خواطر وأخبار نهاد رجب

” ابدأ بالسؤال الاسهل ” ساعات بحس ان الدنيا لما بتتعقد ، كل حاجه بتتعقد ولما ب… | نهاد رجب


” ابدأ بالسؤال الاسهل ”

ساعات بحس ان الدنيا لما بتتعقد ، كل حاجه بتتعقد
ولما بييجي الفرج بييجي بوفره تنسيك اي عقده قديمة

من فتره مريت بظروف صعبه ومشاكل في شغلي ، مركزتش على المشاكل ولا على الحل .. ركزت علي النمط ده .. ان مشكله بتجيب مشكله في مشكله ملهاش اي علاقه بالمشكله الاساسيه .. زي اني اصحى متأخر ، الاقي التليفون مش مشحون وانزل الاقي العجلة نايمة .. فيه حاجه عجيبة بتحصل ، فيه نمط بيكرر نفسه بطريقه غريبه مش مفهومة

وفي وسط الدوشه ديه كلها ، قررت اعمل حاجه غريبه وهي بسيطه في نفس الوقت .. بدات احل مشكله واحدة صغيره .. افتكرت التكنيك ده من ايام الامتحانات لما كان دايما بيتقالنا “ابدا بالسؤال الأسهل”.

كل مرة كنت بسمع الجملة ديه كنت بقول لنفسي يعني هو انا لما اجاوب السؤال الاسهل ، السؤال الاصعب هيتحل ؟ وكل مرة كنت بكتشف انها طريقه ناجحة وبعد كل امتحان كنت بنساها لحد ما اسمعها تاني ..

اكتشفت ان الواحد لما بيبدا بالحاجة الاسهل ، بيتعود على النجاح وعقله بيشتغل بطريقه مختلفه وكانك بتعمل تحول كامل لادراك عقلك من التركيز الكامل على المشكله للتركيز على الحلول والسهولة . كانك دوست على ذرار عجيب بيبدا بمجرد اني انفخ العجلة النايمة بلاقي المشكلة الاكبر اتحلت !

عقلك لما بيصدق انك تقدر تحل بيبدا يفكرك باللي كنت ناسيه من حلول ، او بمعنى تاني بتلاقي حل السؤال الصعب في الامتحان . وبتستغرب جدا بس بتلاقي تدفق من الكلام والحلول لاي سؤال مهما كان صعب ..

والموضوع بسيط .. كل اللي انت محتاج تعمله لما تلاقي الدنيا قافشه كده هو انك تكتب لسته بالمشاكل مهما كان عددها .. وتبدا بالاسهل . والله ممكن ترتيب مكتبك ييجي وراه على طول حل لمشكله قسط العربيه بتاعتك .. انا عارف ان الاتنين مختلفين بس اللي حل المشكله الاولى هيحل التانيه وهكذا.

طيب نفهم ايه ؟ نفهم ان الواحد لما بيقابل مشكله بيبقى مركز جدا حواليها ، وبتتحول لطاقه سلبيه عجيبة بتطفح على باقي حياته .. لحد ما يبدأ بحل السؤال الاسهل حتى لو كان انه يكتب اسمه ..

ويومكم جميل زي يومي
نهاد رجب


Source

مقالات مرتبطة

‎Nihad Ragab نهاد رجب‎ updated their cover photo. ...
views 120
‎Nihad Ragab نهاد رجب‎ updated their cover photo. Source
غدا ان شالله محاضرة جماهيرية لأكثر من ١٠٠ مهندس وا...
views 98
غدا ان شالله محاضرة جماهيرية لأكثر من ١٠٠ مهندس واداري وفني بالشركة الوطنية للكهرباء بالمملكة الاردنية الهاشمية برعاية أكاديمية كوزميك توكلنا على ا...
حتى العلم مسخر لنا وبنحصل عليه بشرط انك تنوي استخد...
views 1286
حتى العلم مسخر لنا وبنحصل عليه بشرط انك تنوي استخدامه Source
The Origin And Popularity Of Radio Over The Years
views 282
Vice photo booth quinoa pop-up jean shorts stumptown kitsch, letterpress VHS disrupt. YOLO DIY squid, Banksy umami XOXO PBR small batch sartorial bitt...
بجهز حاليا لكورس تدريبي يعتبر اهم كورساتي اللي هقد...
views 34
بجهز حاليا لكورس تدريبي يعتبر اهم كورساتي اللي هقدمها في 2017 ولأول مرة .. كورس بعنوان PTOT Psychological Training of Trainers الكورس ده مخصص لل...
45 هو رقم مهم فى حياتنا لو للحظات فكرنا هنحلاظ قوه...
views 1879
45 هو رقم مهم فى حياتنا لو للحظات فكرنا هنحلاظ قوه عجيبه فى الرقم دا انتو بنفسكم بتكتشفوها علشان كدا CAPITAL Academy بتقدم لنا ايفنت 45 دقيقة والل...
‎Nihad Ragab نهاد رجب‎ added a new photo. | نهاد ر...
views 222
‎Nihad Ragab نهاد رجب‎ added a new photo. Source
انا بفرح لما حد الاقي حد بينجح في مجال التنمية الب...
views 1016
انا بفرح لما حد الاقي حد بينجح في مجال التنمية البشرية سواء التدريب او الفيديوهات والسوشيال ميديا ليه بقى ؟ لإني ذكي يعني هو ربنا اداله كاريزما ...
لو فيه اي حد متواجد معانا في كورس اغسطس 2017 ولسه ...
views 79
لو فيه اي حد متواجد معانا في كورس اغسطس 2017 ولسه مشتركش في الجروب ، ياريت يبعتلي رساله برقم تليفون الحجز وانا هضيفه للجروب .. شكرا لتفهمكم ولكن الج...