خواطر وأخبار نهاد رجب

عقلك عامل زي هارد ديسك الكمبيوتر ملفات بسيطه مساحتها كام بايت byte ممكن متحطه… | نهاد رجب


عقلك عامل زي هارد ديسك الكمبيوتر

ملفات بسيطه مساحتها كام بايت byte ممكن متحطهاش في دماغك بس في النهايه تكتشف انها خدت المساحة كلها .. وتبدأ تجيلك الرساله اياها “لقد اوشكت المساحة على النفاذ” وتبدا تتكرر كتير لحد ما تبدا تمسح شوية ملفات مش محتاجها وتنضف الكمبيوتر .

عقلك عنده مساحه محدودة وبيبدأ بعدها يهنج ويديلك رسايل غريبة ، مش هيقولك ان المساحة خلصت بس هيبدا يخرف ..

تخيل مثل ان الكمبيوتر بدل ما يقولك “لقد اوشكت المساحة على النفاذ” يقوم قايلك “انت عمرك ما اهتميت بيا !”

غريبة صح ؟ بس بالنسبه للعقل لا .

انت عندك مساحة ، بنسميها بالبلدي “طاقة احتمال” ، تخيل ان طاقتك ليها لون ، اخضر او احمر او اسود (الخطر)” .. انت وانت في منطقه اللون الاخضر بتكون مبسوط اكتر ، مرتاح ، معندكش مشاكل وغالبا بتكون سوي وطبيعي نفسيا .. فبتبدا تقبل مثلا علاقات جديدة ، فالمساحة تتملي شويه ، ممكن تقبل مهمات جديدة ، فالمساحة تتملي اكتر وبسبب العلاقات والمهمات بتبدا تحصل مشاكل فالمساحة بتبدا تقل اكتر واكتر ، وهنا بتبدا مشاكلك الحقيقيه …

كل ما المساحة تقرب تخلص بيبدا العقل يظهر قدامك ملفات غريبة من نوعيه احلام او افكار سلبيه او حتى تفتكر زكريات ليها علاقه بالماضي وصدمات سابقه .. زي مثلا :

“انا محدش بيحبني” ٫ انا اترفدت من شغلي في 2001 ، ياربي فلان مات بقاله 4 سنين انا حزين عليه جدا دلوقتي مش عارف ليه ، انا تخين ، انا رفيع اكتر من اللازم ..

كل الرسايل السابقه بتكون محاكاة لرسالة الكمبيوتر “لقد اوشكت المساحة على النفاذ” ، ولما تلاقي ان ده بيحصل فديه اشاره من عقلك انك محتاج تخلص شويه من اللي عليك ، السر هنا انك متمشيش ورا عقلك .. وده الجزء المثير في الموضوع ..

عقلك هيقولك “انا زعلان علشان اترفدت من شغلي” لو لاقيت ان الرساله ديه ظهرت فجأه بدون اي سابق انذار او مناسبه ، ساعتها بتفهم ان عقلك بيهنج مش اكتر ، وهنا هتعمل ايه ؟

ببساطه هتخلص اللي عليك .. يعني :

اتعلم انك متشيلش جوا عقلك ضغوط او تأخيرات لأي مهمات عليك ، حرفيا لو عليك انك تغسل الاطباق بس انت مأجل المهمه الشاقه ديه ، هتلاقي نفسك مكتئب وهتلاقي افكار اكتئابيه بدات تظهر في عقلك ، صدقني لو غسلت الاطباق هتلاقي نص الافكار ديه اختفت ..

الخدعه ديه مفهومة جدا وقديمة جدا وللاسف بننساها .. اوعى تأجل ، اكتب قايمة بمهماتك ونفذها واحدة ورا التانيه ، بعد كل حاجه تخلصها اعمل جمبها علامة صح .. انا بقولك وبأكدلك ان حتى لو المهمات ديه ضمنها غسيل الاطباق .. كل صح بتعملها جمب نقطه في القايمة بتخفف من على دماغك حمل وبتشجعك تكمل اللي بعدها .. انت متخيل ان ممكن تأجيلك لاهداف قصيره او بعيده ، صغيره او كبيره ممكن يسبب مشاكل جسديه او نفسيه !

ولو في يوم لاقيت نفسك متضايق فجأه او مكتئب بدون مناسبه ، اسال نفسك .. انا غسلت الاطباق النهارده ؟

ويومكم اجمل من يومي
نهاد رجب


Source

مقالات مرتبطة

Solar Energy for Mother Earth and Everyday Smiles
views 282
Paleo ethical Williamsburg Wes Anderson Vice biodiesel +1, asymmetrical mlkshk shabby chic tofu. Heirloom hoodie migas, fashion axe paleo Intelligents...
مستنيكم ع السناب تشات. حاجات حلوه هتعجبكم هتكلم ع...
views 282
مستنيكم ع السناب تشات. حاجات حلوه هتعجبكم هتكلم عنها nihadragab Source
البوست ده مهم جدا لكل واحد بيمارس جلسات الدعم النف...
views 30
البوست ده مهم جدا لكل واحد بيمارس جلسات الدعم النفسي باستخدام تقنيات التطوير الذاتي واللايف كوتش (التنويم الايحائي - البرمجة العصبية - اللايف كوتش -...
انا عايز اقول لمجموعة ممارس التنويم الإيحائي (المر...
views 537
انا عايز اقول لمجموعة ممارس التنويم الإيحائي (المرحلة الثانية) بجد شكرا ! في اول دقيقة في الكورس قولتلكم ان الكورس تقيل جدا ومختلف تماما عن الدبلوم ...
وما بعد ؟ الناس اللي قريبين مني عارفين اني عندي ...
views 68
وما بعد ؟ الناس اللي قريبين مني عارفين اني عندي هوس بتطوير منهج التنويم الإيحائي ، ويمكن مفيش كورسين عملتهم ورا بعض جوا مصر او بره مصر الا وعدلت وغي...
كل مرة بدرب التنويم الايحائي لمجموعه جديدة من النا...
views 96
كل مرة بدرب التنويم الايحائي لمجموعه جديدة من الناس في اي مكان ودوله بروحها بسأل نفسي .. انا نيتي ايه ؟ جددوا النيه Source...
ناس كتير بتقول انها مبتعرفش تتخيل في جلسات التنويم...
views 274
ناس كتير بتقول انها مبتعرفش تتخيل في جلسات التنويم الايحائي وطبعا التخيل جزء كبير من العلاج بس ازاي نقدر نساعدهم بنتعلمه في ورش التنويم مع العلم انن...
كيف يمكنك الاستفادة من التنويم بالإيحاء – #...
views 209
كيف يمكنك الاستفادة من التنويم بالإيحاء - #التنويم_بالإيحاء_مع_نهاد_رجب الحلقة 6 انضم للصفحة وادعوا اصدقائك للاستفادة. الصفحة الرسمية للمدرب والمعالج...
أربع مراحل لمعادله الأربع خطوات لحث حاله التنويم ا...
views 119
أربع مراحل لمعادله الأربع خطوات لحث حاله التنويم الإيحائي التنويم الإيحائي هو تقنيه معروفه حول العالم حيث انه افاد الآلاف ممن خضعوا لحاله التنويم ال...
كنّا طالعين جبل موسى ، في سانت كاترين من أسبوع او ...
views 456
كنّا طالعين جبل موسى ، في سانت كاترين من أسبوع او اكتر . عشرات من الناس عايزين يوصلوا للقمة لسبب ما . كل واحد عنده هدفه . الجبل ارتفاعه ٢٣٠٠ متر وصعود...