجملة الاخيرة للبطلة ان القلب مجرد عضلة وان العقل هو الاساس او فيما معناه .. بدأ عقلي يقنعني بغير كده ..

الفيلم بيتكلم عن واحد كان مع واحدة في وسط أزمة جليدية ما وبدأ يساعدها وينقذها ويحميها وفي الاخر حبوا بعض وكملوا مع بعض .. بس انا عندي رأي تاني ..

من فترة اتكعبلت في نظرية بتقولك ان لو مثلا واحده جات تعدي الشارع وكانت هتتعرض لحادثة ما فجيه واحد انقذها .. العقل هيحط الشخص ده في مكان اعلى من مكانه .. هو مجرد انه ساعدها بس احنا بنميل اننا نحب منقذينا .

فيه زيجات بدأت بواحد ساعد واحدة انها تقوم من على الارض او لم معاها ورق واقع منها او حاجات تافهة جدا بس العقل بسيط لدرجة انه يعلقها بيه او يعلقه بيها .

يعني ؟ يعني احنا بنميل اننا نساعد ناس اغراب اكتر عن ناس قريبين منا ، بنميل اننا نظهر افضل جانب عندنا للناس اللي اول مرة نشوفهم ، بنميل اننا نساعد الناس اللي شكلهم كويس ، بنميل اننا نعمل كل ده لاسباب غير مفهومة .

لو انت شخصيا مكان الممثل ده في الفيلم واتعرضت للمواقف ديه هتتصرف زيه ويمكن اكتر ، احنا جدعان اوي بقى ، بس ليه سيدنا محمد قال لأبي طلحة “اجعله لفقراء اقاربك” لو مكنش العكس هو اللي كان بيحصل ؟

التعود بيحصل لأسباب واعية منطقيه وطالما الوعي دخل في المشاعر ساعتها المشاعر بتتشوه وبيحصل فيها خمول على عكس الحب الغير مبرر او غير مفهوم ..

نسبة كبرى من المشاكل بتحصل بسبب حكمنا الايجابي اوي على الناس لموقف منهم او اتنين وبنحط خطط ليهم اننا نكمل سوا باقي العمر ، بس للاسف بنطلع عيال .. يعني مع اول ازمة ممكن تحصل هتبدأ تشكك نفسك في صحة اختيارك وده اللي غالبا هيحصل لبطلة الفيلم اللي شافت الراجل جنتل اوي كده وابن ناس ، مش يمكن في يوم يكسل او يتغير ؟ مش يمكن تبدأ تفهم ان التعود ساعتها مش هيكون كفايه ؟

حط في دماغك ان الانسان تحت الضغوط بيتصرف تصرفات مختلفة تماما عن الطبيعي بتاعه ، بيكون شخص مختلف اصلا ، بيفكر بطريقة تانيه وبتختلف اختياراته بالكامل . زي ما بيتقالك “انت مش انت وانت جعان” وانت وحظك بقى اما يطلع الشخص اللي معاك حلو بزيادة زي صاحبنا بطل الفيلم او يطلع ادولف هتلر في النهايه .

وبالتالي اسمح لمشاعرك انها تقودك ، لان 90٪ من المشاعر ديه في حقيقه غايبة عن عقلك اللي انت فرحان بيه .

وافتكر .. سيدنا محمد صلى الله عليه وسلم كان بيقول “اللهم لا تؤاخذني فيما لا أملك” او “اللهم هذا فعلي فيما أملك، فلا تلمني فيما تملك ولا أملك. ” وكان بيتكلم عن قلبه وحبه للسيدة عائشة .. القلب ياجماعة !

ويومكم اجمل من يومي
نهاد رجب


Source

مقالات مرتبطة

لو قالولك مش هتعرف .. أشفق عليهم لإن هما ميعرفوش ا...
views 220
لو قالولك مش هتعرف .. أشفق عليهم لإن هما ميعرفوش انت مين ابتسم وكمل طريقك للقمة ومترضاش بالأقل لما ترضى بالأقل الأقل مش هيرضى بيك Source...
دورة ممارس التنويم الإيحائي | نوفمبر 2016 لماذا ...
views 527
دورة ممارس التنويم الإيحائي | نوفمبر 2016 لماذا التنويم الإيحائي ؟ - التنويم الإيحائي هو أكثر التقنيات النفسية شهرة حاليا لما له من قدرة كبيرة على ...
عقلك الباطن مفيهوش قدرات غير محدوده ! عقلك الباط...
views 222
عقلك الباطن مفيهوش قدرات غير محدوده ! عقلك الباطن ملوش قدرات اصلا .. عقلك الباطن بيستخدمك كوسيط للوصول لأهدافك .. هو بس يعرفك اكتر منك .. يعني تقد...
ومما يدعوا للسعادة اني تم وضعي على أهم موقع خاص با...
views 147
ومما يدعوا للسعادة اني تم وضعي على أهم موقع خاص بالمقالات والأبحاث والسير الذاتية في العالم . وديه سابقة من نوعها خاصة بالتنويم الإيحائي وسعيد جدا بيه...
احنا بنحب نغلف الحاجات #نهاد_رجب | نهاد رجب...
views 601
احنا بنحب نغلف الحاجات ... إدخل هنا تأتي إليكم من الموقع الرسمي نهاد رجباحنا بنحب نغلف الحاجات #نهاد_رجب احنا بنحب نغلف الحاجات بنغلف البنت بحجاب و...
زمان في 2001 او 2002 كان فيه مسابقة مدرسية واللي ب...
views 24
زمان في 2001 او 2002 كان فيه مسابقة مدرسية واللي بيشترك فيها كان بيسافر يكمل دراسته في امريكا ، مسابقة كانت عملاها الحكومة ساعتها وكانوا مرشحين مدرسة ...
وهم المستقبل ل نهاد رجب
views 1281
    في الحياة ديه فيه ناس مستعدة تضحي بحياتهم علشان تعيش المستقبل اللى عايزينه الناس ديه متقدرش تعيش المستقبل لانه لو جيه مش هياخد...
عايز مليون جنيه ؟ #نهاد_رجب
views 9928
عايز مليون جنيه ؟   خد مليون جنيه انا عارف انك مش مصدقني بس انا مش بضحك عليك والله خد مليون جنيه دلوقتي .. الحاجة الوحيدة اللي هتفرق ان الف...
انا عايز مصلحتك #نهاد_رجب
views 1767
    فيه ناس لما بيقولولك "انا عايز مصلحتك" بيكونوا قاصدين انهم عايزينك تاخد كل الخير وفيه اللي بيكون عايز مصلحتك لنفسه علشان ياخدها...
الأسطورة الشخصية الحقيقية هي اللي بتصنعها وانت مرت...
views 895
الأسطورة الشخصية الحقيقية هي اللي بتصنعها وانت مرتاح في وسط التعب ، وحاسس بالمتعة في الوقت اللي كل اللي حواليك فاكرينك بتعاني . غلبانين ، انت مبسوط ...