خواطر وأخبار نهاد رجب

التنويم الإيحائي هو Heightened state of awareness يعني ايه ؟ تخيل ! يعني حال… | نهاد رجب


التنويم الإيحائي هو Heightened state of awareness

يعني ايه ؟

تخيل ! يعني حاله عاليه جدا من الادراك !
ايه ده ! يعني مفيش نوم!
لا ! خليني اقولك ان حقيقه التنويم هو حاله عاليه جدا من الوعي ، بتكون مغمض عينك و بتكون في حاله ، الحاله ديه ملهاش اي علاقه بالنوم ..

وخليني اقولكم على حاجه .. لو حصل جوا جلسه التنويم transition او تحول بين التنويم للنوم ، ساعتها الشخص في البدايه مكنش في تنويم ! عارفين ليه ؟

لانك لو في تنويم ، مش هتعرف اصلا تنام !

ناس كتير بتبعتلي بتقولي انها نامت في الجلسه ! لا والاغرب ان بعض الناس لو نام يعتبر ان الجلسه نجحت .. وهنا خليني اقولكم حاجه بسيطه كلنا ممكن نفهمها ، لو حصل انك سمعت جلسه تنويم و (نمت) في النص ورجعت في نهايه الجلسه ، يبقى اللي حصلك حقيقته مش (نوم) ولكنه ظاهره طبيعيه اسمها (Amnesia) او نسيان مؤقت .. حاجه عامله زي ان وعيك يفصل للحظات او تسرح بعمق وفجأه ترجع تسمع صوت ممارس التنويم الإيحائي . .

عارفين الاسم اللي طلع بيه جيمس برايد من ملاحظته لمسمر وفرانكلين ايه ؟
Monoideaism !

يعني بالعربي “التركيز على فكرة واحدة” التركيز !! مش النوم !

جلسه التنويم الإيحائي بتكون اصلا علاقه تفاعليه ما بين كلام ممارس التنويم وما بين المستفيد ، فيها المستفيد بيركز في الاقتراحات وبيردد وبيتخيل وبيغير وبيطبق الاقتراحات وبيدي اشارات وبيرد بالصوت في بعض الاوقات ..

والاغرب من كل ده انك تلاقي حد بيقولك “هو التنويم بالايحاء بينيم؟” لا بالعكس التنويم الايحائي بيخليك تصحى في حاله ادراك اعلى من ادراكك الحالي ، بيخليك تشوف الاحتمالات اللي انت في العادي مش شايفها بسهوله ، بيخليك تشوف حلول ، بيخليك تشوف الواقع بطريقه مختلفه وبيخليك تقدر تعيد رسمه من اول وجديد .

طب لو نمت ؟
Amnesia
لو الجلسه خلصت وانت كملت نوم .. تبقى نمت .. لكن لو رجعت مع العد او قبل الاسترجاع تبقى كنت في حاله “نسيان مؤقت” وزي ما قولت ديه ظاهره طبيعيه جدا من ظواهر التنويم وبرضه التركيز فيها بيكون عالي جدا بس بمستويات مختلفه من الوعي .

اتمنى المقاله ديه ترد على بعض المفاهيم الخاطئه جدا جدا عن التنويم .. ببساطه جدا .. التنويم مفيهوش نوم 🙂

ويومكم اجمل من يومي

نهاد رجب


Source

مقالات مرتبطة

دعواتي الخالصه لأهالي ضحايا الطائره المصريه المنكو...
views 203
دعواتي الخالصه لأهالي ضحايا الطائره المصريه المنكوبه القادمه من فرنسا الى القاهرة ، وأسأل الله جل وعلا أن يثبت ذوييهم ويغفر لهم ويطمئن قلوب الجميع . ...
قد تبدو الأشياء لك كما تريد أن تراها وقد تكون كذل...
views 155
قد تبدو الأشياء لك كما تريد أن تراها وقد تكون كذلك وفي نفس الوقت قد تكون غير ذلك انه وعيك يا صديقي صبرك جزء من الوعي فإذا صبرت بوعي على ما تريد ....
الاعتذار للاخرين غير واجب .. الا اذا … من ...
views 77
الاعتذار للاخرين غير واجب .. الا اذا ... من فترة درست تقنيه جديدة كانت عن التحكم واسمها "منطقة القوة" ، الجميل في التقنيه انها كشفتلي نمط سلوكي كنت ...
قصيدة ابويا واحشني جدا !
views 2472
  حلوة أوي انا ابويا واحشني جداً محتاج رأيه ف حاجات أهمل ف سؤاله عني وماجاش من يوم مامات نضارته وساعته لسه ع الرف مكان ماسابهم وهدومه...
كل عام وأنتم بخير وفي صحة وحب وسعادة نهاد رجب | ...
views 200
كل عام وأنتم بخير وفي صحة وحب وسعادة نهاد رجب Source
في طريقي لشبكة قنوات اوربت وبرنامج “القاهرة ...
views 186
في طريقي لشبكة قنوات اوربت وبرنامج "القاهرة اليوم" للتحدث عن "التنويم الايحائي" في حلقة خاصة جدا انتظروني 🙂 نهاد رجب Source...
And When there is an opportunity .. i do not hit !...
views 60
And When there is an opportunity .. i do not hit ! It hits all by itself #bruce_lee Source
انت مش مسئول عن العالم الخارجي ، انت مسئول عن نفسك...
views 84
انت مش مسئول عن العالم الخارجي ، انت مسئول عن نفسك اللي بتفسر العالم الخارجي بأفكار تسببلك مشاعر تأثر عليك انت شخصيا . توقف عن محاولتك لتغيير العالم ...
اعزائي اخيراً ع بداية الطريق للانستجرام اراكم ...
views 288
اعزائي اخيراً ع بداية الطريق للانستجرام اراكم ع خير nihadragab Source
مفيش مغرور اكتر من اللي بيقولك خليك واقعي وكانه عا...
views 81
مفيش مغرور اكتر من اللي بيقولك خليك واقعي وكانه عارف كل حاجه عن الحياه مفيش كذاب اكتر من اللي يقولك مفيش أمل مفيش منافق اكتر من اللي يسمع هدفك ويت...

1 Comment