خواطر وأخبار نهاد رجب

ربنا عز وجل بيقول في كتابه الكريم “قُلْ سِيرُوا فِي الْأَرْضِ فَانظُرُوا كَيْفَ … | نهاد رجب


ربنا عز وجل بيقول في كتابه الكريم “قُلْ سِيرُوا فِي الْأَرْضِ فَانظُرُوا كَيْفَ بَدَأَ الْخَلْقَ”

ازاي هنمشي في الارض “الحاضر” علشان نشوف “كيف بدأ الخلق” الماضي .

ازاي حاله زمنيه تكون في مرتبطه بحاله زمنيه مختلفه ..

لما بدات افكر في الايه ، قولت لو اي حد سألني .. انت ازاي بدات تطبخ ؟ مثلا !
هقوله على خطوات متسلسله ، انتجت في النهايه الاكله .. وان الاكله ديه بتحمل الكل لكنها مش الجزء .. يعني الكيكه علشان تعملها محتاج مثلا بيض وسكر ولبن وكاكاو مثلا (انا مش عارف) ، هتخلط كل ده مع بعضه ، هتحطه على النار ، هيطلعلك في النهايه “كيكة” فانت بمكونات ما تقدر تنتهي بشئ اكبر .. لكن متقدرش تبص للكيكه وتفصل منها العناصر المكونه ليها .. او تقول انا طبخت بيض ولبن وبيكنباودر .. هتقول كيكه .

سؤال كيف بدأ الخلق ، بيدي ايحاء ان الخلق بدأ بتسلسل معين وبمكونات مختلفه انتجت في النهايه العالم اللي بنعرفه من انسان وحيوان ونبات وجماد .. وكلمه ” بدأ ” تدي معنى ان النتيجه النهائيه مكنتش مماثله للبداية ..

طيب ازاي حاله زمنيه “الحاضر” يتم ربطها بحاله زمنيه “الماضي” الا اذا الخلق مازال لحد اللحظه ديه في حالة تطور مستمرة ..

انا مش متخصص في أمر نظرية التطور ، انا قريت فيها كتاب وشوفت كام فيديو ، لكن انا لحد اللحظة ديه مش فاهم ليه الناس بتزعل من كلمة تطور ؟! وبيفكروا دايما ان المووضع مقتصر على ان الانسان كان اصله قرد وان الموضوع لا يقبله عقل . بس في نفس الوقت مقتنعين جدا ومؤمنين ان الانسان كان اصله حيوان منوي واتفاعل مع بويضه وكونوا انسان !!

ماهو في النهايه خلق ! ليه بعض الاخوه رافضين فكرة التطور لداروين وقابلين التطور من ماء مهين لبويضه في جسد الانثى ؟ ولو حاولت تسأله هيقولك ان ربنا قادر على خلق الانسان متكامل ، طيب ليه ده مبيحصلش جوا رحم الام ؟ ليه مابيتخلقش طفل وبيظهر فجأه مثلا ؟ ليه كل حاجه في الدنيا هتكتشف ان فيها سنة التطور ؟

لو افترضنا ان الانسان تطور من بشريين بهيئه حيوانيه قديمه ، ومنها تطور للشكل اللي عارفينه في الوقت الحالي . ايه المشكله في كده ؟

بعض الاخوه ممكن يقولوا ان ربنا اذا اراد شئ ان يقول له كن فيكون ، كن الربانية مختلفه عن “فيكون” الارضيه ، فيه فرق زمني بيحكم المدة اللي هيتم فيها تنفيذ أمر الله ، وبأمر من الله خالق المكان والزمان ، ولو فكرت في كن .. فيكون … هتلاقي ان فيه حاجه كانت على هيئه ما وربنا امرها بالتغيير او بالتطور .. يعني فيه حاله حاليه ، واتحولت من حاله لحاله لحاله مختلفه مبنيه على الحاله الاولى ، ولو فكرت في الموضوع هتلاقي ان الانسان خلق من طين ! يعني تطور من طين .. ليه ربنا مخلقش العظام واللحم والقلب ؟ ليه من طين ؟ بغض النظر عن فكرة الباكتيريا اللي بتكون جسم الانسان وكل الابحاث اللي بتتكلم عن عناصر الارض الموجودة في جسمه ، بس لو تأملت في الموضوع هتلاقي ان التطور موجود ، العقل بيتطور ، الاكل بيتطور ، الخلق بيتطور ، الافكار بتطور ، الحالات الشعوريه للانسان بتطور ، السلوكيات بتطور ، كل شئ حرفيا بيتطور . فليه تستبعد صحه نظرية داروين وتقنع نفسك انها بتتعارض مع الدين وهو ببساطة اتكلم عن شئ منطقي جدا الا وهو التطور ؟ وده موجود في صلب القرآن اصلا

وليه شايف ان نظرية داروين بتخالف الدين او بتاخدها حجه على الدين وهو اصلا التطور سمة من سمات الخلق ؟

ده حتى الكون في ابعاده بيتطور ، وبينمو وبيتوسع . كل شئ بيتطور ، بياخد وقته ، بس في النهايه بيتطور ، ازازه بلاستك بتحتاج حوالي 100 سنه علشان تتحلل “تطور” ، كل شئ في الدنيا بيتحول وبيتغير وبيتطور من هيئه لهيئه .

الموضوع مفيهوش ان الانسان اصله قرد ، ومينفعش تسألني ليه باقي القرود متطورتش لانك باني سؤالك على افتراض خاطئ .

وانا برضه مش ماسك الفكرة كامله ولكنها في النهايه خواطر وافكار .. تقدر تاخد بيها او تنساها ، بس على الاقل مترفضش وجود الاحتماليه ..

ويومكم اجمل من يومي

نهاد رجب


Source

مقالات مرتبطة

انا جعان جدا بسبب اني فطرت غلط ومقدرش أفطر دلوقتي ...
views 127
انا جعان جدا بسبب اني فطرت غلط ومقدرش أفطر دلوقتي علشان ملتزم بمواعيد للاكل بتاعي . بس براقب افكاري فضحكت ، لاني لأول مرة اكتشف اني نفسي اكل فطير من...
وما بعد ؟ الناس اللي قريبين مني عارفين اني عندي ...
views 68
وما بعد ؟ الناس اللي قريبين مني عارفين اني عندي هوس بتطوير منهج التنويم الإيحائي ، ويمكن مفيش كورسين عملتهم ورا بعض جوا مصر او بره مصر الا وعدلت وغي...
ده عينه من البوستات اللي بتكون موجوده بالجروب الدو...
views 90
ده عينه من البوستات اللي بتكون موجوده بالجروب الدولي المخصص لمتدربيني من ممارسي التنويم الإيحائي المعتمدين من مؤسسيه المايندكير . بعد انتهاء الكورس...
النهاردة اليوم التاني لكورس ممارس التنويم الذاتي ....
views 20
النهاردة اليوم التاني لكورس ممارس التنويم الذاتي .. مجهز مفاجآت وحركات للحلوين ومستعد بشغف . انتظروا دفعه جديدة من ممارسين التنويم الإيحائي الجدد S...
الانتقاد أسهل من المواجهة بالذات لو تم وسط مجموع...
views 105
الانتقاد أسهل من المواجهة بالذات لو تم وسط مجموعة من الهتيفة على درجات السلالم - انتقدت فلان ؟ شتمته ؟ دخلت في نيته ؟ عرفت الناس انك بتفهم عنه وأ...
اكتر من مرة بتأكد ان العربية مقفولة علشان قلقان حد...
views 71
اكتر من مرة بتأكد ان العربية مقفولة علشان قلقان حد يسرقها بقيت اكثر وعي ان طريقة التفكير ديه مش بس خطأ ديه كمان خطر لان مينفعش اعتقادي عن العالم ان...
لو عرفت ان فى منحة بـــ 200 جنية هتكون فى رمضان و...
views 184
لو عرفت ان فى منحة بـــ 200 جنية هتكون فى رمضان وفيها نهاد رجب ومحمد شاكر وابراهيم خطاب و محمد زكريا واحمد هانى واشرف عفيفي وعبد الرحمن المكى ...
المستنقع
views 1453
  ساعات لما الحياة تتغربل بيك ، بتتغير ظروف واماكن وناس ، بتفكر ساعتها ايه المستنقع اللى انا كنت فيه ده . الغريب ان المستنقع بيوحشك  🙂 ال...
خدعونا وعلمونا ان الحيوان كائن غير عاقل مبيحسش مب...
views 2168
خدعونا وعلمونا ان الحيوان كائن غير عاقل مبيحسش مبيفهمش وان ربنا ميز الانسان بالعقل ويوم عن يوم بحس ان الوعي موجود في كل الكائنات وفي الجماد وحتى في...
لايف – إسأل نهاد – خلال دقائق 🙂 | نها...
views 67
لايف - إسأل نهاد - خلال دقائق 🙂 Source