خواطر وأخبار نهاد رجب

من حوالي 14 سنه تقريبا والدي توفى ، كنت نايم لما لاقيت اختي بتصحيني وسط صريخ وعي… | نهاد رجب


من حوالي 14 سنه تقريبا والدي توفى ، كنت نايم لما لاقيت اختي بتصحيني وسط صريخ وعياط وبتقولي اصحى بابا مات ! مكنتش مدرك ايه اللي بيحصل ، بس كل اللي فاكره اني كنت نايم بعمق عجيب ، ولما كنت بصحى حسيت اني كإني كنت جاي من عالم لعالم ، كإني كنت في غيبوبه ، وصوتها ، مع انها كانت جمب ودني ، بس كنت سامعه كإن حد بينادي من بعيد جدا ، او كإني كنت تحت الميه وسامع اصوات بعيده مش عارف اميزها بس انا عارف انها موجودة .. وبشكل تدريجي بدا الصوت يزيد اكتر واكتر وكاني بخرج من دوامه للاعلى مرة تانيه ، لحد ما انتبهت وفتحت عيني وقولتلها وانا مخضوض “ايه حصل ايه؟!”

واستغرقت في كل مشاهد الوفاه ، وحصل اللي حصل ، وانتهى الموضوع وسابلي جملة واحده في بالي بتتكرر على لساني كل مره يجيلي تليفون او حد يقولي ان عنده حاجه عايز يقولهالي … بتفاجئ وبتخض وبقوله “ايه حصل ايه!”

استمر الموضوع ده معايا 14 سنه .. “ايه حصل ايه؟” متوقع ان فيه مصيبه تانيه هتحصل او خبر هسمعه .. وفي خلال 14 سنه مسمعتش اي خبر وحش من اي نوع ومع ذلك استمر معايا الرد ده ..

لحد من اسبوع تقريبا ، اتصل بيا احد المستفيدين السابقين و رديت عليه وانا مبسوط لانه اتصل بعد غيبه ، لاقيت صوته واطي حبه ولاقيته بيقولي “انا عايز اقولك على حاجه” وسكت

في جزء من الثانيه اتحفز الاعتقاد القديم ، قلبي خبط اسرع ، عقلي قلب كل الافكار القديمه في ثانيه ، وقولتله بصوت مخضوض “ايه حصل ايه؟!”

لاقيت صوته اتعدل نسبيا .. وقالي “حصل اللي حصل يا استاذ نهاد ، وكله خير من الله” وكمل كلامه وقال “ان الجلسه بدات اخيرا تجيب النتيجه المرجوه” وكمل كلامه وهو بيكلمني عن ازاي التقنيات اشتغلت معاه في مواقف ، بس وهو بيتكلم حسيت كان جسمي كله سكت للحظات ، حسيت بهدوء عجيب وكل اللي بفكر فيه “حصل اللي حصل ، كله خير من الله” ، “حصل اللي حصل ، كله خير من الله” ، “حصل اللي حصل ، كله خير من الله”

اقسم بالله ، كانت جملة جايه من راجل بيني وبينه آلاف الكيلومترات ، معرفش عنه حاجه غير جلسه عابره عملتهاله وخدت عليها مقابل ، الراجل ده بجملة واحد صادقه ، من غير مايتعلم تنويم ايحائي ومن غير ما ينوي يعالجني ومن غير ما يعرف اصلا الاعتقاد العجيب اللي عندي ، قدر يخلصني من اعتقاد غريب بقاله معايا 14 سنه .. بجمله ما استغرقتش اكتر من 3 ثواني في نطقها ! “حصل اللي حصل يا استاذ نهاد ! وكله خير من الله”

حظي الحلو ، انه قالهالي وانا في حاله متقبله جدا لاني كنت مخضوض جدا ، وقالها بصدق وبصوت مناسب في لحظه مناسبه بسرعه زمنيه مناسبه . وفجأه جابت نتيجتها .. “حصل اللي حصل وكله خير من الله” .. يمكن نفس الجمله لو انت كنت في نفس موقفي مكنتش اثرت فيك بس انا عندي ومكوني اللي يخليني اتاثر بيها ..

في الدورات بقول للناس ، التنويم بالايحاء اعظم بكتير . من مجرد غمض عينك وخد نفس عميق ، والصوره النمطيه اللي لزقناها بالتنويم الايحائي ، التنويم الايحائي هو كل جملة مناسبه تتقال في وقت مناسب وتحدث تأثير .. وبكمل وبقول للناس ان فيه ناس بالفطرة عندهم القدرة على كده .. بس هما ميعرفوش ، هما ناس اتخلقت بتنشر السعاده والحب والامان والسلام بين الناس من خلال كلامهم ونيتهم الداخليه الحلوه وهما حتى ميعرفوش ..

وحصل اللي حصل ، كله خير من الله !

شكرا صديقي اللي ميعرفنيش على خدمه قدمالهالي من غير نيه وبدون وعي ، وتغيير احدثه وكان سبب فيه .

ساعدوا الناس مهما كانوا باين عليهم مش محتاجين مساعده !

ويومكم اجمل من يومي
نهاد رجب


Source

مقالات مرتبطة

الناس فاكرة ان التنويم الإيحائي يقتصر على “غ...
views 494
الناس فاكرة ان التنويم الإيحائي يقتصر على "غمض عينك" ... "استرخي بعمق" وده فعلا ليه طرقه وتقنياته ، بس تعاملي مع التنويم الإيحائي عمره ما كان كده . ...
والله ما علمت عنها الا خيرا وأولادها من أفضل وأخي...
views 651
والله ما علمت عنها الا خيرا وأولادها من أفضل وأخير الناس انتقلت الى رحمة الله والدة الاستاذ مصطفى عناني وأحمد عناني اللهم طمئن قلبها وثبت قلوب اَهل...
حبة شغف على رشة مغامرة وندعة تشاؤم وشويه تفاؤل وكت...
views 79
حبة شغف على رشة مغامرة وندعة تشاؤم وشويه تفاؤل وكتير تزهد وكومة ايمان = نجاح Source
لما بتحكي مع نفسك عن مشاريعك والخطوات اللي هتعملها...
views 187
لما بتحكي مع نفسك عن مشاريعك والخطوات اللي هتعملها لما حاجة نفسها تحصل وتتخيل ده بيأخر حدوثها او بيقلل من طاقتها . متقولش مثلا لما الفلوس تيجي هيبقى...
حاجة واحدة نفسك تعملها قبل ما يبقى الوقت غير مناسب...
views 65
حاجة واحدة نفسك تعملها قبل ما يبقى الوقت غير مناسب Source
مش يمكن كل ده مش موجود ؟ مش يمكن وعينا ما هو الا...
views 23
مش يمكن كل ده مش موجود ؟ مش يمكن وعينا ما هو الا خيال لوعى اعلى ؟ مش يمكن احلامك تكون حقيقتك في بعد تاني وانت حلم لبعد مختلف عنك ؟ مش يمكن اكون ...
ربنا عز وجل بيقول في كتابه الكريم “قُلْ سِير...
views 81
ربنا عز وجل بيقول في كتابه الكريم "قُلْ سِيرُوا فِي الْأَرْضِ فَانظُرُوا كَيْفَ بَدَأَ الْخَلْقَ" ازاي هنمشي في الارض "الحاضر" علشان نشوف "كيف بدأ ا...
عقلك قوي بيك … عقلك الباطن من ضمن الخصائص ...
views 1300
عقلك قوي بيك ... عقلك الباطن من ضمن الخصائص الخاصة بيك انه المطبخ اللى بيطلع النتايج اللى بتحصل عليها ، انت بتديله المقادير وهو بيبدأ يطبخ .. ولحد ه...
كممارس تنويم إيحائي قسم جلساتك على مدار الاسبوع . ...
views 84
كممارس تنويم إيحائي قسم جلساتك على مدار الاسبوع . متعملش عدد مبالغ فيه من الجلسات كل يوم لإنك مطالب انك تدي 100٪ من طاقتك لكل جلسه . بالنسبه لي ان...
السهرة النهاردة مع إسأل نهاد .. استعدوا خلال دقايق...
views 53
السهرة النهاردة مع إسأل نهاد .. استعدوا خلال دقايق .. 🙂 Source