خواطر وأخبار نهاد رجب

” يا أبت إني قد جاءني من العلم ما لم يأتك فاتبعني أهدك صراطا سويا ” بسمع سوره م… | نهاد رجب


” يا أبت إني قد جاءني من العلم ما لم يأتك فاتبعني أهدك صراطا سويا ”

بسمع سوره مريم بصوت الرائع مشاري راشد ، فاستوقفتني آيه … اللي استوقفني فيها كلمات .. انا سمعت السورة ديه عشرات المرات ، لكن اول مرة اخد بالي من نقطه مهمه جدا ..

سيدنا ابراهيم بيكلم والده بيقوله “ىا أبت إني قد جاءني من العلم ما لم يأتك”

ليه في الاول قاله “جاءني” وفي الجزء التاني قال “يأتك” ، ايه الفرق بين جاء وأتي !

لاحظت الاتي :

“جاء” دايما طبقا للمفسرين غالبا بتيجي مع الاشياء الصعبه ، الشديده والقويه ، اما “أتي” فهي دايما سهلة .

(حَتَّى إِذَا أَتَوْا عَلَى وَادِي النَّمْلِ (17) النمل) ليس هنا حرب
(وَجَاؤُواْ أَبَاهُمْ عِشَاء يَبْكُونَ (16) يوسف) هذه فيها قتل.

طيب ليه سيدنا ابراهيم قال “جاءني” على نفسه وقال “يأتك” لوالده ؟!

فكرت في نفسي مثلا لما بتعلم علم جديد او بروتوكول جديد ، بكتشف ان الصعوبة مش بس في اني اتعلمه لكن الاصعب هو انك تعرف ان ده مناسب ليك لتعلمه ، وانك تتكعبل فيه وتلاقيه اصلا ، الموضوع مش سهل او اني اقلب في المقالات فالاقيه .. انت ممكن تسافر وتدفع الاف علشان تصرف على المعلومات ديه وفي النهايه تستخدمها وتحترفها وتدربها لحد بمنتهى السهوله يمكن من خلال فيديو مجاني على اليوتيوب ..

فلما تفكر في سيدنا ابراهيم هتكتشف انه مر بمرحله قويه جدا من الشك والتعب الجسدي والفكري علشان يوصل لربنا ، وكسر اصنام القبيله وعرض نفسه للخطر ، اترمى في النار وكان معرض للموت ، وهنا تدخلت العنايه الالهيه ب “كوني بردا وسلاما” المشهورة .

سيدنا ابراهيم العلم مجالوش بسهوله ، العلم الرباني كان صعب جدا ومر سيدنا ابراهيم بتعب ومشقه كبيرة جدا بدات بشك وتفكير عميق علشان في النهايه ربنا يختاره بعد ما تم تطهيره بالوصول للحق . وكإن دخوله في النار هو رمزيه لتطهيره من كل الاعتقادات والافكار الخاطئه والشرك ، وكان النار تطهير ، نار عظيمه لكنها بردا وسلاما عليه .

لكن أباه .. في النهايه هيأتيه العلم ، بسهوله ويسر ، مش هيضطر يعدي على كل المراحل اللي عدى عليها سيدنا ابراهيم ، زينا بالظبط ، انت اتولدت مسلم اصلا ، فالعلم أتاك .. مننا اللي بيشكك في العلم ومننا اللي مؤمن بيه ومننا اللي متذبذب ، لكن في النهايه كلنا اتنقلنا العلم واحنا في الحياه بدون اي بحث او تعب ومشقه .. الا بالنسبه للناس اللي قرروا يجيئهم العلم وتعبوا وعدوا بمراحل شك .. دول الناس اللي بيكون اكثر التزاما بالعلم لانه جاء بعد تعب ومشقه .

لما بيجيلك علم بعد مشقه مشابهة بتحس انك عايز تنقله لكل الناس ، عايز تنشره للعالم ، بتحس بقرب شديد جدا للعلم وبتحبه لانه جالك بعد تعب ، وبتكون نيتك انك تسهله على الناس .

وجمعتكم مباركة
ويومكم جميل زي يومي 🙂
نهاد رجب


Source

مقالات مرتبطة

ناس
views 2100
  الانسان ده غريب ، عنده قدرة بشعة انه يحب اين كان حتى لو مكنش فاهمه او عارف هو ايه. تلاقي واحد بيحب قطة وواحدة بتحب كلب وواحد بيحب واحدة شافها ...
ليه بننسى ؟ #نهاد_رجب
views 1407
    ليه بننسى ان الدنيا اتخلقت مسخره لينا مش احنا المسخرين ليها ؟ ليه بننسى اننا ملوك الارض وأننا الأفضل ؟ ليه بننسى ان الحكام م...
تم بحمد الله الانتها من كورس التنويم بالإيحاء (الم...
views 232
تم بحمد الله الانتها من كورس التنويم بالإيحاء (المرحلة الاولى والثانية) في فرنسا ، ايفري وعمل مجموعة مكثفة من الجلسات الدعم النفسي ثم الانتقال الى ب...
لكل واحد فينا صفة او إنجاز او نقطة فخر هو نفسه يقو...
views 45
لكل واحد فينا صفة او إنجاز او نقطة فخر هو نفسه يقولها للناس علشان كلهم يعرفوها ، حتة ايجو مخفية تحت عباءات الحكمة والتزهد حتة ايجو متضرش ، اكتب هنا ...
اغلب عربيّات الاوبر هنا في اسكندرية واخدين تقييم س...
views 16
اغلب عربيّات الاوبر هنا في اسكندرية واخدين تقييم سيّء جدا ، مع اني اتعاملت معاهم ولاقيتهم ناس ظريفه جدا ولو موجودين في القاهرة كنت هديلهم تقييم أفضل ...
– مت قبل ان تمت ل نهاد رجب
views 2508
    تعتمد آلامنا على محاولتنا المستمرة لربط اللحظة الحالية بالماضي ، الذي لا وجود له الا في ادمغتنا .. تعلمنا ان نتطابق ونجاري افكارنا ...
هل تبحث عن كل ما هو جديد او مفيد لك لتطوير ذاتك وا...
views 20
هل تبحث عن كل ما هو جديد او مفيد لك لتطوير ذاتك والتخلص من المشكلات ؟ هل فكرت من قبل في مكان واحد يجمع كل ما تريد من موضوعات ومراجع ومعالجين ومدربين ...
اكتب هنا قصة نجاحك في اقل عدد سطور ممكن (٦ او ٧ سط...
views 142
اكتب هنا قصة نجاحك في اقل عدد سطور ممكن (٦ او ٧ سطور) وبأفضل التفاصيل وانا هختار واحدة وأسجلها هنا فيديو في الاردن وارفعها على قناتي باسمك الشروط ...
انا مؤمن ان كل انسان ليه الحق انه يعيش بأفضل شكل م...
views 60
انا مؤمن ان كل انسان ليه الحق انه يعيش بأفضل شكل ممكن ، ليه الحق في ثروات العالم ، ليه الحق انه يحقق احلامه ويوصل للي هو عايزه اين كان ، ومؤمن ان لكل ...
الشياكة مش انك تكون شبه الناس الشياكة بجد لما تل...
views 1756
الشياكة مش انك تكون شبه الناس الشياكة بجد لما تلتزم باعتقاداتك مهما كانت غريبه وسط الناس مهما كانت جنسياتهم او افكارهم او ارائهم ساعتها بيحترموك ا...