خواطر وأخبار نهاد رجب

من فتره حكيت اني كنت في كورس بلغه مختلفه وكان الكورس طويل جدا في مدته لدرجه اني … | نهاد رجب


من فتره حكيت اني كنت في كورس بلغه مختلفه وكان الكورس طويل جدا في مدته لدرجه اني في وسط يوم من ايام الكورس ، هلوست لمدة ثواني وتخيلت ان المدرب الامريكاني بيتكلم عربي ! اتخضيت وفجأة رجع تاني الصوت بلغه تانيه .

بعد كده بدات ابحث عن الموضوع اكتر ، اكتشفت اني في مرة كنت بتفرج على قناة قديمه كانت بتيجي زمان اسمها MNET ، وكان عندي ساعتها يمكن 8 سنين تقريبا ، كانت حلقه من مسلسل كوميدي ، وكنت بتفرج عليه وبضحك . شافني والدي ساعتها وقالي انت بتضحك على ايه ؟ المسلسل مش مترجم !

للحظه خدت بالي ، ومفهمتش باقي الحلقه ..

لانه مش مترجم .. !

واكتشفت اني مع اني خدت كورسات وشوفت كورسات باللغه الانجليزيه وبلهجات مختلفه توصل لمئات الساعات من غير اي مشكله في الفهم ، بس اكتشفت اني مقدرش اشوف فيلم اجنبي مش مترجم ولو حاولت اني مبصش على الترجمة مبفهمش اي حاجه ..

شدني الموضوع اكتر علشان افهم ، عدم ادراكنا للغه هل بسبب عدم تعلمنا للغه ولا كل ده مجرد اعتقادات داخليه شخصيه ؟ وهل اللي عندي ده كان مجرد اعتقاد ولا حقيقه ..

غمضت عيني وتخيلت اني بتكلم مع شخص امريكي معين وهو احد مدربيني المباشرين ، ولاقيته جوا عقلي بيتكلم كويس جدا ولاقيتني جوا عقلي برد عليه ببطئ ومش عارف اكمل جمله واحده .. استغربت اكتر وبدات افهم اكتر واكتر ان فيه خدعه عقليه او “اعتقاد قديم” ليه علاقه بالمشكله ديه .

الموضوع بدا لما كنت في فرنسا وجاتلي حاله ، شخص عايز يتكلم فرنساوي كويس ، في البداية قولتله انا مش مدرس فرنساوي بس فكرت للحظه ووافقت علشان كنت عايز اجرب حاجه ..

كان قاعد سنين في فرنسا ، بيفهم كويس جدا لكن مشكلته انه مش عارف يتوظف في وظايف هو عايزها بسبب لكنته العربيه . وهنا جاتلي فكره بروتوكول جديد وطلبت منه يغمض عينه ومشيت على كل خطوات جلسه التنويم الايحائي المتكامله وفي النهايه طلبت منه انه يتكلم وهو مغمض عينه ، وقولتله تخيل محدد فيه بيتخيل شخص بيتكلم معاه ، الشخص ده فرنسي ، وطلبت من صاحبنا العربي انه يتخيل انه بيندمج جوا الشخص ده “ارتباط” ، في البداية كان الموضوع صعب جدا لانه مفهمش المجاز ، المهم في النهايه حصل الدمج فعلا ، وطلبت منه انه يتكلم بصوته وبطريقته وبوضعيه جسمه وبكل افكاره عن نفسه ومعانيه بالنسبه له ..

طبعا كل الكلام ده كان متسجل صوت على تليفونه بطلب منه ، وبدا المستفيد (صاحبنا) يتكلم وهو في حاله التنويم الإيحائي ، بالفرنسي في موضوع خاص بالكورة تقريبا .. حسيت ده لاني سمعت بعض المصطلحات الشبيهة بالانجليزيه ، المهم هو خلص من هنا وطلبت منه يسمع التسجيل مرة تانيه ..

سمع التسجيل وفتح عينه وانبهر ، اتكلم بالنسبه له بلباقه جدا و كل كلامه مستمر ومتماسك ومفهوم ، نطقه بيقول انه مفيهوش غلطه ، انا مكنتش اعرف المعلومات ديه كلها لاني اصلا معرفش فرنساوي (اعتقاد) .. المهم الجلسه خلصت وانبسط على كده ومسمعتش عنه تاني من ساعتها ويمكن الموضوع ده بقاله سنه ونص تقريبا . لحد ما جاتلي الرسالة الموجودة في البوست ده .. انبهرت جدا بالموضوع بالذات اني كنت لسه بجرب تأثيره بعد ما كنت نسيت القصه ديه اصلا ..

وده خلاني اتحمس جدا اني ابدا ادور اكتر واكتر واتعلم اللغه بشكل افضل ، يوم عن يوم بكتشف ان عقلك فيه اسرار عجيبه اكبر بكتير من اللي ممكن تقرا عنه في موسوعات ، فيه امكانيات حتى ملمسناش بدايتها .. واللي بيمنعنا اننا نفهمها او نحس بيها هو التفكير المسمى ب”الواقعي” واللي هو في اصله ما هو الا اعتقادات معيقه بتوقفنا اكتر واكتر تحت عنوان الواقعيه او المنطقيه او التخطيط والتفكير السليم ..

للاسف البوست طول مني ، بس كنت عايز اتكلم عن ريتشارد باندلر وقصته مع حاجه شبيهة لكده مع فريتز برلز وفرجينيا ساتير ، اعتبرني قولتها بقى 😀

علشان كده دايما بفكر ان التنويم الايحائي هو مغامره جديدة ، انا نفسي بتفاجئ ، عمري ما دخلت في التنويم من منطلق ان 1 + 1 = 2 ، لانك عمرك ما هتقدر تتوقع النتيجة !

ويومكم أجمل من يومي
نهاد رجب




Source

مقالات مرتبطة

مقياس تغيرك بيبان في تعاملك مع الماضي . المواقف ال...
views 370
مقياس تغيرك بيبان في تعاملك مع الماضي . المواقف اللي بتحطك فيها الصدفة وإحساسك بالتغيير تجاهه هي اللي بيثبتلك فعلا درجة تحررك . اشتغل على نفسك وحب و...
تم انشاء جروب خاص يجمع جميع ممارسين التنويم الإيحا...
views 116
تم انشاء جروب خاص يجمع جميع ممارسين التنويم الإيحائي باعتماد مؤسسة المايندكير الحاصلين على التدريب معي - نهاد رجب - وفكرة الجروب هي جمعنا في مكان واحد...
الواحد عايز يقعد في دايرة وحواليه ناس حافظين أدعيه...
views 63
الواحد عايز يقعد في دايرة وحواليه ناس حافظين أدعيه وبيدعوله من قلبهم لِيه بصوت عالي وهو ساكت ومغمض عينه ومسترخي وبيردد آمين Source...
بسأله عن ربنا في شغله .. ابتسم وقالي تعرف ان الر...
views 29
بسأله عن ربنا في شغله .. ابتسم وقالي تعرف ان الراجل خلال العلاقة الزوجية بيقذف في الطبيعي 5 ملي حيوانات منويه كل ملي منهم فيه حوالي 20 مليون حيوان ...
انت تجذب ما يمثلك وليس ماتريد...
views 8153
  انك تبقى متجلي ، او بمعنى تاني انك تحقق كل اللى انت عايزه في الدنيا بأوامرك وبتفكيرك ، مش معناه انك بتجذب اللى انت عايزه .. انت بتجذب ما انت...
عاجبني اني اصحى وفيه حاجه شغلاني حبيت الارق اللي ...
views 27
عاجبني اني اصحى وفيه حاجه شغلاني حبيت الارق اللي بيخليني اتقلب وافكر في انجاز اللي ورايا عجبني القلق والتوتر وانا بجرب وبتأكد ان هدفي شغال بشكل سليم...
تعلم تغيير الماضي بسهولة | الأمر سهل – تعلم ...
views 10267
هل يمكنك أن تغير الماضي ؟ للاستماع الى المقالة صوتيا :  https://www.youtube.com/watch?v=kY9PpDiCfZg   قبل أن أجيب على هذا السؤال دعن...
الغراب .. معلم البشرية
views 1123
    الغراب  الغراب هو المعلم الأول للبشرية ، من صغري وانا بستغرب مش ان غراب قدر انه يوصل رسالة لإنسان .. انا اللى شغلني اكتر هو ان ربنا...
الحياة علمتني اني مسمعش من حد كل شوية يخطب ويزعق ف...
views 97
الحياة علمتني اني مسمعش من حد كل شوية يخطب ويزعق في الناس علشان يتبعوا الأخلاق القويمة كثير المقارنة بين نفسه والاخرين بشمام باشر او ضمني، ينزه نفسه ع...
جميلة جدا قرب الموبايل لطرف انفك وأبعده ببطئ وهت...
views 6378
جميلة جدا قرب الموبايل لطرف انفك وأبعده ببطئ وهتشوف زرافة 3D 🙂 ماترمش ؛) Source