خواطر وأخبار نهاد رجب

مين قالك ان القطة مريحة والفار مزعج ؟ الاتنين وهما صغيريين نفس الحجم تقريبا ال… | نهاد رجب


مين قالك ان القطة مريحة والفار مزعج ؟
الاتنين وهما صغيريين نفس الحجم تقريبا
الاتنين حيوانات غير مفهومة ، مريبة ومضرة في بعض الاوقات
هل ده لان القطه مريحة وجميلة وتريح القلب ولا لان كل ده في دماغك ؟

انا عارف ان كلامي غريب بس لسه الجزء المثير مجاش ..

انت عارف ان فيه بعض الناس عندها فوبيا من القطط ؟ حرفيا فيه ناس عقلها متركب بطريقه مختلفه تماما عنك ، ادراكهم للاشياء مختلف جدا عنك ، لو افترضنا للحظه ان الناس مريضه ، هتكتشف انك انت كمان زيهم بالظبط ، انت كمان مريض بس بمرض هو عكس المرض .. ولو افترضنا ان الناس ديه مش مريضه فانت كمان مش مريض .

القطة ملهاش اي علاقه بحكمك عليها ، ولما تتعمق شويه في الفكرة هتكتشف انك انت كمان ملكش علاقه بالحكم نفسه ، بس انت اتعلمت كده في يوم من الايام ، عقلك اختار انه ينبسط لما يشوف قطة او يخاف لما يشوف فار ، غيرك نفس الفكرة ونفس القصة بس وصل لاحكام مختلفه .

انت مش انسان سوي لما متخافش من الضلمة ومش انسان سوي لما تخاف والعكس صحيح ، ومن هنا نوصل لنقطه ، هل العالم اللي حوالينا فعلا حقيقي ؟

عمرك شوفت حد بيشرب بيريل قبل كده واستغربت هو ازاي بيطيق طعمه ؟ طب انت عارف انه مشوب مشهور جدا وناس كتير بتحبه ! وانت متخيل ان الناس كلها هتفكر زيك لمجرد انك وصلت للاستنتاج ده وهتفتكر ان الناس عندها مشكله عقليه لما تشرب البيريل او تاكل حلويات اللحوم او الكوارع مثلا ! وده اسمه false consensus بس مش محتاجين ندخل فيه اكتر .

هل العالم اللي حوالينا حقيقي كما هو ؟ ولا حقيقي كما نحن ؟ قطه شرودنجر ماتت ولا عاشت ؟ الاتوم او الجزئ موجي ولا طولي ؟ تجارب كتير جدا اتعملت في الموضوع ده ويوم بعد يوم وبحث وبعديه بحث هتكتشف انك لحظه بلحظه بتبدا تبص للدنيا بنظرة المتزهدين ، اللي هو ايه ده ؟ كيلوا دهب مرمي في الشارع ؟ مش مهم ، وتكمل وتمشي

لان حتى كيلوا الدهب ملوش وجود ، ملوش اهميه ، بس هيكون مهم لو عايز تجيب عربيه مرسيدس ، بس حتى العربيه مش هتفرق معاك بس هتدخلها جوا وعيك لما تكون عايزها علشان تنقل بيها الاولاد للمدرسة مثلا ، بس حتى المدرسة مش هتفرق معاك لو مكنتش اتجوزت من الاساس ، يعني حتى رغباتك ، احلامك ، سلوكك ، وافكارك نفسها مش بتاعتك ، حقيقيه او مش حقيقيه بناء على ادراكك لأهميتها ، لفكرها ، لطبيعتها ..

فلا القطه بتخوف ولا القطه بتفرح ، ولا الفار بيخوف ولا بيفرح ، اللي انت متخيل ان كل الناس فهماه ، هتكتشف انهم مش بيفكروا زيك ، انت جميل ووحش ، عند ناس وناس ، انت رائع ومبهر عند ناس ، وغريب ومقرف عند ناس تانيه

والخلاصه هنا :

انت مش محتاج انك تقنع الناس بكلامك ، لان حتى كلامك فيه خطأ ما
انت مش محتاج انك تقرا علشان تتعلم ، اي نظريه هتقولها وتختلقها هتلاقيها صح في يوم من الايام لو دورت وراها .
الشمس مش بتلف حوالين الارض بس فيه ابحاث بتقول كده
الارض مش مسطحة بس فيه ناس بتحاول تثبت ده
الارض في زمن كانت مسطحة وبعد كده مدورة وبعد كده هيكتشفوا حاجه تالته ورابعه ويمكن نرجع لفكر انها مسطحة تاني ، افهم يا صديقي الارض اصلا مش موجودة الا في خيالك
والقطة مش مفهومه الا في عقلك
والفار غلبان وملوش علاقه بتفكيرك او يمكن يكون عندك حق ويكون متوحش جدا بس انا مش عارف . اللي انت عارفه حقيقي وغير حقيقي ، منطقي ولا منطقي .

والخبر السعيد هنا انك كل اللي محتاج تعمله علشان تغير عالمك .. بسيطة .. غمض عينك

ويومكم اجمل من يومي
نهاد رجب


Source

مقالات مرتبطة

كورس ممارس التنويم الإيحائي (موديل 1 و 2) نوفمبر ...
views 308
كورس ممارس التنويم الإيحائي (موديل 1 و 2) نوفمبر 2016 9 أيام (خميس وجمعة وسبت) من كل اسبوع لمدة 3 أسابيع من الساعة 4 الى الساعة 8 مركز لايف ان بال...
التنويم المغناطيسي والتنويم الإيحائي | جلسة التغلب...
views 691
التنويم المغناطيسي والتنويم الإيحائي | جلسة التغلب على مشاعر الانفصال | نهاد رجب انضم للصفحة وادعوا اصدقائك للاستفادة. الصفحة الرسمية للمدرب والمعالج...
انا بفرح لما حد الاقي حد بينجح في مجال التنمية الب...
views 1014
انا بفرح لما حد الاقي حد بينجح في مجال التنمية البشرية سواء التدريب او الفيديوهات والسوشيال ميديا ليه بقى ؟ لإني ذكي يعني هو ربنا اداله كاريزما ...
لبنان. ميونخ. فرنسا. الهند. تونس. المغرب. تركيا. ق...
views 253
لبنان. ميونخ. فرنسا. الهند. تونس. المغرب. تركيا. قطر. الامارات. مصر والقائمة ممتدة كانوا حلم في عقل طفل كان يقدر يشوف المستقبل بس مكنش عارف اترك لعق...
انا عايز مصلحتك #نهاد_رجب
views 1754
    فيه ناس لما بيقولولك "انا عايز مصلحتك" بيكونوا قاصدين انهم عايزينك تاخد كل الخير وفيه اللي بيكون عايز مصلحتك لنفسه علشان ياخدها...
مسلم سعيد – أصغر داعية اسلامي...
views 1596
  من كام سنه سمعت عن طفل صغير اسمه مسلم سعيد قالوا انه اصغر داعيه اسلامي في العالم وكان سنه حوالي 4 سنين في الوقت ده كنت في الأكاديمية واستغرب...
اكتر من مرة بتأكد ان العربية مقفولة علشان قلقان حد...
views 69
اكتر من مرة بتأكد ان العربية مقفولة علشان قلقان حد يسرقها بقيت اكثر وعي ان طريقة التفكير ديه مش بس خطأ ديه كمان خطر لان مينفعش اعتقادي عن العالم ان...
للسلام بنحتاج نحارب وعلشان الحياة تستمر بنحتاج نم...
views 209
للسلام بنحتاج نحارب وعلشان الحياة تستمر بنحتاج نموت وعلشان الجمال بنحتاج نقص أوراق الشجر وعلشان تنجح لازم تفشل وعلشان تقوم لازم تقع المنطق بيكمل...
الإسلام دين راقي وشيك واتيكيتش يعني علمك انك تس...
views 71
الإسلام دين راقي وشيك واتيكيتش يعني علمك انك تستأذن قبل الدخول قالك تخبط على الباب تلات مرات لما تتكلم متعليش صوتك ادفع بالتي هي أحسن جادل بالحس...
عيش اللحظة
views 2267
  الماضي بالنسبة لي بيبدأ من الساعة اللى فاتت او الدقيقة الاخيرة ، او حتى الفاصلة المكتوبة . الماضي هو الوقت اللى بسيب اخر جزء صوتي في الحرف الل...