خواطر وأخبار نهاد رجب

لو الحلم هو عبارة عن رساله مشفرة من العقل اللاواعي بيقولك من خلالها حاجه بناء عل… | نهاد رجب


لو الحلم هو عبارة عن رساله مشفرة من العقل اللاواعي بيقولك من خلالها حاجه بناء على مجموعه ضخمه من المعادلات اللي بتتم داخليا جوا دماغك وفي النهايه بيتم استنتاج نتيجة نهائيه بيحاول يوصلهالك من خلال الحلم كجزء من مهمته الاساسيه لحمايتك .. فده يخلينا نتواصل معاه بنفس الطريقه اللي بيتواصل بيها معانا .. صور .. صور عباره عن صور منفصله او متصله .. زي انك تشوف نفسك جوا الحلم فتحكي الحلم وبتقول “قال يعني انا كنت ماشي وشوفت كذا وكذا” ومتصله لما تحكي الحلم بطريقه “وقابلت فلان وكان شكله غريب” وفيه نوع تالت من التصورات هو نوع اللاموجود .. انت مش شايف نفسك ولا شايف من خلالك .. انت موجود بس مش موجودة في نفس الوقت .. وده بيحصل لما تحلم بناس تانية .

اما بالنسبه للاصوات ، فالاصوات جوا الحلم رمزيه .. يعني ممكن يكون شبه مستحيل تقريبا تفتكر جملة كامله على بعضها .. بس لما تصحى من النوم بتلاقي نفسك بتقول “وسمعته بيقولي حاجه زي خد بالك من نفسك” انت مش فاكر هو قال ايه بس انت عارف ومتأكد انها “خد بالك من نفسك”

في عمليات التواصل مع العقل الباطن ، احنا بنتواصل معاه من خلال التنويم الإيحائي مثلا بنفس اللغه اللي بيفهمها وبيتواصل معانا من خلالها .. من خلال الصور “متصل ومنفصل” ومن خلال الاصوات .. “ردد .. كرر .. قول” ويمكن في المراحل المتقدمه في التنويم الايحائي بنضيف الطريقه الرمزيه في التواصل مع العقل الباطن .. يعني ممكن تبقى صور مش مفهومه متصله ومنفصله وبنضيف عليها “اللاموجودة” او اصوات وكلام مش محدد ، فتصبح الجلسه بالكامل عباره عن انك بتسمح لنفسك انك تكون حلم تحلم بيه جوا الحلم بتاعك .. وبيكون ليها تأثير عجيب ..

الاحلام مش نبوءات ، بس هي رسايل .. لسبب ما الرسايل مش بتكون واضحة وصريحة .. علشان كده الفكرة اننا نستخدم الرمزيه في الجلسات الخاصه بالتنويم الإيحائي للتغذيه المرتدة للعقل الباطن ..

على سبيل المثال : شخص عنده ازمه في الكلام مع الناس وبيحس انه دايما مش مرتاح ومش واخد راحته .

تخيل نفسك شايف نفسك واقف على البحر ، سامع الموجة بتخبط في الشط وصوتها بيكونلك احساس انها بتقولك حاجه .. يمكن الصوت مش واضح بس انت سامعه من جواك بيردد “انت البحر في الشمال والجنوب وانت الموجة والحرية بتتملكك”

الجملة اللي فاتت مش مفهومة ، بس لو قريتها تاني هتلاقيها مفهومة ، بس مفهومه بالنسبه لك انت بس كعميل ، لكن غيرك لو سمع نفس الجملة مش هيفهمها ، انت نفسك لما تخرج برة الحاله وتسمعها مش هتفهم حاجه بس انت كنت فاهم جوا التنويم وده اللي بيخلي الناس مبتخرجش مثلا من التنويم وتسألني “انت قصدك ايه” لانهم جوا الحاله بيفهموا بطريقه غير مفهومة .. وكان عندهم مترجم داخلي . عمرك حلمت قبل كده انك بتتكلم مع واحد اسباني مثلا وفاهمه ؟ لا وبعض الناس كمان ممكن في نفس الحلم ترد عليه .

في النهايه ومع انها تقنيه متقدمة بس خليني اقولك على طريقه بسيطة ممكن تستخدمها بسهوله .. فكر في حلم انت فاكرة كويس جدا ، بس يكون حلم مناسب وايجابي .. ممكن تكون حلمت انك بتاكل حاجه او في مكان ، المهم انك في الحلم كنت مبسوط .. وابدا كرر الحلم ده جواك كتير اكتر واكتر وحاول تفتكر كل تفاصيله . وبعد تالت او رابع مرة حاول تغير او تضيف حاجه صغيرة جدا في الحلم .. حاجه انت عايزها .. وشوف تأثير ده عليك هيكون عامل ازاي ..

ويومكم جميل زي يومي
نهاد رجب
ممارس ومدرب التنويم الإيحائي


Source

مقالات مرتبطة

مهما كان الماضي ساذج بالنسبة لك ، ومهما كانت أفكار...
views 389
مهما كان الماضي ساذج بالنسبة لك ، ومهما كانت أفكار زمان غير منطقية لوعيك الحالي ، دايما احترم شخصك وقدر نفسك ، وخليك ممتن لكل حاجة حصلت سواء نجاح او ف...
تقريبا 90% من البيوت المصرية كانت هتشتري بيت في مد...
views 1418
تقريبا 90% من البيوت المصرية كانت هتشتري بيت في مدينة نصر او التجمع الخامس او المعادي او 6 اكتوبر او الشيخ زايد ، ورفضوا لإنها كانت ساعتها صحرا ، و 10...
التجهيز لأكبر دفعة لممارسي التنويم الإيحائي في الش...
views 73
التجهيز لأكبر دفعة لممارسي التنويم الإيحائي في الشرق الأوسط ! تقام في مصر .. أغسطس 2017 شكرا للملهمين من جميع انحاء العالم ! Source...
وأنتم موقنون بالإجابة | نهاد رجب...
views 66
وأنتم موقنون بالإجابة Source
لو قالولك مش هتعرف .. أشفق عليهم لإن هما ميعرفوش ا...
views 212
لو قالولك مش هتعرف .. أشفق عليهم لإن هما ميعرفوش انت مين ابتسم وكمل طريقك للقمة ومترضاش بالأقل لما ترضى بالأقل الأقل مش هيرضى بيك Source...
متطلبش إللى متقدرش تديه #نهاد_رجب...
views 1415
    متطلبش إللى متقدرش تديه اتحلت ؟ كل مشاكلك اتحلت خلاص ؟ تاني ؟ متطلبش اللي متقدرش تديه فكر كده .... فكر تاني...
ساعات بسيطة ان شاء الله ونبدأ رحلة جديدة مع التنوي...
views 33
ساعات بسيطة ان شاء الله ونبدأ رحلة جديدة مع التنويم الإيحائي والنموذج الأول لممارس التنويم الإيحائي الذاتي . (القاهرة) متحمس وبشدة وبعنف للكورس وان ...
أنا معنديش عصا سحرية أنا معايا عصاي اتوكأ عليها ...
views 56
أنا معنديش عصا سحرية أنا معايا عصاي اتوكأ عليها شكلها عادي جدا بس أنا متأكد أني لو ضربت بيها البحر هينقسم نصين ولو ألقيتها هتتحول لحية تسعى الس...
ففروا اليه انه الأعلم بكم وهو الأقرب إليكم فمنه...
views 241
ففروا اليه انه الأعلم بكم وهو الأقرب إليكم فمنه واليه نَفر ومنه واليه المصير لا اله الا هو ربنا خلقنا ولَم يتركنا وأمر الملائكة ان تسجد لنا وك...
لكل واحد وواحدة شايفين اللى حواليهم خدوا نصيبهم وه...
views 1090
لكل واحد وواحدة شايفين اللى حواليهم خدوا نصيبهم وهما لسة مستنين... اتعلموا من الاطفال واعرفوا ان اللى بياخد نصيبه في الآخر بيحس بطعم الحاجة وكل العيون...