خواطر وأخبار نهاد رجب

من ضمن الاسئلة اللي بتخلي عقلي يتجمد عن التفكير لما حد يسألني “هو انت هتخلص اللي… | نهاد رجب


من ضمن الاسئلة اللي بتخلي عقلي يتجمد عن التفكير لما حد يسألني “هو انت هتخلص اللي في ايدك امتى ؟” 😀

انا اكتشفت بعد سنين من المحاولات من اني الاقي طريقة تخليني اانتخ في البيت ومعملش حاجه واسيب البقرة تلف في الساقية لوحدها هو ان البقرة بتتعب ، بتموت ، بتجوع ، بتعطش مثلا !

اكتشفت وهمية وعبثية التفكير بطريقة “انا اعمل بس مليون جنيه استرليني واشغلهم واعيش حياتي بقا والف العالم ومشتغلش تاني” الطريقة اللي بيفكر بيها تقريبا 99.9٪ من العالم .

زمان قالوا ان مفيش حاجه اسمها طاقة مبتخلصش حتى الشمس بتخلص . كانوا زمان بيحاولوا يخترعوا اجهزه تشتغل لوحدها طول العمر من غير طاقة او مجهود مرتبط بيها بس كل المحاولات ديه على مدار التاريخ بائت بالفشل .

اكتشفت اني كنت بحاول اعمل نفس الاختراع ده والله ! ومكنتش بوصل لحاجه لاني كنت بلاقي نفسي في النهايه لازم اتابع الساقيه واتابع البقرة وااكل البقرة واراعي البقرة يعني برضه بشتغل بس المرة دي بقيت اشتغل عند شغلي وعند البقرة اللي المفروض كانت هتخليني عايش حياتي مأنتخ

انت كمان بتفكر ازاي ؟ مستني ايه يخلص علشان ترتاح بقا وترحرح ؟ تشتغل في وظيفة ب 100 الف جنيه في الشهر مثلا ؟ هاهاها هتلاقي نفسك بتشتغل اكتر وبتتعب اكتر وبرضه مش هتوصل انك ترحرح

مستني ابنك بقا يكبر ويدخل المدرسة علشان تبطل تشيل همه ؟
مستنية تتجوزي علشان تعيشي حياتك بقا وترتاحي من شغل البيت ؟ 😀
مستني تورث علشان يبقا معاك فلوس كتير وتتجوز خطيبتك اللي بتأكدلك انها مش هتخليك محتاج حاجه !

الحاجه الوحيدة اللي فعلا بتنتهي وبتخلص هي الدنيا ، ودخولك الجنة ، لا هتشتغل ولا هتعمل اي حاجه ، هتجرب لاول مرة وللابد ان شالله انك تقعد مبتعملش حاجه والله اعلم .

علشان كده نقدر نستخلص من كل ده ان كلمة “نهايه” كلمة عجيبة مزفلطة كده ملهاش بدايه ولا نهايه . مفيش نهايه غير في الافلام والاعجب برضه ان مفيش بداية غير في الافلام برضه .. يعني لو سألتك مثلا امتى بدأت تشتغل مبرمج هتقولي من سنتين ، بس انت لو فكرت فيها بشكل اعمق واكثر فلسفيه هتكتشف ان لا لا ، انت قبل كده ب 10 سنين كنت قاعد على القهوة وبتفكر انك عايز تشتغل مبرمج او يمكن تكتشف انك من يوم ما اتولدت والفكرة ديه بدات في دماغك وانت مش واخد بالك .. انت بس نسيت .. البدايات هي وهم صنعناه علشان نمطنق الدنيا والنهايات هي امل بنتمسك بيه علشان نلاقي حاجه نتطلع ليها .

علشان كده محدش يسألني “هتخلص اللي في ايدك امتى؟”
اسمها … هتاخد بريك امتى ؟

ويومكم اجمل من يومي
نهاد رجب


Source

مقالات مرتبطة

الخطوة اللي تاخدها لهدفك في خيالك تتحسب | نهاد رجب...
views 233
الخطوة اللي تاخدها لهدفك في خيالك تتحسب Source
تابعوني على السناب تشات : nihadragab والانستجرا...
views 84
تابعوني على السناب تشات : nihadragab والانستجرام : nihadragab وانتظروا المزيد من التفاعل خلال الفترة القادمة 🙂 نهاد رجب Source...
الكورس المنتظر ، دبلومة الفراسة أخيرا بإيفري فرنسا...
views 368
الكورس المنتظر ، دبلومة الفراسة أخيرا بإيفري فرنسا مع المدرب الرائع محمد زكريا أول مدرب عربي لقانون الجذب كورس الفراسة من الكورسات اللى انا متحمس ل...
مفيش اجمل من انك تعمل حاجة لله ، بإلهام من الله وت...
views 215
مفيش اجمل من انك تعمل حاجة لله ، بإلهام من الله وتدبير من الله وبموارد ربنا رزقك بيها ومجهود ربنا مبارك فيه بإيدين خلقهم الله وفي الاخر تاخد ثواب دنيا...
كنت في عزا جدة صديق ليا ، لما بدأ يحكيلي عن ازاي ت...
views 76
كنت في عزا جدة صديق ليا ، لما بدأ يحكيلي عن ازاي توفت .. كلمني عن اللحظات الاخيرة للوفاه وعن كل الغرائب اللي ممكن تستعجب جدا منها ، كلمني عن الناس الل...
العلاج النفسي بالخضه (البخ) قريت لدكتور محمد طه م...
views 259
العلاج النفسي بالخضه (البخ) قريت لدكتور محمد طه مقاله بدأ فيها بخبر عن العلاج بالخضة النفسي وبعد كده بدأ الدكتور محمد طه بضحد الفكره واثبات من خلالها...
التخلص من التأتأة | جلسة تنويم إيحائي للمتخصصين فق...
views 628
التخلص من التأتأة | جلسة تنويم إيحائي للمتخصصين فقط | نهاد رجب انضم للصفحة وادعوا اصدقائك للاستفادة. الصفحة الرسمية للمدرب والمعالج نهاد رجبhttps://...
لو عايز تبقى غني – نهاد رجب...
views 5997
  لو عايز تبقى غني .. حط نفسك في موقف مينفعش فيه تبقى فقير ادخل جمعيات حتى لو مش لاقي شغل تشتغله ومفيش ف جيبك جنيه اتجوز دور دلوق...
دقايق ونبدأ محاضرتنا الجميلة في اذار – Azar ...
views 96
دقايق ونبدأ محاضرتنا الجميلة في اذار - Azar متحمس جدا اني هحاضر في اكتر موضوع بحبه وشغوف بيه اشوفكم على خير ❤❤ Source...
لو الحلم هو عبارة عن رساله مشفرة من العقل اللاواعي...
views 126
لو الحلم هو عبارة عن رساله مشفرة من العقل اللاواعي بيقولك من خلالها حاجه بناء على مجموعه ضخمه من المعادلات اللي بتتم داخليا جوا دماغك وفي النهايه بيتم...