خواطر وأخبار نهاد رجب

لانه كان فيها … امبارح خدت بالي ان البنزين قرب يخلص وكسلت اروح البنزينه علشا… | نهاد رجب


لانه كان فيها …

امبارح خدت بالي ان البنزين قرب يخلص وكسلت اروح البنزينه علشان افول العربيه لإني كنت مرهق جدا ..

النهارده الصبح اكتشفت من المؤشر ان العربيه تقريبا فنشت بنزين . ولاقيت نفسي بفكر “مش كان المفروض املاها ساعتها” ٫ “انا ليه دايما كسلان كده!!” ، “ياريتني كنت مليتها ده مكنش هياخد مني 5 دقايق”

ومع ذلك سوقت العربيه ودعيت ربنا بس اوصل لأي بنزينه مع ان اقرب بنزينه كان بيني وبينها 3 كيلوا والعربيه حرفيا بتفنش ، والدنيا زحمة ، ومش عارف هوصل ولا لا وكل تفكيري كان (مين هيزق العربية معايا) !!

كنت كل متر بفكر انا ازاي عملت كده في نفسي ! كنت كل متر بتخيل اني هنزل ازقها ، طلعت الكوبري وقلقت جدا من انها تقف مني هنا ، في الزحمة ديه ، وسط العالم دول ، الكلاكسات مبتقفش ، وانا بدات احس ان العربيه بتعلن عن ان البنزين قرب يخلص منها خلاص . كان كل اللي في بالي “انا مش هلحق اوصل للبنزينة ” ٫ “انا غلطان ، كان المفروض اروح امبارح وانا في الطريق ” .. انا هحاول اركنها هنا .. لا لا هناك .. كنت عمال اجلد نفسي داخليا واتوتر اكتر وزياده ..

خلال دقايق عدوا عليا كانهم ساعات وصلت ولله الحمد للبنزينه وفولت العربيه ، بساله كام ، قالي رقم قولتله ليه مفولتهاش كلها !؟ ليه 40 لتر بس ؟ قالي باستغراب “لان كان فيها بنزين” ..

كان فيها بنزين ازاي ! ديه كانت هتقف مني في السكه !
كان فيها بنزين ازاي دانا متاكد انها اديتني اشاره انها بتفنش
كان فيها بنزين ازاي وانا شوفت ال ال ال … اها صحيح دا انا عندي مشكله عجيبة في مؤشر البنزين .. ياربي ! ديه مخلصتش اصلا وكان ممكن امشي بيها واكمل بيها اليوم براحتي اصلا !

دانا تعبان اصلا ، ومتأخر ، كان ممكن اجي بكرة ولا حاجه ..

كل انسان فينا ساعات بيحاسب نفسه على قرار خده او مخدوش في وقت من الاوقات .. متخيل انه لو رجع بيه الزمن كان هيختار اختيار مختلف .. بنجلد النسخه الماضيه مننا على تصرف عملناه كان منطقي جدا لينا زمان .. مكنش عندنا اختيار غيره ..

ومش بس بنحاسب نفسنا على كده .. احنا كمان بنحاسب غيرنا على تصرف خاطئ قديم ، تصرف عملوه وهما مقتنعين بيه .. كان صح بالنسبه لهم ساعتها بس بعدين اكتشفوا انه كان غلط .

الخلاصه :

زي ما هو مش من حقك انك تفرض رأيك على الناس .. مش من حقك برضه انك تفرض رأيك على نفسك اللي اختارت قرار في الماضي حتى لو كان خطأ

كل انسان فينا بيختار افضل اختيار ليه في الوقت الحالي .. يمكن في المستقبل بنكتشف اننا كان المفروض نتصرف بطريقه تانيه بس ده مش معناه اننا كنا غلطانيين زمان .. احنا زمان كنا صح في الوقت نفسه .

حتى لو العربيه فنشت منك بنزين ، فمش من حقك انك تعاقب نفسك على الماضي . انزل زق العربيه والمرة الجايه ادخل املى البنزين واتعلم من اللي حصل .

محدش بيغلط عن عمد ، ومحدش هيحب يإذي نفسه ومحدش بيصحى من النوم بينوي انه يضايق الناس او يضايقك .. كل واحد ليه ظروفه اللي بتختلف من لحظه للتانيه ، فمتفترضش ان الناس اتصرفت غلط لانها ناويه توقع نفسها او تغلط او تحطك وتحط نفسها في مواقف صعبه .

افتراض ان المشكله هتحصل مش حل حقيقي ، لان فيه احتماليه اكبر ان العربيه كان “لسه فيها بنزين!” فبلاش تفول على نفسك وفول عربيتك احسن .


Source

مقالات مرتبطة

#تحرر
views 1970
  انت جزء من هذه الحياة ، لا تقبل ان تعيش على هامشها انت جزء من تكوينها انت الكون كله ينبع من داخلك لانك مخلوق من المصدر انت روح الله فلا ...
لما تعرف انك مسئول عن حياتك والنتايج اللي بتحصل عل...
views 99
لما تعرف انك مسئول عن حياتك والنتايج اللي بتحصل عليها . دا بيعتبر اجمل خبر ممكن تسمعه . دا بيخليك فاهم ان الدنيا ديه بتاعتك وتقدر توجه الاحداث زي ما ت...
Miss you already ❤️ I’m traveling to USA fo...
views 407
Miss you already ❤️ I'm traveling to USA for educational purposes to take an advanced course on hypnosis at the Hypnotherapy Academy of America ; one...
في طريقي لشبكة قنوات اوربت وبرنامج “القاهرة ...
views 186
في طريقي لشبكة قنوات اوربت وبرنامج "القاهرة اليوم" للتحدث عن "التنويم الايحائي" في حلقة خاصة جدا انتظروني 🙂 نهاد رجب Source...
دقايق ونبدأ محاضرتنا الجميلة في اذار – Azar ...
views 92
دقايق ونبدأ محاضرتنا الجميلة في اذار - Azar متحمس جدا اني هحاضر في اكتر موضوع بحبه وشغوف بيه اشوفكم على خير ❤❤ Source...
من الذكاء انك لما تنجح وعاصفتك تزيد .. انك تقلل من...
views 1474
من الذكاء انك لما تنجح وعاصفتك تزيد .. انك تقلل من حدتها وتهدى من الذكاء انك لما يطلع سهمك ، تختار وقت تمشي فيه على وتيرة هادية وتتوقف بنفسك عن الصعو...
النظرة اللي بتلقيها على هدفك بتفرق باصص ورافع عين...
views 69
النظرة اللي بتلقيها على هدفك بتفرق باصص ورافع عينك لفوق ولا باصص لبعيد قدامك ولا باصص ومنزل عينك عليه اتجاه العين بيفرق ومعناه انت بتتعامل مع هدفك ا...
ممارسين التنويم الايحائي الحلوين يوم 11 ان شاء ا...
views 246
ممارسين التنويم الايحائي الحلوين يوم 11 ان شاء الله هيكون ميعادنا مع مداخلة تدريبية للجميل جونثن رويل على الاسكايب جونثن رويل من أشهر مدربي ومعالج...
شوية شوية بتبدا تحس ان كل سلوكياتك المقصودة وغير ا...
views 52
شوية شوية بتبدا تحس ان كل سلوكياتك المقصودة وغير المقصودة بيوجهها لاوعيك . مهما حاولت المقاومة ايدك هتخبط الكوباية وتتكسر ، عارف انك متقصدش بس انت في ...
التنويم الإيحائي هو Heightened state of awareness ...
views 114
التنويم الإيحائي هو Heightened state of awareness يعني ايه ؟ تخيل ! يعني حاله عاليه جدا من الادراك ! ايه ده ! يعني مفيش نوم! لا ! خليني اقولك ان...