خواطر وأخبار نهاد رجب

مش يمكن كل ده مش موجود ؟ مش يمكن وعينا ما هو الا خيال لوعى اعلى ؟ مش يمكن اح… | نهاد رجب


مش يمكن كل ده مش موجود ؟

مش يمكن وعينا ما هو الا خيال لوعى اعلى ؟

مش يمكن احلامك تكون حقيقتك في بعد تاني وانت حلم لبعد مختلف عنك ؟

مش يمكن اكون بصحى من النوم كل يوم وبقول انا حلمت اني مدرب ؟ او موظف ؟ او اب ؟ او طفل ؟ مثلا !

مش يمكن اكون دلوقتي في بعد ما قاعد على الارض بحرك ايدي بنفس الطريقة اللي بحركها دلوقتي وانا بكتب على اللاب بس الفرق ان هناك مفيش قدامي لاب وانا مغمض عيني وحواليا ناس زيي بيعملوا حركات مختلفه بدون تفاعل مع اي حد حواليهم وفاكرين انهم مش لوحدهم وهما جوا خيالاتهم المتعددة ؟

مش يمكن الكون ميكون بدا من انفجار كبير بقاله مليارات السنين ولا حاجه وان اللحظة ديه اتكررت عدد لانهايئي من “المرات” وكلمة “المرات” اتكتبت مليارات المرات قبل كده في ابعاد زمنية مختلفة ؟

انا هكتب دلوقتي رقم .. الرقم ده انا لسه محددتوش دلوقتي .. بس مش يمكن اكون كتبته مليارات المرات قبل كده وكل مرة كنت فاكر اني محددتوش؟؟ 544 .. لا مش ده 139 ، لا ولا ده .. 101 مثلا ؟

اصحابي ممكن يكون محاولة لعقلي انه يخفف من حدة الوحدة ويرتب حياتي بالشكل الطبيعي ليها .. فبيخلق اصحاب ، بيحط قدامي ظروف ، فرص ، علشان اكمل في اتجاه محدد مينفعش ابعد عنه .

طيب لو غيرت ده وقررت دلوقتي مثلا اني اسيب كل حاجه ؟ اني اخد حياتي ، مش ده ممكن يعمل تغيير /ازمة / هزة / زلزال في النظام ؟

هل لو انا غيرت/كسرت نمط مكرر ، ده هيغير اتجاه حياتي او سرنديبي ؟ يعني لو جربت اني احط ملح في النسكافيه .. جربت اني اغمض عيني وانا صاحي لمدة 24 ساعه او اني اسيب العربية في وسط الشارع .. هل الملح في النسكافيه هيكون طعمه وحش او عيني هتوجعني او الناس هتضايق من عربيتي ، ولا ده مجرد رد فعل للنظام علشان يخليني ارجع للطريق اللي مرسوم ؟

هيعاقبني اني غيرت نمط شرب النسكافيه وهيخليني متضايق من طعمه مثلا ؟
هيعاقبني ان غيرت نمط استخدام عيني فهيخليها تتعبني مثلا ؟
هيعاقبني من اني غيرت نمط مكان العربيه فهيعاقبني بالناس اللي هتضايق ؟

طيب هيحصل ايه لو استمريت ؟

لو سبت العربية ؟ مثلا ؟ الناس هتضايق ؟ هتخبطها ؟ هتكسرها ؟ هتسرقها ؟ مجموعه متسلسله من العقاب المتعدد علشان ارجع عن تغيير النظام ، بس في النهايه مين هيكون المنتصر ؟

ولا ايه ؟

ويومكم اجمل من يومي
نهاد رجب


Source

مقالات مرتبطة

فيديو : خاطرة حول الطريق الاسرع للوصول الى ما تستح...
views 252
فيديو : خاطرة حول الطريق الاسرع للوصول الى ما تستحقه لـ نهاد رجب انضم للصفحة وادعوا اصدقائك للاستفادة. الصفحة الرسمية للمدرب والمعالج نهاد رجب Sou...
من آعظم المعالجين اللي شوفتهم في حياتي ، دكتور اسم...
views 148
من آعظم المعالجين اللي شوفتهم في حياتي ، دكتور اسمه علاء مرسي .. حظي كان حلو اني حضرت معاه ، في سنه من السنين ، التنويم الإيحائي منهج البورد الامريك...
مية وهوا O2 و H2O عايز تعرف اد ايه انت ضئيل ؟ ...
views 450
مية وهوا O2 و H2O عايز تعرف اد ايه انت ضئيل ؟ تأمل كده ، إن العالم كله لو كان ملك يمينك والفلوس والثروات كلها كانت في حسابك بإسمك ، في النهاية ل...
حاجة واحدة نفسك تعملها قبل ما يبقى الوقت غير مناسب...
views 62
حاجة واحدة نفسك تعملها قبل ما يبقى الوقت غير مناسب Source
الحياة علمتني اني مسمعش من حد كل شوية يخطب ويزعق ف...
views 96
الحياة علمتني اني مسمعش من حد كل شوية يخطب ويزعق في الناس علشان يتبعوا الأخلاق القويمة كثير المقارنة بين نفسه والاخرين بشمام باشر او ضمني، ينزه نفسه ع...
تم انشاء جروب خاص يجمع جميع ممارسين التنويم الإيحا...
views 115
تم انشاء جروب خاص يجمع جميع ممارسين التنويم الإيحائي باعتماد مؤسسة المايندكير الحاصلين على التدريب معي - نهاد رجب - وفكرة الجروب هي جمعنا في مكان واحد...
الأردن 21 ديسمبر الى 23 ديسمبر – كورس ممارس ...
views 27
الأردن 21 ديسمبر الى 23 ديسمبر - كورس ممارس التنويم الإيحائي (موديل 1) - نهاد رجب هتواجد ان شالله في الاردن مع تجربة جديدة حلوة جدا ومهمة مع مركز كوز...
يمكن يكون شكله غريب أو افكاره مختلفة...
views 3455
يمكن يكون شكله غريب أو افكاره مختلفة بس ده مش معناه انك تهاجمه حاول تسمع لإن على مدار الحياة بالكامل اللى اتكتب اسمه في التاريخ كان مختلف ف...
جاوب من غير ما تفكر … اكمل النقاط وأوصف نف...
views 242
جاوب من غير ما تفكر ... اكمل النقاط وأوصف نفسك لو الناس عرفتني كويس ها .... Source
الا اخبركم بكلمات سحرية تستطيع ان تغير حياتك ؟ &...
views 200
الا اخبركم بكلمات سحرية تستطيع ان تغير حياتك ؟ "انا ...." وضع مكان النقاط ما تريد وكرر فقط احذر قد ينقلب السحر على الساحر .. اختر ما ستضعه مكان الن...

1 Comment