خواطر وأخبار نهاد رجب

فيه ظاهرة كده اسمها “الخير السلبي” في بعض الروايات اسمها “انا كانت نيتي خير” … | نهاد رجب


فيه ظاهرة كده اسمها “الخير السلبي” في بعض الروايات اسمها “انا كانت نيتي خير”

اعراض الظاهرة ديه ان صاحبها بيفتكر ان شخص ما المفروض هيفرح جدا مثلا لما يعمل خير بطريقة معينه او بشكل معين . بناءا على افكاره هو او ايه اللي ممكن يفرحه هو .

ساعتها بيتصدم برد فعل الطرف التاني لما يلاقي منه عدم اهتمام او عدم فهم او حتى كره للفعل نفسه مع ان الاولاني كانت نيته خير .

وده بيفكرنا بالدبة التي قتلت صاحبها ، وفكرة ومن الحب ما قتل .. فيه لحظات كده بتبقى جمل زي “انا كان قصدي..” او “انا كانت نيتي …” او “انا كنت عايز افرحه” بتكون غير محببة ومزعجة جدا طالما الفعله نفسها حصلت بدون فهم الطرف التاني وبأنانية ما وبناء على افتراضتنا احنا حاولنا نفرض عليهم اسلوب معين من الفرحة ومنتظرين شكل محدد من التفاعل والا احنا اللي هنزعل .

الهدية الحقيقية هي اللي قبل ماتقدمها لحد تفكر بدماغه هو ، هو ممكن يكون محتاج ايه .. اول ما تلاقي نفسك بتفكر بطريقة “انا محتاج ايه اجيبهوله هو” ساعتها جيب الهديه ولفها كويس وقدمها لنفسك وانبسط .

فكر كده في اي مشكله بين اتنين ، هتلاقي الفكرة ديه . زعلانين من بعض مثلا ؟ هتكتشف ان حد فيهم كان بيحاول (يشكر جدا على محاولته) بس الطرف التاني كان عنده برامج عليا تانيه ، كانت عنده فلاتر مختلفه للموقف ومستقبلش الهديه بصدر رحب ، وساعتها الاولاني زعل منه وبدا ياخد منه موقف لسبب ما .

من فترة كنت في امريكا كنت ماشي واليوم كان حر جدا ، فلاقيت شحاته بديلها دولار وانا كل اللي في دماغي انها اكيد هتكون مبسوطة وانا بعمل الخير ، لاقيتها خبطت ايدي وزعقتلي وقالتلي Its HOT Get me a beer ! 😀

طبعا ده النموذج المحاكي للفكرة اللي جيه في بالي بس اتمنى حكمتها عامه توصلكم 😀

الحياة احلى ، لما نعمل الخير اللي غيرنا عايزه ، مش اللي احنا بنفرضه عليه .

ويومكم اجمل من يومي
نهاد رجب


Source

مقالات مرتبطة

لأول مرة في الأردن دورتي دبلوم وممارس تقنية الـTra...
views 346
لأول مرة في الأردن دورتي دبلوم وممارس تقنية الـTrance مع المدرب العالمي نهاد رجب 1- دورة دبلوم تقنية الـTrance تبدء في 20/4/2017 حتى 22/4/2017 في أ...
لحجز جلسة خاصة للدعم النفسي او استشارة مع المدرب و...
views 262
لحجز جلسة خاصة للدعم النفسي او استشارة مع المدرب والمعالج نهاد رجب يرجى الاتصال على هذا الرقم 01122221238 التقنيات المستخدمة : التنويم بالإيحاء وا...
علموا أولادكم أن الحياة تخضع لمن أراد ، ليس لمن يح...
views 5187
علموا أولادكم أن الحياة تخضع لمن أراد ، ليس لمن يحتاج   فالفقير لا يصنع المعجزات والغني هو من يأتي دائما بما لم يستطع أن يأتي قب...
احنا بنحب نغلف الحاجات #نهاد_رجب | نهاد رجب...
views 584
احنا بنحب نغلف الحاجات ... إدخل هنا تأتي إليكم من الموقع الرسمي نهاد رجباحنا بنحب نغلف الحاجات #نهاد_رجب احنا بنحب نغلف الحاجات بنغلف البنت بحجاب و...
اليوم محاضره دكتور عمر عبدالكافي في باريس. تابع...
views 205
اليوم محاضره دكتور عمر عبدالكافي في باريس. تابعوني على السناب شات لحظة بلحظه nihadragab Source...
الأردن 21 ديسمبر الى 23 ديسمبر – كورس ممارس ...
views 38
الأردن 21 ديسمبر الى 23 ديسمبر - كورس ممارس التنويم الإيحائي (موديل 1) - نهاد رجب هتواجد ان شالله في الاردن مع تجربة جديدة حلوة جدا ومهمة مع مركز كوز...
انا فاكر زمان لما حكيت لوالدي عن واحد صاحبي وقولت ...
views 99
انا فاكر زمان لما حكيت لوالدي عن واحد صاحبي وقولت انه "مسيحي" ابويا زعقلي وقالي عيب ! للحظه افتكرت ان الكلمه نفسها عيب وبعدها فهمني انه عيب اصنف او او...
إسمي … أحمد من فترة شوفته في المنام كان ا...
views 138
إسمي ... أحمد من فترة شوفته في المنام كان اتولد ، بسأله انت اسمك ايه ؟ لاقيته نطق وقالي بصوت متقطع "أنا اسمي أحمد" .. كنا انا وغادة قبل الحلم عما...
خدعونا وعلمونا ان الحيوان كائن غير عاقل مبيحسش مب...
views 2168
خدعونا وعلمونا ان الحيوان كائن غير عاقل مبيحسش مبيفهمش وان ربنا ميز الانسان بالعقل ويوم عن يوم بحس ان الوعي موجود في كل الكائنات وفي الجماد وحتى في...
وقف الكالاكس وامشي بهدوء … إدخل هنا تأتي إلي...
views 792
وقف الكالاكس وامشي بهدوء ... إدخل هنا تأتي إليكم من الموقع الرسمي نهاد رجب http://www.nihadragab.com/2015/11/25/%D9%88%D9%82%D9%81-%D8%A7%D9%84%D9%83%...