خواطر وأخبار نهاد رجب

من آعظم المعالجين اللي شوفتهم في حياتي ، دكتور اسمه علاء مرسي .. حظي كان حلو ا… | نهاد رجب


من آعظم المعالجين اللي شوفتهم في حياتي ، دكتور اسمه علاء مرسي ..

حظي كان حلو اني حضرت معاه ، في سنه من السنين ، التنويم الإيحائي منهج البورد الامريكي .

الراجل ده من الناس اللي ممكن يحلوا مشكلتك وهو بيشرب كوبايه النسكافيه بتاعته

في يوم من ايام الدوره التدريبيه ، بدأت متدربه متزوجه تقوله ان ابنها توفى ، وانها مش قادره تنسى الموقف ده .. ازاي تقدر تنساه بالتنويم الإيحائي

كان واضح عليها جدا انها متأثره وبتعيط وصوتها كان مهزوز

الراجل بمنتهى البساطه مسك كوبايه النسكافيه وسألها اكتر من سؤال

فاكر بعض الاسئله وناسي الباقيين ، وفي خلال لحظات كانت صاحبه السؤال بتضحك ومبسوطه

ده كان بالنسبه لي تقريبا تاني كورس تنويم إيحائي احضره ، بس في اللحظه ديه فكرت ان فيه حاجه ابعد من التنويم ، حاجه تانيه كانت مهم جدا تواجدها مع جلسات التنويم الإيحائي اللي بعملها ، حاولت اقلده كتير بس كنت كل مره مبوصلش لنفس النتيجه اللي هو وصلها وهو بيشرب كوبايه النسكافيه

لدرجه اني في مره من سنين جربت اعمل زيه وانا بشرب كوبايه النسكافيه 😀

ولما تعبت قولت يمكن بسبب انه خبير ودكتور نفسي واكثر علما ، بس كبرت اكتر واكتر وبرضه مفهمتش ايه بالظبط اللي هو عمله !

كنت بتكعبل من وقت للتاني في مجال اسمه لايف كوتشنج .. وهو عباره عن محادثه مبنيه على نوع محدد من الاسئله اللي ليها تأثير عجيب في دماغ المتلقي .. هي بتغير حالته ، بتخليه يستكشف افكاره والماتركس الخاص للحالات بتاعته ، ويفهم القيم والمبادئ بتاعته .. بس برضه مدخلتش في دماغي لاني كنت مركز اكتر على نوع محدد من التنويم الإيحائي

سافرت امريكا ، ولاحظت حاجه عجيبة جدا .. لاحظت اني بدرس تقنيات التنويم مدمج فيها اسأله وطريقه جديده معرفتهاش في كل كورسات التنويم الإيحائي اللي درستها قبل كده ..

بدات افهم ان مدرسه ال HAA بتدمج ما بين الكوتشنج والتنويم وبينتج عن ده بروتوكولات سحريه اكاد ان اجزم ان ليها تأثير السحر .. من ضمنها كتابه النصوص وبروتوكول الحكيم بالداخل وغيرها من البروتوكولات اللي بتعتمد على الكوتشنج والتنويم الإيحائي ..

يوم عن يوم كان بيزيد اهتمامي بالمجال والدمج ، بسأل متخصصين ، عايز افهم اكتر ، مش عايز اكون مجرد عابر سبيل على الكوتشنج ، انا عايز ادمجه اكتر ..

لحد في يوم كنت في مركز لايف ان بالانس ، بعمل جلسه تنويم ايحائي ، وكانت عميله طالبه جلسه ، وقاعد معاها وعرفت ان مشكلتها انها شافت منظر ما ، عقلها سجله كصدمه وكانت مستحيل تنساه او تتخلص من اعراضه الجانبيه .. فقولت اجرب .. طلبت من سيف (احد الموظفين بالمركز) اني محتاج نسكافيه ، وجابهولي ، لبست طاقيه دكتور علاء مرسي ، والمره ديه مستخدمتش علم او سنين خبره ، انا استخدمت اسئله اي حد ممكن يستخدمها حتى لو بقاله يومين في المجال . وفي لحظه واحده حصلت المعجزه ! ضاعفت التأثير بالتنويم الايحائي وحلينا الصدمه بتقنيه من تقنيات التنويم وكنت في قمه سعادتي

الدنيا كان رتمها سريع ، وانا رتمي اسرع من الدنيا ، مبحبش افكر او اخطط ، حبيت اني اضيف التكنيك ده بشكل متخصص جوا التنويم الإيحائي واتعلمه بشكل منفصل مش بس جزء من جلسه التنويم الإيحائي والعلاج .

سألت كل الناس ايه اقصر الطرق للتعلم ، واكتشفت ان اقصر الطرق للتعلم يكمن في نفس مضمون اللايف كوتشنج الا وهو الاسئله برضه ، لو بتعرف تسأل اسئله كويسه ، هتعرف اكبر المعلومات في وقت اقل .. وفي ثواني سجلت في كورس من كورسات العظيمه لبنى الشريف وبدات حكايتي معاه .

افكار كتير اوي ، تقنيات حلوه جدا ، معرفه جديده تم دمجها بفهم لكورس التنويم الايحائي ، اللي هفضل ادربه طول حياتي واطور فيه ، يمكن مش هدرب الكوتشنج لان استخدامه محصور في سياقات محدده ، لكن على الاقل هدربك على تقنيه النسكافيه .. وهتفرق معاك 🙂

اقرب كورس ليا في اغسطس الجاي ، هيكون غير عادي ، متحمس جدا لكل الناس اللي هنقلها المعرفه والتطبيقات بكل شغف وبحب ، متعرفش كام كوبايه نسكافيه ممكن تنقذ حياتك وحياه ناس غيرك ..

ويومكم اجمل من يومي
نهاد رجب


Source

مقالات مرتبطة

مش هتكسف منكم لما اقولكم ان الطلعة الواحدة لامريكا...
views 228
مش هتكسف منكم لما اقولكم ان الطلعة الواحدة لامريكا شاملة الإقامة والكورس التدريبي بتعمل حوالي ١٥٠ الف جنيه ومش هتكسف اني اقول ان تكملة الكورس (٣ طلع...
انا بحب الشاطر وبحترمه وبتعلم منه بالذات لو بيع...
views 133
انا بحب الشاطر وبحترمه وبتعلم منه بالذات لو بيعمل الخير واللي بيعرف يستخدم التقنيات صح ويحترم عقول الناس ويتعب على إعلانه ، هكون في اول صف في المدا...
لا اله الا الله
views 1020
  لا اله الا الله والله لما اشوف ايات الله في الارض بحس بشعور داخلي جميل ان الله عز وجل اختارني واختاركم علشان نشهد خلقه واخلفنا في ارضه . ف...
6 أسرار علمية لزيادة التركيز والاستيعاب عشر مرات ا...
views 84
6 أسرار علمية لزيادة التركيز والاستيعاب عشر مرات اكثر ل #نهادـرجب انضم للصفحة وادعوا اصدقائك للاستفادة. الصفحة الرسمية للمدرب والمعالج نهاد رجب http...
أوعى تستهين بطموح شخص جاهل | نهاد رجب...
views 167
أوعى تستهين بطموح شخص جاهل Source
في النهاية هتكتشف ان كل صح كان غلط وكل غلط كان صح ...
views 788
في النهاية هتكتشف ان كل صح كان غلط وكل غلط كان صح واختياراتك ولو كانت غلط هييجي عليها يوم وتكتشف انها صح واختياراتك ولو كانت صح هييجي عليها يوم وتغل...
هل تعلم أن التنفس السليم يعادل 90% من دورات التنمي...
views 1665
هل تعلم أن التنفس السليم يعادل 90% من دورات التنمية البشرية ؟! Source
لخلوف فم الصائم أطيب عند الله من رائحة المسك الل...
views 84
لخلوف فم الصائم أطيب عند الله من رائحة المسك الله يشم ؟ هل الحديث ده معناه ان ريحة فم الصائم لازم هتكون سيئة بسبب صومه ؟ هل ده معناه اننا منستخد...
الان يمكنك تعلم التنويم بالإيحاء بأقوى منهج معتمد ...
views 205
الان يمكنك تعلم التنويم بالإيحاء بأقوى منهج معتمد في الشرق الأوسط ايام الخميس والجمعة والسبت من كل اسبوع بشهر نوفمبر القادم ولمدة 3 اسابيع 45 ساعة...
لو انت كنت حضرت معايا المستوى الاول بلوم التنويم ب...
views 378
لو انت كنت حضرت معايا المستوى الاول بلوم التنويم بالايحاء يبقى دا وقت المستوى التانى اسمع الفيديو دا وبعدها سيب رقمك فى الاستمارة دى ... http://goo.g...

1 Comment