خواطر وأخبار نهاد رجب

الله ! في 2007 كنت بدرس لغويات ، والدكتور قالنا معلومة كانت عجيبة بالنسبة لي ق… | نهاد رجب


الله !

في 2007 كنت بدرس لغويات ، والدكتور قالنا معلومة كانت عجيبة بالنسبة لي قالنا ان حرف ال L هو حرف alveolar ridge واللي دارس لغويات عارف ان كل حرف ليه مكان معين في الفم ، العجيب ان حروف ال alveolar ridge هي حروف بتحفز حالة الاسترخاء والراحة .. فتلاقي كلمات كتير في اللغة الانجليزيه معناها الاسترخاء زي CALM , RELAX , TRANQUIL ،وغيرها .. لما جيت ادور في اللغة العربية عن كلمات سهله ليها علاقة بالاسترخاء ، تقريبا ملاقتش غير “استرخاء ، راحة ، نوم ” واغلبها لو مش كلها كلمات مفيهاش الحرف ده بالتحديد ، لحد ما ردد في سري “آلا بذكر الله تطمئن القلوب” ، فبتفكر اكتشفت ان اسم الله عز وجل فيه اتنين لام .. وان الشهاده “لا اله الا الله محمد رسول الله” 8 حروف لام في 7 كلمات ، المهم انبسطت واستغربت وبعد كده درست نفس المعلومة مع كارلا جارنت ، ومرت الايام ونسيت الموضوع لحد ما قريت مقالات من كتاب مهم جدا ..

الدكتور النفسي أندروا بيرج وشريكه في تأليف كتاب نفسي اسمه “تأثير الكلمات على عقولنا” بيقولوا ان الكلمة مش بس بتأثر على الحالة النفسية للانسان ، ديه كمان بتغير في طريقه عمل العقل داخليا ، يعني كلمة سلبية ما زي “القتل” ، “آلخيانه” ، “الموت” ممكن تحفز العقل على افراز مادة كيميائية تأثر في الحالة النفسية للانسان وسلوكه الجسدي وافكاره ..

ومجرد احتفاظك بكلمك داخليه زي “السلام ، الامان ، الرحمة” بتبدأ تأثر على الفص الدماغي الامامي او ال frontal loop وبتدي اشارات لغدد معينه في الجسم مش بس بتخلي الانسان يحس براحة نفسية بس كمان بتخلي العقل يركز على افكار من نوعيه الكلمات اللي بنرددها ف عقولنا

الجزء المثير في الموضوع ان ده مش معناه اننا بنجذب اشياء خارجيه بس احنا بنتحول لاسباب لتحقيق الاسباب اللي هتخلينا نوصل للي احنا عايزينه او مستنينه ..

انا مش بتكلم عن قانون الجذب هنا ، انا بتكلم عن ان الجذب بيبدا من الداخل ولو فيه كلمة حقيقيه اكثر منطقية من كلمة “الجذب” فهي كلمة “التجلي” .. والتجلي هنا معناه ان تحقيق النتايج بيبدا بنوعيه الافكار اللي بنحصل عليها من خلال ترديد كلمات ايجابية محددة بتوصل الفص الدماغي انه يبدا في تحفيز الجسم والعقل على تسخير الاسباب الجسديه والافكار في ايصالنا للنتايج المطلوبة .

طيب نعمل ايه ؟ مش هتعمل حاجه جديدة .. حدد المشكلة اللي انت فيها ومن اسماء الله الحسنى حدد الاسم الاشمل اللي بيعبر عن حل المشكلة ديه . يعني مثلا لو ضائقة مالية “الرزاق” .. لو خوف “الرحيم المؤمن” ، جواز ، شغل ، الخ

قبل ما اكمل كلامي انا مش بقولك فتوة دينية ، انا بدمج بين ذكر الاسم وبين ابحاث اندرو بيرج ، فلو بدات انك تردد وتكرر الاسم اكتر من مرة باحساس ، بيحصل نفس اللي اتكلموا عنه في كتاب “تأثير الكلمات على العقل”

جرب مثلا انك تقعد مرتاح وتغمض عينك وتردد بهدوء “الله” قولها من جوا قلبك ، خرجها باحساس ، قول سلام ، قول الله الله الله الله ، ومد في الكلمة بصوت خاشع زي الهمس . واستشعر مشاعر الهدوء والراحة اللي بتنتشر في كل عضلة في جسمك

ويومكم أجمل من يومي .

نهاد رجب


Source

مقالات مرتبطة

قريبا محاضرة “أهل الخاصة” اجتماع خاص ب...
views 223
قريبا محاضرة "أهل الخاصة" اجتماع خاص بالتنويم الإيحائي لممارسين المتقدمين والمحترفين للتنويم الإيحائي . معلومات وأسرار لا يمكن بأي شكل تداولها في كو...
خلال الفترة القادمة هنشط في ال Social Experiments ...
views 210
خلال الفترة القادمة هنشط في ال Social Experiments "التجارب الاجتماعية" وهي بتكون تجارب نفسية بقيس نتايجها وبدرسه وببدأ اناقشه في الدورات او المحاضر...
التنويم الإيحائي بالعربي .. قريبا جدا سوف يتم اط...
views 15
التنويم الإيحائي بالعربي .. قريبا جدا سوف يتم اطلاق أكبر وأول بوابة في الشرق الأوسط للتنويم الإيحائي وممارسي التنويم الإيحائي وتقنيات الدعم النفسي ا...
أنا معنديش عصا سحرية أنا معايا عصاي اتوكأ عليها ...
views 55
أنا معنديش عصا سحرية أنا معايا عصاي اتوكأ عليها شكلها عادي جدا بس أنا متأكد أني لو ضربت بيها البحر هينقسم نصين ولو ألقيتها هتتحول لحية تسعى الس...
أهل تونس الكرام وحشتوني جدا ان شاء الله خلال ايا...
views 229
أهل تونس الكرام وحشتوني جدا ان شاء الله خلال ايام هنبدأ دبلوم التنويم بالإيحاء بالجميلة سوسة الدبلوم الاشهر في تحسين القدرات والتخلص من المشكلات و...
كنت واقف برة المطار مستني ال Check in يبدأ ، مستني...
views 161
كنت واقف برة المطار مستني ال Check in يبدأ ، مستني ارجع القاهرة ، واتعرفت على شاب تونسي وشاب تركي كانوا مستنيين .. بتكلم مع التونسي فقولتله انا بحب تو...
يوم عن يوم بحس ان فيه حاجات حلوه بتحصل في البلد ب...
views 197
يوم عن يوم بحس ان فيه حاجات حلوه بتحصل في البلد بسافر الدنيا وبرجع حاسس اننا برضه احسن لكل شخص بيتكلم بأي لغه مصر حلوه والدنيا بتستقر يوم عن يوم ول...
انت مش مسئول عن العالم الخارجي ، انت مسئول عن نفسك...
views 85
انت مش مسئول عن العالم الخارجي ، انت مسئول عن نفسك اللي بتفسر العالم الخارجي بأفكار تسببلك مشاعر تأثر عليك انت شخصيا . توقف عن محاولتك لتغيير العالم ...
استنوا فيديو جديد عن “طريقة جديدة للوقاية وع...
views 192
استنوا فيديو جديد عن "طريقة جديدة للوقاية وعلاج الزهايمر وضعف الذاكرة" الساعة 10 ليلا بتوقيت القاهرة علشان يجيلك كل جديد من الصفحة اختار صفحتي ك See ...

22 تعليق