خواطر وأخبار نهاد رجب

نفسي اتفرج على فيلم .. فيه البطل بيحب البطله بس اتجوز صاحبتها في نهايته او شخص… | نهاد رجب


نفسي اتفرج على فيلم .. فيه البطل بيحب البطله بس اتجوز صاحبتها في نهايته

او شخص نجح وعافر في الحياة وفي نهايه الفيلم خسر كل فلوسه ونجاحه عادي

او فيلم كوميدي عن راجل كبير بيقعد عالقهوة وبيقلش على الناس وبنته ماشيه مع شاب عالكورنيش بيكلمها عن اسم ابنهم المستقبلي وهي بتتخانق معاه علشان مش عايزه تسميه ابراهيم وهو بيحاول يقنعها وتليفونه بيرن صحابه بيفكروه انه ينجز علشان يروحوا يلعبوا كورة

او فيلم عن حرامي سرق ومدخلش السجن ولا حاجه

او فيلم بدايته زي نهايته ، فيلم روتيني مفيهوش تجديد يمكن عن قصة حياة موظف بيروح شغله 9 وبيرجع 6 وبياكل وبينام وبيصحى وسط الليل بيدخل الحمام .

او فيلم عن ان الخير مش لازم دايما ينتصر او ان الفقير مش دايما عفيف او ان راجل الدين مش دايما بيزعق وبيرهب الناس وبيضحك عادي وبيقلش وبيزعق برضه عادي

نفسي اشوف فيلم ، روتيني جدا ، ممل جدا ، واقعي جدا وعادي جدا ، من غير الوان او رتوش ، فيلم البطل فيه هو كل الشخصيات ، مزاجه بيطلع وبينزل ، بيحب يتفرج على افلام اباحية وبيقفل علشان سمع صوت الادان فبيقوم يصلي العصر وبيرجع يكمل فرجة . بيغلط وبيكذب وبيتكسف وبيثور وبيطاطي ، بينجح وبيفشل ، بيقع وبيقوم وبيقع وبيفشل عادي جدا . بيقلش وبيهزر ودمه تقيل ، فيلم ميخلنيش احس بأي مشاعر . فيلم مشاهده اتصورت في الدنيا بيعبر عن الدنيا ، مفيهوش أمل ولا جواه تعاليم .. وبلاه بلاه بلاه

الحياه مش متسلسله ومش نظامية ، حبيبتك ممكن تسيبك عادي ، الكوره بتاعتك ممكن تفرقع ، حلمك مش لازم يكمل ، الحلم مبيكملش ولو وصلت لحاجه هتلاقي نفسك برضه بعيد عن حلمك الاولاني . الحياة عقيمة مثيره كئيبة ومرحة فوضاوية ومنظمة بشكل يعجز عنه الادراك ..

شوفت فيلم زي ده قبل كده ؟


Source

مقالات مرتبطة

كل شىء يبدأ من نقطة – مقالة ل نهاد رجب...
views 1362
    يبدأ كل شىء من نقطة والنقطة هي البداية فأحرص على البدايات تتشكل النهايات كما تريد يبدأ كل شىء ، احرص على البدايات ابدأ يومك...
النهاردة سيبت المحفظة في العربية رجعت روحت مشوار ...
views 690
النهاردة سيبت المحفظة في العربية رجعت روحت مشوار وانا راجع ، جاتلي فكرة اني اخد المحفظة من العربية وانا طالع البيت خدت المحفظة ومشيت جاتلي فكرة تاني...
فيروز ممكن تخليك متدين وتفكرك بربنا والتدين المتط...
views 25
فيروز ممكن تخليك متدين وتفكرك بربنا والتدين المتطرف ممكن يخرجك من الملة الحب ممكن يبدأ حروب والغضب ممكن يوصلنا للحكمة الفشل ممكن يكون طريقنا للنجاح...
اعطي للناس مايريدون مادمت تستطيع...
views 2210
  قاعد جمبي وانا في المايكروباص ورا ، بيبص في الموبايل بتاعي وانا بلعب Subway surf هو في اواخر الاربعينات او اوائل الخمسينات فيه شب...
بفكر اسجل مجموعة من التوكيدات لأكثر من موضوع .. ...
views 181
بفكر اسجل مجموعة من التوكيدات لأكثر من موضوع .. إيه التوكيدات اللى حابب تسمعها وخاصة بإيه ؟ شاركونا نهاد رجب Source...
لو الآباء بدلوا النصايح بالتوكيدات .. الحياة هتبقى...
views 374
لو الآباء بدلوا النصايح بالتوكيدات .. الحياة هتبقى أفضل بدل ما نقول للطفل ذاكر نقوله "انت بتحب تنجح" أو "حبك للنجاح بيزيد يوم عن يوم" أو "انت متفوق"...
اثناء تطبيق احد المقنعات على مذيعة السوشيال ميديا ...
views 410
اثناء تطبيق احد المقنعات على مذيعة السوشيال ميديا في برنامج القاهرة اليوم أمس . نهاد رجب Source...
جميلة جدا قرب الموبايل لطرف انفك وأبعده ببطئ وهت...
views 6378
جميلة جدا قرب الموبايل لطرف انفك وأبعده ببطئ وهتشوف زرافة 3D 🙂 ماترمش ؛) Source
كيف يمكنك الاستفادة من التنويم بالإيحاء – #...
views 209
كيف يمكنك الاستفادة من التنويم بالإيحاء - #التنويم_بالإيحاء_مع_نهاد_رجب الحلقة 6 انضم للصفحة وادعوا اصدقائك للاستفادة. الصفحة الرسمية للمدرب والمعالج...
الناس فاكرة ان التنويم الإيحائي يقتصر على “غ...
views 494
الناس فاكرة ان التنويم الإيحائي يقتصر على "غمض عينك" ... "استرخي بعمق" وده فعلا ليه طرقه وتقنياته ، بس تعاملي مع التنويم الإيحائي عمره ما كان كده . ...