خواطر وأخبار نهاد رجب

مين زرع في دماغ الناس ان الغني لازم يكون مبتلى او هيموت على حاجة في أيد الفقير ؟… | نهاد رجب


مين زرع في دماغ الناس ان الغني لازم يكون مبتلى او هيموت على حاجة في أيد الفقير ؟ وان ربنا مبيديش كل حاجة ؟ وأنك لما تدعي ربنا بحاجات تتصيب في حاجات وهتبظ منك في حاجات لأن ربنا مبيديش كل حاجة ؟!

مين أقنعهم ان رب العالمين بندعيه مساومة ؟! “يارب خدني وخليه يعيش”

مين فهمهم ان ربنا بيحب الفقرا وان الغني دا حسابه عسير ؟!

هو لو ربنا بيحب الفقرا كان هيفقرهم لِيه ؟!

هو انت لما تحصلك حادثة وبعد كده تخسر فلوسك وتقوم تلاقي بيتك اتحرق يبقى كده ربنا بيحبك فبيبتليك علشان يختبرك ؟! 😃 يعني مجاش في بالك مثلا ان ده ممكن يكون نتيجة الاختبار مثلا يعني ؟ او انك ماشي غلط ومحتاج تعدل حياتك وأفكارك ؟

بذمتك ديه طريقة تفكير واحد مؤمن ان ربه كريم ورحيم ورزاق ؟ ولا طريقة تفكير ان ربه ايده مغلولة وبيحاول يبرر كده بمليون مبرر ؟ يا جماعه عيب والله

اليهود قالوا ان يد الله مغلولة ، ربنا لعنهم وقال “بل يداه مبسوطتان”

في دور الشيطان اللي لعبه آلِ باتشينو في محامي الشيطان قال حاجة عن ربنا بطريقة تفكير اغلب الناس

MILTON:
Who are you carrying all those bricks for anyway?
God?
Is that it?
God?

Why I’ll tell you…

…let me give you
a little inside information about God.

God likes to watch.

Think about it.

He gives man… instincts.
He gives you this extraordinary gift,
and then what does He do?

I swear, for his own amusement…
…his own private, cosmic…gag reel…
…He sets the rules in opposition.

It’s the goof of all time.

Look, but don’t touch.

Touch, but don’t taste.
Taste, but don’t swallow.
And while you’re jumping from one foot
to the next, what is He doing?

Worship that? Never!

الكلام ده كلام مكروه جدا بس انتوا عارفين كام مرة بقابل في اليوم الواحد ناس بتفكر بنفس الطريقة ديه عن الله ؟! وهما مستمتعين جدا كمان ؟!

ربنا قال عن نفسه ان يداه مبسوطتان

وَقَالَتِ الْيَهُودُ يَدُ اللَّهِ مَغْلُولَةٌ ۚ غُلَّتْ أَيْدِيهِمْ وَلُعِنُوا بِمَا قَالُوا ۘ بَلْ يَدَاهُ مَبْسُوطَتَانِ يُنفِقُ كَيْفَ يَشَاءُ ۚ

قال عن رحمته :

قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لَا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ

قال عن رزقه

اللَّهُ يَبْسُطُ الرِّزْقَ لِمَنْ يَشَاءُ مِنْ عِبَادِهِ وَيَقْدِرُ لَهُ

ارتقوا في طريقه تواصلكم وفهمكم لله وحكمته ، التبرير ان الأنبياء مبتلين هيخليني اقولك انك مش نبي ، الرضى قصة تانية .

انا والله مؤمن ان لو حاجة عندي ضاعت في الهند هدعي ربنا بيقين اني الاقيها في القاهرة ، انا مش منطقي في دعواتي ، انا مؤمن بالله والحمد لله رب العالمين وجمعتكم مباركة


Source

مقالات مرتبطة

ازاي تكون مبسوط في ٥ خطوات : #نهاد_رجب...
views 4520
    ازاي تكون مبسوط في ٥ خطوات : ١- امشي ٥ خطوات واحمد ربنا على نعمه المشي ازاي تكون مبسوط في ولا خطوه ٠ - تفكر في نعم ربنا عليك يوم...
وقف الكالاكس وامشي بهدوء … إدخل هنا تأتي إلي...
views 789
وقف الكالاكس وامشي بهدوء ... إدخل هنا تأتي إليكم من الموقع الرسمي نهاد رجب http://www.nihadragab.com/2015/11/25/%D9%88%D9%82%D9%81-%D8%A7%D9%84%D9%83%...
ممارسين التنويم الايحائي الحلوين يوم 11 ان شاء ا...
views 246
ممارسين التنويم الايحائي الحلوين يوم 11 ان شاء الله هيكون ميعادنا مع مداخلة تدريبية للجميل جونثن رويل على الاسكايب جونثن رويل من أشهر مدربي ومعالج...
تقدر ترشحني كصانع أمل في مبادرة محمد بن راشد آل مك...
views 242
تقدر ترشحني كصانع أمل في مبادرة محمد بن راشد آل مكتوم العالمية من خلال الرابط : https://arabhopemakers.com/ واضغط على "رشح صانع أمل" الإسم الاول...
الأرض هي بويضة عملاقة في رحم عظيم .. نهاد رجب...
views 1255
  الأرض هي بويضة عملاقة في رحم عظيم ، فيه ناس بتسارع علشان تعيش فوقيها وفيه ناس بتسبقنا وتدخل تدفن جواها ، بنتسارع على مكان واسع نعيش عليه ، وبن...
طور نفسك لحد ما يصعب على الناس حتى تقليدك جدد أدو...
views 624
طور نفسك لحد ما يصعب على الناس حتى تقليدك جدد أدواتك لدرجة انك تكون مختلف كل مرة في أدائك تميز في اللي بتعمله دلوقتي وكإنك اتخلقت علشانه حب يومك...
الغراب .. معلم البشرية
views 1120
    الغراب  الغراب هو المعلم الأول للبشرية ، من صغري وانا بستغرب مش ان غراب قدر انه يوصل رسالة لإنسان .. انا اللى شغلني اكتر هو ان ربنا...
انا مبقفش ومبعرفش اقف ولو حاولت .. معنديش نقطة وصو...
views 371
انا مبقفش ومبعرفش اقف ولو حاولت .. معنديش نقطة وصول .. نقطة وصولي هي مجرد بداية .. بفشل في إني أفشل .. كل حاجة في الدنيا ديه بتاعتي .. همتلكها بإيدي أ...
حتى العلم مسخر لنا وبنحصل عليه بشرط انك تنوي استخد...
views 1281
حتى العلم مسخر لنا وبنحصل عليه بشرط انك تنوي استخدامه Source