خواطر وأخبار نهاد رجب

بتبدأ تستخدمه وشويه شويه بتكتشف انه بيستخدمك أجمل حاجه في التنويم الإيحائي انه… | نهاد رجب


بتبدأ تستخدمه وشويه شويه بتكتشف انه بيستخدمك

أجمل حاجه في التنويم الإيحائي انه بيبدأ كا أداه بتتعلمها علشان تدخل نفسك او تدخل الاشخاص في الحالة وتبدأ شغلك .. وشويه شويه بتكتشف انه بقى شخصية تانية ليك .

بتبدأ تستخدمه وشويه شويه بتكتشف انه بيستخدمك

الجملة ديه مش من فيلم رعب ، الجملة ديه علشان اوصلها قعدت اعمل جلسات ودورات من 2006 لحد دلوقتي .. وهشرحلك معناها بالتدريج

الموضوع بدأ معايا كخطوات ، بنفس الطريقة اللي بعلم بيها الناس التنويم الإيحائي ، ارفع عينك خد نفس عميق استرخي الخ .. بس فيه جانب تاني من التنويم الإيحائي بيبدأ انه يظهر مع الوقت ، الجانب ده مفيهوش خطوات ، ميعرفش قوانين وبيضحك عليها ، بتتفتحلك فيه الابواب من غير كل السيناريوهات ديه ، جانب مش محتاج فيه حتى انك تغمض عينك . وكإن التنويم الإيحائي بقى حاجه معاك ، وعي اضافي موجود معاك ، في تصرفاتك ، بقا موجود في صوتك ، موجود في نظرة عينك او حتى في افكارك وفي الكلام اللي بتكتبه من غير ماتفكر ساعتها انك تستخدمه .

شويه شويه تكتشف انك لما تيجي تكتب كلام عادي عن يومك مثلا ، وتعيد قرايته تاني بتلاقي فيه انماط لغوية او قصص متداخله او ارباك وعي او تحفيز للمشاعر او تحفيز للسلوك . انت فعلا مكنش قصدك انك تعمل كده انت بس بتكتب واللي بيظهر بيكون built in .

لما حد بيسألني مثلا انا المفروض اعمل كام مرة تنويم ذاتي في اليوم علشان اقدر اوصل الاقتراح للاواعي .. بقوله كتير ، لما حد بيسألني كل جلسة مدتها اد ايه بقوله 5 دقايق .. بس انا عارف معلومة مختلفة صعب ساعتها اشاركها معاه .. انك لا محتاج تعمل جلسة لنفسك كتير ولا محتاج 5 دقايق .. يوم بعد يوم بتكتشف انك بتوصل لمرحلة انك بس تقول الاقتراح جواك وبيتنفذ . بصراحة حتى ديه مش الاجابة الحقيقيه .. لانك .. خد نفس عميق .. مش محتاج حتى تقول الاقتراح .. هو عارف انت عايز ايه .

ولما اكلمك عن هو مش بقصد القرين ولا العفريت ، انا بقصد وعي حقيقي بيبدأ انه يتخلق جواك في اللحظة اللي بتقرر فيها تتعلم التقنيه ديه ، بيكبر وبينمو لو احترمته وقدرته وميزته .

مينفعش مثلا تتعلم التنويم الايحائي كتقنية اضافيه تحطها في الدولاب بتاعك .. التنويم مختلف . التنويم هو لوحده ولا يقبل شريك من اي نوع تحت اي مسمى .. ولو التنويم الايحائي غار ، هيخليك تشوف كل التقنيات التانيه شبهه وكلهم مبنيين على الايحاء .

التنويم الإيحائي (الوعي الجديد) مش بيشكلك ، بيجهزك ، بيخليك انت شخصيا عبارة عن وسيط وليس العكس .. وبرضه ديه مش جملة من فيلم رعب .. خدها بشكل ايجابي .

انا في الكورسات بعلمك ازاي تكتب نص تطويري وبلزم الناس بيه ، بس اقولك سر ؟ انت مش محتاجه .. بس لحظة متفرحش .. انت مش محتاجه بس مش دلوقتي . لسه كتير لما تتعمق فيه وتبني بينك وبينه صلة وعلاقه .. وهفهمك ازاي

في يوم جالي متدرب (عنده 30 سنه او اكتر) بعد دورة تدريبية وقالي “استاذ نهاد انا عندي مشكلة” انا ساعتها كنت مرهق جدا ومعنديش اي استعداد لاي مساعده بس سالته لطفا ايه المشكلة ؟ قالي “انا عندي ارق ومش بعرف انام بالليل والموضوع ده بقاله سنين معايا .. هل ممكن التنويم الإيحائي يعالجني ؟”

مشكلة زي ديه ممكن تاخد مش اقل من 3 جلسات علشان افهم اسباب الارق واكون النص التطويري والبروتوكول اللي هستخدمه ، كل جلسة من دول مش اقل من ساعه وبعد كده بفهمه قانون ال 1٪ ونستنى ونلاحظ ونختبر ونعيد ونزيد الخ .

بس انا كان قدامي دقيقتين .. انا فاكر اني ساعتها بصتله وقولتله جملة واحدة وانا في كامل ثقتي وفي كامل نيتي وفي كامل دخولي في الحالة “انت متأكد ان المشكلة ديه هتجيلك النهاردة .. (وقفة) ؟ ” قالي بتجيلي كل يوم ، انا على طول كده !

“النهاردة الموضوع هيختلف وهتنام زي الطفل اللي جاي من المدرسة عنده افكار كتير بس ولا فكرة منهم اجمل من فكرة انك.. سيب عقلك يحلم واسمح لجسمك انه ينام” بصتله وقولتله الكلام ده وانا لامس كتفه بايدي .. في لحظة مش بتتكرر كتير بس كنت فيها في كامل ثقتي وفي كامل نيتي الايجابية تجاهه . انا للحظة تخيلت اني بقوله معلومة او خبر مش اقتراح او توكيد .

تاني يوم ومستناش حتى لاسبوع مثلا ورجعلي بيقولي انا نمت زي الطفل الصغير اللي لسه راجع من المدرسة .

انا افتكرته بيهزر لان الجملة ديه انا اللي قولتهاله .. لاقيته لا مبيهزرش ، كان مقتنع جدا .. كان واثق جدا ، كان بيقولها وكانه لسه مألفها حالا .

اللي فكرني بالكلام ده وخلاني اكتبلك كده ، هو اني دايما بقول للمتدربين مينفعش نستخدم التنويم علشان نخرج عفريت والكلام ده .. ده كلام فاضي !

بس ايه رايك لو قولتلك اني عملتها من سنتين في تونس ؟

من سنتين جاتلي والدة شاب وجابته معاها ، جلسة انا رفضتها بس كان التنظيم لسبب ما انساني مصر اتعامل معاه ، بعد التفاصيل ، قعدت مع الولد ، اللي عرفت من مامته ان عليه شيطان ما ، او عفريت وان الولد بتجيله حالات صرع وصوته بيتغير .

انا والله مافهمت انا دوري ايه او ايه علاقتي بالموضوع بس انا شوفت الموضوع بالطريقة ديه .. “شاب موهوم عنده صرع وبيحصله abreactions و هلاوس بصرية وسمعية” .. قعدت معاه ومش فاهم ايه اللي هيحصل “التنويم الايحائي بيستخدمك”

كلمته ، وحصلتله النوبه واحنا بنتكلم ، بيدخل فيها لحظات وبيرجع يتأسف .. كلمته تاني وسالته عن المشكله .. تحصله النوبة تالت ويدخل لحظات وترجعله تاني . اخر مرة حسيت ان فيه نمط معين في السلوك بتاعه بيحصل ، وبعد التفاصيل ، استنيت قبل مايدخل النوبة بتاعته وروحت زعقلته بحدة “بقولك ايه انا مش فاضيلك اتكلم عدل” لاقيته اتخض مني ورجع يتكلم عادي ومكملش النوبة بتاعته .. حاول يكررها تاني كررت الجملة تاني وقعدنا بعد كده ساعه بنتكلم من غير اي اعراض تاني ما تحصل . مامته كانت بتبص علينا من الازاز ومش فاهمة هو حصل ايه .. بس مش ده الجزء المثير في الموضوع .. الجزء المثير اني اقسم بالله ما فاهم انا قولتله كده ازاي اصلا وليه ولحد دلوقتي مش فاهم رد فعلي ده كان مبني على ايه .

ولا فاهم لحد دلوقتي في التجربة الاولى انا ايه اللى خلاني المس كتفه او امتى رفعت ايدي وعملت كده .

انا عارف اني خوفتك اكتر بس افكرك ان ده مش جزء من فيلم رعب واتمنى تصدقني بس اللي بيحصل كالاتي .. شخص اتعلم تنويم .. قعد سنين يتواصل مع اللاوعي الخاص بنفسه و بالناس ، يزرع اقتراحات يستخدم طرق ديف المان وغيره ، وهوب يكتشف ان التنويم بقا built-in
جواه . او بمعنى ادق بقا كلامه كده ، اسلوبه كده ، بيدخل في مواقف بيكتشف انه اتصرف بطرق عجيبة هو نفسه مش متخيل هو عمل كده ازاي .. الموضوع بيحصل كطفرات للناس العادية اللي حتى مش دارسينه بس بيحصل بشكل منظم للي دارسه بقاله سنين او عنده موهبه والله اعلم اتولد بيها .. ويوم بعد يوم وساعة بعد ساعه بتكتشف ان الموضوع ابعد من مجرد دراسه . الموضوع مختلف .

والخلاصة .. التنويم الإيحائي (الوعي الجديد) ملوش بديل ، ليه اشباه كتير ، بيبدا الامر انك تتعلمه معايا او مع مدربين في كل انحاء العالم علشان تكتشف انه تقريبا نفس الكلام بتتشابه او بتختلف في بعض التقنيات والتجارب الخاصه.. ده اللي خلاني اسافر واتابع اعظم الممارسين ليه في العالم علشان اكتشف ان مفيش جديد واللي بتدرسه هنا بتدرسه هناك .. كنت عايز الاقي اجابه او تفسير . بس شويه شويه بتفهم .. ولما بتفهم بتخاف ، وبعد كده بيتحول الخوف لفرحة ايجابيه عجيبة لما تحس انك مبقتش لوحدك .

فيه كتاب اسمه Abraham hicks
ل Esther and Jerry Hicks بيشرح الوعي الجديد من وجهة نظر مختلفة ..اقروه هتفهموا .. هتخافوا .. هتتعلموا وهتنبسطوا في النهاية

كان نفسي اعمل اعلان بعد الكلام ده لكورس ممارس التنويم الايحائي اللي هيبدا في القاهرة كمان كام يوم بس للاسف العدد اكتمل من زمان .. وهنبدأ

ويومكم اجمل من يومي
نهاد رجب




Source

مقالات مرتبطة

محدش فينا عارف اجابة سؤال “انت مين؟” ...
views 244
محدش فينا عارف اجابة سؤال "انت مين؟" وبالتالي أسهل حاجة نصدقها هو وصف الناس لينا .. لإننا مش عارفين هو صح ولا غلط .. احنا معندناش اجابة صريحة واضحة ...
فيروز ممكن تخليك متدين وتفكرك بربنا والتدين المتط...
views 25
فيروز ممكن تخليك متدين وتفكرك بربنا والتدين المتطرف ممكن يخرجك من الملة الحب ممكن يبدأ حروب والغضب ممكن يوصلنا للحكمة الفشل ممكن يكون طريقنا للنجاح...
مش لازم تغزو العالم وتحارب الاشرار وتقضي على الدين...
views 184
مش لازم تغزو العالم وتحارب الاشرار وتقضي على الديناصورات علشان تكون بطل .. جربت تتحدى رغباتك وتنتصر عليها ؟ جربت تقرر تتغير وتلتزم ؟ جربت تقول لمشا...
ينطلق المدرب نهاد رجب إلى الولايات المتحدة الأمريك...
views 190
ينطلق المدرب نهاد رجب إلى الولايات المتحدة الأمريكية (نيوميكسكو / ألباكيركي) في رحلة تدريبية للمرة الثانية ويقوم بتقديم جلساته العلاجية بالتنويم الإيح...
لما تلاقي نفسك مبسوط .. خد نفس عميق ولحظه واحفظ كل...
views 387
لما تلاقي نفسك مبسوط .. خد نفس عميق ولحظه واحفظ كل حاجه بتشوفها وبتسمعها وبتحس بيها .. حط ايدك على قلبك وقول الحمد لله والمره الجايه اللي تتغير فيها ...
الأسطورة الشخصية الحقيقية هي اللي بتصنعها وانت مرت...
views 887
الأسطورة الشخصية الحقيقية هي اللي بتصنعها وانت مرتاح في وسط التعب ، وحاسس بالمتعة في الوقت اللي كل اللي حواليك فاكرينك بتعاني . غلبانين ، انت مبسوط ...
تعتبر تقنية الربط أو ال Anchoring من أشهر تقنيات ا...
views 171
تعتبر تقنية الربط أو ال Anchoring من أشهر تقنيات الإقناع والتأثير والأشهرها استخداما .. تعرف عليها في هذا الفيديو مع تجربة عملية على البيانو وطرق استخ...
الى الإمارات ، دبي مبسوط واشتقت جدا للجميلة دبي ...
views 64
الى الإمارات ، دبي مبسوط واشتقت جدا للجميلة دبي ، اشوفكم على خير في كورس خاص ومجموعه جلسات بفندق سوفيتيل داونتاون دبي للتواصل معي يرجى إرسال رسالة...
Hi all Well I’ve just arrived at the Unite...
views 297
Hi all Well I've just arrived at the United States , Albuquerque , and I'm offering free sessions for nearby neighbors . Call me at studio 6 , osu...
بناءا على طلب الاخوه السناب شات الخاص بي: nihad...
views 210
بناءا على طلب الاخوه السناب شات الخاص بي: nihadragab اراكم على خير Source