خواطر وأخبار نهاد رجب

الحياة مش امتلاك ! زمان لما كان حد بيسألني نفسك في ايه .. كنت اقول مثلا عايز ي… | نهاد رجب


الحياة مش امتلاك !

زمان لما كان حد بيسألني نفسك في ايه .. كنت اقول مثلا عايز يبقى عندي عربية فيراري ، طيارة خاصة ، فيلا في امريكا ..

دلوقتي لما اتسألت انت نفسك في ايه ؟ لاقيت نفسي بقول نفس الامنيات بس بشكل مختلف تماما .. مبقتش عايز يبقى عندي عربية فيراري ، بقيت عايز اجرب اسوق عربية فيراري ، مبقتش عايز طيارة خاصة بس نفسي اتعلم سواقة طيارات . مش عايز فيلا في امريكا ، بس اقعد يومين في قصر مثلا في اي ولاية هناك .

اكتشفت ان المتعة الاكبر بالنسبة لي هي التجربة مش الامتلاك .. للحظة حسيت ان الامتلاك ده من اسوأ الافكار واكثرها طفوليه . لانك وكل ما هتكبر اكتر واكتر ويزيد وعيك كل ما هتلاقي ان الاهم بالنسبة لك هو التجربة .. وان التجربة اكثر اثارة من امتلاك الشيء نفسه .

انا هزعل لو حياتي خلصت وانا لسه منطتش بالحبل المرن من فوق كوبري عالي ، او مجربتش انط بالباراشوت ، او مسوقتش هليكوبتر ، هزعل فعلا لو مجربتش اكل الجمبري بالايس كريم ، او اعيش في شجرة لمدة يومين او اغني في ميدان عام بصوت جهوري واخلي الناس تزعقلي . هزعل لو مخستش وبقى عندي 6packs وتخنت تاني واختفوا تاني وخسيت ورجعوا وتخنت تاني . وهكذا

التجربة يا اسيادنا هي الاهم ، تجاربك هي اللي بتصقل شخصيتك وبتخلي لحياتك معاني .. التجربة هي اللي بتعيش والعربية الفيراري بتتركن في الجراج وبيبقى الاثر

امتلاكك لشيء بيمحي اثره وبيقلل متعتك بيه ، تجربة الشيء وتركه بيخليك اكثر اهتماما بيه في كل وقت . جرب جرب جرب جرب

ويومكم اجمل من يومي
نهاد رجب


Source

مقالات مرتبطة

The Origin And Popularity Of Radio Over The Years
views 278
Vice photo booth quinoa pop-up jean shorts stumptown kitsch, letterpress VHS disrupt. YOLO DIY squid, Banksy umami XOXO PBR small batch sartorial bitt...
انتهاء اليوم الأول من كورس ممارس التنويم الإيحائي ...
views 252
انتهاء اليوم الأول من كورس ممارس التنويم الإيحائي .. - مبادئ ممارس التنويم الإيحائي وقواعد الكورس التدريبي - تعريف التنويم الإيحائي طبقا للجمعية ال...
كنت امبارح بتكلم في محاضرة عن الاسئلة العليا ، وقو...
views 65
كنت امبارح بتكلم في محاضرة عن الاسئلة العليا ، وقولت ان من وجهة نظري ان من ضمن اهميتها هو ان النوعية ديه من الاسئله بتعمل حاله زي حالات الذكر ، مجرد ا...
تم اختياري لتدريب التنويم بالإيحاء في أكبر مؤسسات ...
views 214
تم اختياري لتدريب التنويم بالإيحاء في أكبر مؤسسات التنمية البشرية في المملكة المغربية وقريبا في الشرق الأوسط SMS 23 اكتوبر الحالي 2016 لو عايز تعر...
اللهم إني أسألك بكل إسم سميت به نفسك أو أنزلته في ...
views 831
اللهم إني أسألك بكل إسم سميت به نفسك أو أنزلته في كتابك أن تغفر لنا ذنوبنا وتطمئن قلوبنا اللهم انك أنت الرزاق لا رزاق غيرك ، لا تبديل لكلماتك وخلقتنا...
فيه ظاهرة كده اسمها “الخير السلبي” في ...
views 13
فيه ظاهرة كده اسمها "الخير السلبي" في بعض الروايات اسمها "انا كانت نيتي خير" اعراض الظاهرة ديه ان صاحبها بيفتكر ان شخص ما المفروض هيفرح جدا مثلا لم...
وقف الكالاكس وامشي بهدوء … إدخل هنا تأتي إلي...
views 789
وقف الكالاكس وامشي بهدوء ... إدخل هنا تأتي إليكم من الموقع الرسمي نهاد رجب http://www.nihadragab.com/2015/11/25/%D9%88%D9%82%D9%81-%D8%A7%D9%84%D9%83%...
لما بعمل تسويق لكورس او محاضرة مبستخدمش اراء العمل...
views 28
لما بعمل تسويق لكورس او محاضرة مبستخدمش اراء العملا عني او انا هقدملك ايه .. بطلت الجو ده من زمان لما كبرت . ولكن بقيت اعمل تسويق باراء العملاء والم...
جهاز قراءه الموجات العقليه والتعرف على حالة المستف...
views 121
جهاز قراءه الموجات العقليه والتعرف على حالة المستفيد خلال جلسه التنويم الإيحائي يعتبر هذا الجهاز هو الاداه المثاليه المستخدمة خلال بعض جلسات التنويم...