خواطر وأخبار نهاد رجب

كنت في عزا جدة صديق ليا ، لما بدأ يحكيلي عن ازاي توفت .. كلمني عن اللحظات الاخير… | نهاد رجب


كنت في عزا جدة صديق ليا ، لما بدأ يحكيلي عن ازاي توفت .. كلمني عن اللحظات الاخيرة للوفاه وعن كل الغرائب اللي ممكن تستعجب جدا منها ، كلمني عن الناس اللي كانت بتكلمهم وبتشوفهم وهما مش موجودين .. كلمني عن فترة ما قبل الموت وعلمها باقتراب اجلها وتبليغها للمحيطين بيها وكانوا كالعاده بيحاولوا يطمنوها ..

افتكرت اليوم اللي والدي فيه توفى ، توفى فجأه بس اليوم بالكامل لما بنسترجع احداثه بنستغرب ازاي حصلت كل الاشارات ديه ومن ضمنها كلامنا عن الموت وتغيير كامل في شخصيه المتوفي فجأه وكلام تاني كله معاني مفهومه انه هيموت بس محدش كان عارف لاننا متخيلناش ان ده يحصل ..

وتوفى اكتر من صديق واخ ليا على الفيسبوك وظهرت عندي هوايه جديده الا وهي البحث عن الاشارات اللي سابوها قبل ما يموتوا .. كانوا بيفكروا ازاي ، كانوا بيتكلموا ازاي وكانوا بيقولوا ايه .. من ضمنهم الناس اللي توفت على طيارة فرنسا ، الطيارة اللي انا كنت راجع عليها وعدلت الحجز على آخر لحظة .. اكتشفت ان اغلب اللي عرفت اوصلهم ، او اوصل لصفحاتهم على الفيسبوك كانوا بيكتبوا كلام لا يمكن تفسيره غير انهم كانوا عارفين بس مش عارفين انهم عارفين ..

منهم مها ادهم ، الله يرحمها ، ورسالتها المؤثره المكتوبه عندها “رسالتي ان ارى الله وأحبه وانشر حبه بين القلوب” ..

ساعتها لما بدات ابحث ورا الناس اللي توفت ، خصوصا اللي توفوا فجأه ، كتبت عندي على البروفايل اني عايز بروفايلات طلبه كليه صيدله اسكندرية من اللي ماتوا في حادثه نويبع ، عرفت اوصل لبعضهم و 80٪ منهم على الاقل كانوا كاتبين حاجات تدل على انهم كانوا عارفين انهم هيموتوا .. وهما مش عارفين انهم هيموتوا .. او كاتبين كلام روحاني فجأه ومنهم اللي لما كتب ده الناس نفسها اللي عنده استغربوه وبداوا يهزروا معاه ومنهم اللي قاله “انت استشيخت مرة واحدة كده ليه” وسبحان الله ان ديه كانت اخر حاجه يكتبها قبل مايموت في الحادثه .

كتير كنت بحاول اقنع نفسي انها كانت مجرد صدف ، او انا بوحي لنفسي ان الكلام ده ليه علاقه بوفاتهم بس مع الوقت ومع كل القصص اللي سمعتها اكتشفت ان لا لا فيه معرفه لاواعيه بقدوم اجلهم .. لو سألت اي حد توفى قريب ليه ، هتلاقي 90٪ من الناس بيحكولك حاجات غريبه عن اخر ايام المتوفيين ، اشارات بالبلدي بنقول “كان قلبه حاسس” ، الفكرة اللي بكلمكم فيها عرفها ووصلها ناس بالفطره ملهمش اي علاقه بالعلم لكن كانوا بيشوفوا وبيلاحظوا ده في المتوفيين قبل مايتوفوا .

كنت في ابتدائي في 6 اكتوبر لما سمعت عن وفاه والده احد صديقات اختي وكانت وهي بتموت بتكلمهم عن شجر التفاح اللي هي شايفاه ، عن الجنة وعن الله .. كانت بتقولهم مدوا ايديكم وخدوا تفاح كلوا كلوا .. وتوفت بعدها بلحظه .. وسابتهم مستغربين هو ايه اللي حصل !

الموضوع محتاج بحث كبير ، الموضوع محتاج دراسه خاصه .. الموضوع ده هيفهمنا اكتر عن نفسنا وعن الانوار اللي بنشوفها لحظات قبل النهايه .

اسالوا الناس اللي حواليكم ، اسالوا نفسكم ، عن الناس القريبين منكم ، قبل مايموتوا ، شافوا ايه .. سمعوا منهم ايه ؟ كان بيرددوا بيقولوا ايه !

نهاد رجب





Source

مقالات مرتبطة

من كام ما يوم عملت جلسة تنويم لمستفيدة بدأت كلامها...
views 236
من كام ما يوم عملت جلسة تنويم لمستفيدة بدأت كلامها بصراحة معايا انها جات بتوجيه اختها وأنها كانت رافضة تيجي وأول ما دخلت المركز قالت ان الموضوع نصباية...
لما تدعي ربنا متحطش في دماغك الاستجابة ربنا استجا...
views 3896
لما تدعي ربنا متحطش في دماغك الاستجابة ربنا استجابلك لحظة ما اوحى اليك بالدعاء الدعاء هو الاداة اللى بنستخدمها علشان ندعي ربنا بقوة فنرتاح ، يمكن ال...
عقلك الباطن مفيهوش قدرات غير محدوده ! عقلك الباط...
views 194
عقلك الباطن مفيهوش قدرات غير محدوده ! عقلك الباطن ملوش قدرات اصلا .. عقلك الباطن بيستخدمك كوسيط للوصول لأهدافك .. هو بس يعرفك اكتر منك .. يعني تقد...
شكرا ليا انا هايل شكرا ليا اني بطور من نفسي داي...
views 11
شكرا ليا انا هايل شكرا ليا اني بطور من نفسي دايما وبتعلم من الكون شكرا ليا لاني ايماني بربنا ايمان فعل وتطبيق شكرا ليا لاني حقيقي مع نفسي او مع غ...
تاريخ سريع للتنويم بالإيحاء – #التنويم_بالإ...
views 228
تاريخ سريع للتنويم بالإيحاء - #التنويم_بالإيحاء_مع_نهاد_رجب الحلقة 4 انضم للصفحة وادعوا اصدقائك للاستفادة. الصفحة الرسمية للمدرب والمعالج نهاد رجب ht...
هتقدر ! لإني لما قدرت مكنتش ساعتها اقدر | نهاد رجب...
views 548
هتقدر ! لإني لما قدرت مكنتش ساعتها اقدر Source
سعدت جدا لتقديم محاضرة طويلة حبة عن التنويم الايحا...
views 104
سعدت جدا لتقديم محاضرة طويلة حبة عن التنويم الايحائي وتعريفه وتظبيط المعتقدات والمفاهيم الخاصة به عند حبة حلوين نوروني بحضورهم شاكرين مهللين بشدة وب...
غدا ان شاء الله يوم مكثف ، هيبدأ بجلسات تنويم إيحا...
views 214
غدا ان شاء الله يوم مكثف ، هيبدأ بجلسات تنويم إيحائي في مدينة نصر ، ثم اجتماع خاص مع أكبر مؤسسات السوشيال ميديا ثم حلقة خاصة حول الخوارق وتفسيرها العل...
النهاردة سيبت المحفظة في العربية رجعت روحت مشوار ...
views 690
النهاردة سيبت المحفظة في العربية رجعت روحت مشوار وانا راجع ، جاتلي فكرة اني اخد المحفظة من العربية وانا طالع البيت خدت المحفظة ومشيت جاتلي فكرة تاني...
” يا أبت إني قد جاءني من العلم ما لم يأتك فا...
views 79
" يا أبت إني قد جاءني من العلم ما لم يأتك فاتبعني أهدك صراطا سويا " بسمع سوره مريم بصوت الرائع مشاري راشد ، فاستوقفتني آيه ... اللي استوقفني فيها كلم...