خواطر وأخبار نهاد رجب

الاعتذار للاخرين غير واجب .. الا اذا … من فترة درست تقنيه جديدة كانت عن التح… | نهاد رجب


الاعتذار للاخرين غير واجب .. الا اذا …

من فترة درست تقنيه جديدة كانت عن التحكم واسمها “منطقة القوة” ، الجميل في التقنيه انها كشفتلي نمط سلوكي كنت بقوم بيه بشكل كبير جدا ومكنتش اعرف اد ايه هو خطأ الا مؤخرا ..

كان ممكن مثلا حد يضايق من كلمه قولتها فاعتذرله ، او حد يضايق من حاجه كان المفروض اعملها ومعملتهاش فاعتذرله .. كنت فاكر ان ده شيء طبيعي واخلاقي وسليم ، وبعد دراستي للتكنيك افتكرت اني لما كنت بعتذر لحد كنت بدخل في حالة سلبيه وكنت بحس اني بحمل نفسي افكار ودين مكنش من حقي .

التكنيك بمنتهى البساطه بيقولك انك المتحكم الاول عن افكارك ومشاعرك وكلامك وردود افعالك وتصرفاتك . انت مسئول تجاه الاخرين لكن انت مش مسئول عن الاخرين ..

يعني لو انسان بيفكر بطريقه محدده وعنده توقعات ما ، ايه في الوجود ممكن يبرر انك تعتذرله لو اختياراتك او سلوكياتك كانت مختلفه عن توقعاته ؟! ايه في الدنيا ممكن يبرر انك تتأسف على رد فعل الاخرين تجاهك ؟ طالما حافظت على حقك في التعبير عن النفس والاختيار ؟

للاسف بعض الناس فاكرة ان من الاخلاق انك تعتذر لو لاقيت ان اللي قدامك فسر كلامك بطريقه معجبتوش ، او فسر كلامك بطريقة خاطئه فتلاقي نفسك بتجري تقوله “لا والله انا اسف مكنش قصدي كده خالص ” !

مش من حق حد انه يفرض عليك تتعامل معاه بالشوكة والسكينه تجاه افكاره او توقعاته عن تصرفاتك وسلوكياتك واختياراتك .. وبالتالي مش من حقك انت كمان انك تطالب الناس في المقابل انهم يتلائموا مع خريطتك العقليه وفكرتك ومفاهيمك عن الدنيا ..

المشكلة اللي ممكن تحصل بتأسف على حاجه ملهاش علاقه بيك ولكن ليها علاقه بعقل الشخص اللي قدامك انك لو اتاسفلته اولا هيبان انك غلطان وهتبقى مطالب طول الوقت بفتح ملف عقلي يخليك مضطر تتعامل معاه بطريقه محدده .. عبث .. ثانيا الشخص هيتعود ده من الاخرين وبالتالي هيتخبط كتير في حياته لان مش كل الناس بتتصرف زي بعض .

افتكر انك مسئول عن كلامك وطالما كلامك في حدود الادب والاحترام ، طالما بيظهر قيمك العليا وطالما مش بتطاول بيه على حد ، بالتالي مهما كانت اختياراتك في كلماتك او تصرفاتك ، فده حقك الطبيعي اللي المفروض تمارسه بشكل طبيعي ومحدش ليه الحق انه يطالبك تعتذر بسبب سوء فهمه ليك او استنباطه الخاطئ للي انت كنت تقصده ..

المرة الجايه لما حد يزعل منك اساله انت زعلت ليه ؟ ولو قالك علشان انت قولت كذا وانت عارف انها بتضايقني ، اساله انت عرفت ازاي اني عارف ؟

استمر في الاسئله المهم انك متعتذرش الا لو فعلا غلطت .. والا شويه شويه الناس هتيجي عليك انت وهيتهموك باللي مش فيك ..

وافتكر انت مسئول تجاه الاخرين عن “كلامك وتصرفاتك” ولست مسئول عن “تفسير الاخرين” او مشاعرهم هما ..

وعلى رأي المثل .. اللي ليه عندك حاجه ياخدها ..

ويومكم اجمل من يومي
نهاد رجب


Source

مقالات مرتبطة

نزلوا Quora البرنامج ده هيشغلكم ويثقفكم جدا وهيب...
views 188
نزلوا Quora البرنامج ده هيشغلكم ويثقفكم جدا وهيبقى باب لعالم اكبر من الفيسبوك Source
ليه انا ؟
views 1131
  لما بقع في كارثة وأقول "ليه انا ياربي" ، "أشمعنى انا ياربي" بتتحول الحالة من الحزن للسعادة "ليه انا ياربي" معناها ان ربنا اختارني انا...
اخبرنا عن تجربتك الحقيقية مع التنويم الإيحائي وكيف...
views 174
اخبرنا عن تجربتك الحقيقية مع التنويم الإيحائي وكيف استطاع المدرب والمعالج نهاد رجب مساعدتك خلال جلساته الاونلاين المسجلة أو الحية ؟ https://goo.gl/N...
الحياة علمتني اني مسمعش من حد كل شوية يخطب ويزعق ف...
views 97
الحياة علمتني اني مسمعش من حد كل شوية يخطب ويزعق في الناس علشان يتبعوا الأخلاق القويمة كثير المقارنة بين نفسه والاخرين بشمام باشر او ضمني، ينزه نفسه ع...
أنا احتكرت التنويم الإيحائي / الذاتي / الضمني على ...
views 17
أنا احتكرت التنويم الإيحائي / الذاتي / الضمني على جوجل واليوتيوب بعد 11 سنة خدمة 😀 ده اللي كنت بحاول اوصلهلكم امبارح اشتغل على تخصص وطور نفسك في...
لأول مرة في الأردن دورتي دبلوم وممارس تقنية الـTra...
views 346
لأول مرة في الأردن دورتي دبلوم وممارس تقنية الـTrance مع المدرب العالمي نهاد رجب 1- دورة دبلوم تقنية الـTrance تبدء في 20/4/2017 حتى 22/4/2017 في أ...
بتعرف تقرا ؟ كورس ممارس التنويم الإيحائي دفعه اغ...
views 72
بتعرف تقرا ؟ كورس ممارس التنويم الإيحائي دفعه اغسطس 2017 مستعد تكون ضمن افضل ممارسي التنويم الإيحائي والكوتشز في مصر ؟ مستعد تاخد خطوة حقيقيه وث...
للسعادة مقومات | تعرف عليها لـ نهاد رجب...
views 6226
احساسك بالسعادة يتطلب وجود مقومات وإلا تبقى مريض نفسي   يمكن الفلوس مش كل حاجة ، بس هي الطاقة المادية اللى بتسمح لطاقة الحياة انها تدفق   فبالتا...
لا تستنزف طاقة حبك .. نهاد رجب...
views 12570
  اوعي ابدا ابدا تستنزف مشاعرﻙ وطاقه حبك علي حد شاكك ولو لثانيه انك هتكمل معاه. اسحب نفسك من اي اندماج مع اي شخص ومتصرحش بكده. الطاقه ديه بتخ...