خواطر وأخبار نهاد رجب

الشيخ عائض القرني كان بيحكي عن قصه طريفة عن واحد راح لشيخ فقاله : ياشيخ لقد زن… | نهاد رجب


الشيخ عائض القرني كان بيحكي عن قصه طريفة عن واحد راح لشيخ

فقاله : ياشيخ لقد زنيت بإمرأه فحملت مني
قال له الشيخ : لماذا لما تعزل عنها حتى لا تبوء بإثم الولد فوق إثم الزنا
قال : ياشيخ بلغني أن العزل مكروه
قال : يخرب بيتك ! بلغك أن العزل مكروه ولم يبلغك أن الزنا حرام !

مع ان القصة ديه طريفة ومعرفش مدى دقتها او صحتها بس العهدة على الراوي ، ومع انها موقف ولكن معناه للأسف بيتكرر كتير جدا

بيتكرر في كل واحد بيتأكد انه ياكل بإيده اليمين علشان سنة ، بس ممكن يسرق بيها عادي
بيتكرر مع كل واحد مبيخبطش الكوبايات في بعضها حتى “لا يبطل ما فيها” حتى لو كان فيها خمرة !
بيتكرر مع كل واحد بيتخانق مع الناس على الطريقة الصحيحة للوضوء بس هو نفسه مبيصليش اصلا
بيتكرر مع كل واحد ممكن يهين او يشتم او يغتاب او يتريق على واحد لانه فسر آيه بشكل خاطئ او جديد
بيتكرر مع كل واحد حافظ آيه “اتأمرون الناس بالبر” ومتناسي “وتنسون أنفسكم”
بيتكرر مع كل واحد حافظ “لو كنت فظا غليظ القلب” ومبيعملش بيها
بيتكرر مع كل واحد عارف ان الدين الاسلامي دين الرحمة والعقل والهدوء والحكمة وتلاقيه بيدخل يشتم صفحات او ناس معاكسين لاعتقاداته وبيسبلهم مية ملة ودين ويفرح باللايكات وهو حافظ “يَا أَيُّهَا الَّذِينَ آَمَنُوا لَا يَسْخَرْ قَومٌ مِنْ قَوْمٍ”

شابوه حقيقي للي مش عارف وعارف انه مش عارف وساكت وبيبحث
شابوه حقيقي للي عارف بس بيستخدم معرفته في اتجاه سليم
شابوه للرجالة الكبار الناشفة اللي صدقوا ما عاهدوا الله عليه
شابوه لكل واحد بيدعي للناس بالهداية وفي نفس الوقت بيدعي ربنا يهديه هو كمان
شابوه حقيقي لكل واحد لم يتدخل فيما لا يعنيه ، لا متناقض ، حقيقي ، ثابت على موقفه ، كبير كفايه علشان يعرف الصح من الخطأ وكبير كفايه علشان يعترف بخطأه

ويومكم أجمل من يومي


Source

مقالات مرتبطة

اعزائي اخيراً ع بداية الطريق للانستجرام اراكم ...
views 288
اعزائي اخيراً ع بداية الطريق للانستجرام اراكم ع خير nihadragab Source
التغيير والتنمية البشرية
views 1302
نظريتي عن التغيير يمكن تكون مختلفة وسببت مجادلات كتير مع ناس كتير مزنوقة في التغيير باختصار انا مش مقتنع ان اللى عايز يتغير بيتغير ، اللى هو عبث فك...
لكل أعضاء الصفحة الرسمية ل نهاد رجب لأنك لازم يك...
views 15
لكل أعضاء الصفحة الرسمية ل نهاد رجب لأنك لازم يكون ليك دور اشترك الان مجانا في موقع الاكاديمية واحصل على : ١- اجدد المقالات الحصرية لتطوير الذا...
Nihad Ragab 6 mins · كل ماتكبر حبة حبة هتلاقي ان ...
views 288
Nihad Ragab 6 mins · كل ماتكبر حبة حبة هتلاقي ان الحرب اللي انت بجد هتنتصر فيها هي الحرب اللى انت محاربتش فيها حروب معافرتش مع حد ولا اتحديت حد بسب...
Hi all Well I’ve just arrived at the Unite...
views 294
Hi all Well I've just arrived at the United States , Albuquerque , and I'm offering free sessions for nearby neighbors . Call me at studio 6 , osu...
بجهز لكورس التنويم الايحائي الجديد (مارس ٢٠١٧) أح...
views 284
بجهز لكورس التنويم الايحائي الجديد (مارس ٢٠١٧) أحب اقولكم وداعا لل showmanship ووداعا للتنمية البشرية ❤️ الكورس الجديد نظامه غير اي كورس تعرفه عن ال...
The History Of Lounge
views 268
Quinoa typewriter butcher, mlkshk mumblecore kogi single-origin coffee roof party bespoke slow-carb Wes Anderson. Lomo Pinterest selfies plaid before ...
ساعات بسيطة ان شاء الله ونبدأ رحلة جديدة مع التنوي...
views 29
ساعات بسيطة ان شاء الله ونبدأ رحلة جديدة مع التنويم الإيحائي والنموذج الأول لممارس التنويم الإيحائي الذاتي . (القاهرة) متحمس وبشدة وبعنف للكورس وان ...
ممارسين التنويم الايحائي الحلوين يوم 11 ان شاء ا...
views 246
ممارسين التنويم الايحائي الحلوين يوم 11 ان شاء الله هيكون ميعادنا مع مداخلة تدريبية للجميل جونثن رويل على الاسكايب جونثن رويل من أشهر مدربي ومعالج...