خواطر وأخبار نهاد رجب

عقلك مقنع جدا لدرجة انه يقدر يقنعك .. عقلك ملوش حدود في التفكير ويقدر يوجه تفك… | نهاد رجب


عقلك مقنع جدا لدرجة انه يقدر يقنعك ..

عقلك ملوش حدود في التفكير ويقدر يوجه تفكيرك بشكل مقنع جدا ويخليك تصدق ان الارنب اله او ان الشمس كائن حي .

يعني ايه الكلام ده ؟
يعني كل الكلام عن قدره العقل الباطن في انه يخرج طاقاتك وقدراتك الخ الخ ، كلام جميل بس فيه جانب تاني من العملة احنا مش واخدين بالنا منه .

اعتبر ان عقلك هو المصباح السحري ، ووعيك هو العفريت اللي هيحققلك كل اللي انت عايزه . بس فيه مشكله ، وهي ان العفريت بيحققلك اماني انت طلبتها وبينفذ من خلالك رغباته . انت قعدت تسمع كلام تنميه بشريه كتير وبدات تخرج المارد اللي جواك و اكتشفت انه بدا يلغيك انت شخصيا ويسرقك علشان يظهر هو . انت حتى مش عارف تدخله تاني للمصباح وتحبسه .

دكتور اطفال بيقول ان الطفل الرضيع ميعرفش الشيكولاته فمبيطلبهاش بس لو كلها مرة مش هيشرب لبن تاني . علشان كده متظهرش الشيكولاته قدامه في سن صغير او هكذا فهمت . اكتشفت ان الانسان مهما كان عمره ، ماشي في الحياة بطريقه مشابهة لأسلوب الجنين في التفكير . لما بيبدأ وعيك يزيد ، صعب ترجع تاني لورا وصعب متتقدمش لقدام .

الحتة المثيرة جايه دلوقتي

طول ما وعيك بيزيد متقدرش تتوقف عن نقطه معينه ، وده بيخليك تبدا تشت وتخرج عن المألوف ، وكل مرحلة بتخليك تبعد اكتر واكتر لحد ماتبدا توصل لحدود اللا حدود وفيها بتكفر بكل شيء وبيبدا هنا عقلك ينكمش تاني وبتبدا ترجع تاني لنفسك شويه شويه وديه حاجه بتسمى (الحكمة)

الحكيم الحقيقي هو اللي جرب كل حاجه وبدا يهدى ، ساعتها بيبدا انه ينكمش على نفسه ، وبيبدا يرفض الانطلاق الخارجي ويعكسه داخليا فبيرجع تاني لوعيه الاساسي قبل طفرة الوعي ما تحصله .

الموضوع ده ليه شبه كبير جدا من الانفجار الكبير واتساع الكون وانكماشه تاني . بس ده مش موضوعنا ..

علشان كده بنقول مصطلحات زي “ماتفتحش عين الواد او متفتحش عين البنت” ماهو العين لما هتشوف مش هتقدر تنسى ومش هتقدر تبطل تطلب او تفتقد . فالحل الحقيقي هو فعلا غض البصر . يعني متقتربش ، متلمسش ، متجربش . انت مش فاهمني . اصلك لو جربت مرة هتجرب مليون . عقلك ده نظامه . هو مستنيك تغلط علشان تكرر غلطتك وتزود فيها والنظرة الأولى لك والثانيه عليك .

طيب ده بيودينا لفين ؟

بيودينا انك لما مثلا تبدا تبحث عن الله ممكن تفقده ! ايوه والله تخيل
وكل ما الشخص بيستزيد في العلم بيقرب اكتر لقمة الجهل
وكل ما الشخص يزيد تدينه بيوصل للكفر
ولما بيكفر بيبدا في مرحلة الانكماش ومن الكفر بيتولد الايمان .
وكل ما الشخص بيزيد ذكائه بيتغابى

فهمت حاجه من النمط (المحتمل) ده ؟
كل شيء انت بتنفخ فيه لازم هيفرقع ، ولما هيفرقع هيتحول لعكسه .

تعالى نجرب حاجه ..

حب الله .. فيها حاجه ؟ لا
اتباع كلامه .. فيها حاجه ؟ لا
اتباع كلام نبيه .. فيها حاجه ؟ لا
نبيه ليه اصحاب .. نتبعهم .. فيها حاجه ؟ لا
فيها ناس اتعلموا على ايديهم اسمهم الفرقة ألف (مثلا) .. نمشي وراهم .. فيها حاجه ؟ لا
السلف الصالح من ضمنهم فلان وقال كذا وكذا .. نمشي وراه .. فيها حاجه ؟ لا

خد بالك .. انك كل شوية بتنزل بالقايمة .. بس عارف التفرعات ديه كلها بتبعدك حتما عن مين ؟ بالظبط . والله تعالى اعلى واعلم . ده مش معناه ان اتباع كلام نبيه هيبعدك عن الله ، ركز عالفكرة اللي بحاول اوصلهالك والنبي علشان خاطري .

وده هيفهمنا ايه ؟

متخليش هدفك في الدنيا انك تتميز اوي او انك تكبر اوي في مجال او انك تعافر في حاجه واحدة . لانك هتبقى عامل زي اللي بيسوق عجلة ، ومركز على البدال والعجل وباصص في الارض ، ولما هيرفع راسه هيكتشف المفجأه انه بعيد الاف الاميال عن طريقه . وانه اتأخر . وكل تعبه راح هدر

ده مش معناه انك تركز على الطريق برضه . ده معناه انك تتاكد من وقت للتاني انك تركز على نفسك انت وتتأكد ان هدفك ثابت وافكارك لسه واضحة ، وانك مشطحتش في التفكير والعجلة خدتك على شفا جرف هار

المقالة ديه اتكتبت بتفكير ، انصحك بجد انك تقراها تاني بتدبر اكبر واكبر لان فيها فهم عن عقلك هيخليك تتعامل معاه بشكل افضل .

ولو مقريتش المقاله اعرف ان عقلك هو اللي منعك

نهاد رجب


Source

مقالات مرتبطة

كورس ممارس التنويم بالإيحاء للحجز في كورس ممارس ا...
views 224
كورس ممارس التنويم بالإيحاء للحجز في كورس ممارس التنويم بالإيحاء لشهر نوفمبر 2016 سجل الان : http://goo.gl/E5I8B6 Source...
دخلت بالصدفة على صفحة ال activities ولاحظت حاجة ع...
views 181
دخلت بالصدفة على صفحة ال activities ولاحظت حاجة عني الا وهي : انا بعمل لايك لإيه ؟ - مواقف فيها قيم اخلاقية - صور شخصية صاحبها حابب يوصل من خلال...
الفرق بين التنويم الإيحائي والطب النفسي بعض النا...
views 340
الفرق بين التنويم الإيحائي والطب النفسي بعض الناس قد يختلط عليهم الأمر ، وتتحقق المغالطة المشهورة بما أن التنويم الإيحائي والعلاج النفسي يؤدوا إلى ن...
كلنا عارفين ان عقلك اللواعي المسئول عن التصرف المع...
views 291
كلنا عارفين ان عقلك اللواعي المسئول عن التصرف المعروف بال Fight or flight او بالعربي "الهجوم او الهروب" الاتنين هاء وده مسئول عن حمايتك من الخطر ،...
انا بفرح لما حد الاقي حد بينجح في مجال التنمية الب...
views 1014
انا بفرح لما حد الاقي حد بينجح في مجال التنمية البشرية سواء التدريب او الفيديوهات والسوشيال ميديا ليه بقى ؟ لإني ذكي يعني هو ربنا اداله كاريزما ...
الفلوس هي كل حاجه تقدر تاخد بيها مقابل مش لازم ت...
views 75
الفلوس هي كل حاجه تقدر تاخد بيها مقابل مش لازم تكون ورق فيه حد معاه فلوس ابتسامات بياخد بيها ابتسامات وفيه حد دعوات وفيه حد معاه ضحكة بيتصدق بيها ب...
التنويم الإيحائي هو حالة خاصة من الانسجام العقلي م...
views 53
التنويم الإيحائي هو حالة خاصة من الانسجام العقلي مع العناصر المحيطة من الاصوات او الصور او المشاعر .. وفيها يتقبل العقل كل الاقتراحات المطلوبة والمقدم...
ساعات علشان تشوف حد بدقة مش هتحتاج اكتر من انك تنص...
views 175
ساعات علشان تشوف حد بدقة مش هتحتاج اكتر من انك تنصت لكلامه وعلشان تسمعه كويس مش هتحتاج اكتر من انك تشوفه وتبص عليه وعلشان تفهمه مش هتحتاج اكتر من ...
وما بعد ؟ الناس اللي قريبين مني عارفين اني عندي ...
views 67
وما بعد ؟ الناس اللي قريبين مني عارفين اني عندي هوس بتطوير منهج التنويم الإيحائي ، ويمكن مفيش كورسين عملتهم ورا بعض جوا مصر او بره مصر الا وعدلت وغي...
بتعرف تقرا ؟ كورس ممارس التنويم الإيحائي دفعه اغ...
views 70
بتعرف تقرا ؟ كورس ممارس التنويم الإيحائي دفعه اغسطس 2017 مستعد تكون ضمن افضل ممارسي التنويم الإيحائي والكوتشز في مصر ؟ مستعد تاخد خطوة حقيقيه وث...