خواطر وأخبار نهاد رجب

امبارح حصل موقف وانا سايق خلاني اتضايق كنت سايق وواقف في الاشاره والعربيات الل… | نهاد رجب


امبارح حصل موقف وانا سايق خلاني اتضايق

كنت سايق وواقف في الاشاره والعربيات اللي ورايا بتكلكس علشان امشي واكسر الاشاره لان كده كده محدش معدي ..

انا قفشت ووقفت وقفلت الازاز واستنيت الاشاره تفتح

هوب لاقيت امين الشرطة بيشاورلي علشان امشي والاشاره حمرا !

خدت بعضي من سكات وطلعت وقولت في سري اني غلطان علشان بتبع القوانين .. بس اتضايقت جدا من الموقف

لحد ما بدات ادخل في سيناريو عقلي وحسيت ان الاحساس اللي راودني ساعتها بيزيد وبيتضاعف .. فقررت اسأل نفسي عنه ودار الحوار الاتي :

– انا زعلان من ايه ؟
– انا زعلان علشان كنت بحاول التزم وطلعت انا اللي غلطان
– ازاي طلعت انك غلطان ؟
– امين الشرطه شاورلي اعدي وانا اللي كنت موقف الناس
– بس في خلال ما انت كنت واقف مكانك ، كنت بتفكر في ايه ؟
– اني ملتزم بالقوانين
– التزامك بالقوانين ده صح ولا غلط ؟
– لا هو صح ، بس يمكن مكنش ده وقته او انا بالغت فيه
– واللي وراك كانوا عايزين يكسروه علشان ايه ؟
– علشان يعدوا
– وده صح ولا غلط ؟
– ده غلط
– طيب انت زعلان من ايه ؟
– زعلان علشان اااا .. ااااه … يعني شكلي طلع وحش او غبي
– قدام مين ؟
– قدام الناس ، صحيح معرفهمش بس يمكن فكروا كده ناحيتي
– وهما صح ولا غلط ..
– هما غلطانين
– لو افترضنا انك سمحت لشعور الغباء انه يدخل جواك ، هتواجه الموقف ازاي ؟
– مممم مش عارف
– تخيل ، انك سمحت لشعور الغباء انه يدخل جواك بآمان واستقبال ، كنت هتحس بإيه في الموقف ده ؟
– مش عارف كنت هضحك
– وده هيخليك تعمل ايه المره الجايه ؟
– اني اخد بالي من اني اتاكد ان الموقف يستدعي اني اكون مرن
– طيب تخيل انك بتسمح لشعور الغباء انه يكون جزء منك للحظات ، ده معناه ايه ؟
– محدش كامل ، كلنا بنتغابى من وقت للتاني
– وده هيخليك تحس بإيه في المستقبل
– اها .. حلوة ديه
– كنت متضايق من ايه ؟
– مش فاكر والله انا اتضايقت ليه اصلا 😀

—-

المشاعر هي لاوعي بينتج لو الموقف اللي انا بواجهه عارض مرحله عصبيه من قيم او افكار او اعتقادات عندي ، وبالتالي بينتج مشاعر حزن ، ضيق ، الخ ، الحل الوحيد للتعامل مع المشاعر وتحجيمها والتحكم فيها هو انك تبدأ تنقلها من سياق اللاوعي للوعي ، وده بيحصل بقوه من خلال تحميل نفسك بالاسئلة .. ساعتها بتبدا المشاعر تفقد تأثيرها وبتوصل لمرحله “ايه ده ! انا كنت متضيق ليه اصلا؟! ”

من وقت للتاني دور على المعنى ورا شعورك ، واسمح لنفسك انه يدخل جواك ، وافتكر ان محدش كامل طول الوقت ، هترتاح واي موقف مهما كان هيعدي من غير ما تفكر .

ويومكم أجمل من يومي


Source

مقالات مرتبطة

اليوم اللي يعدي من غير ما تقول “اخيرا خلصت&#...
views 323
اليوم اللي يعدي من غير ما تقول "اخيرا خلصت" ميتحسبش انجزت ايه النهاردة ؟؟ Source
إسمي … أحمد من فترة شوفته في المنام كان ا...
views 124
إسمي ... أحمد من فترة شوفته في المنام كان اتولد ، بسأله انت اسمك ايه ؟ لاقيته نطق وقالي بصوت متقطع "أنا اسمي أحمد" .. كنا انا وغادة قبل الحلم عما...
والغد ان شاء الله بداية اول يوم بكورس دبلوم التنوي...
views 76
والغد ان شاء الله بداية اول يوم بكورس دبلوم التنويم الايحائي بالمملكة الأردنية الهاشمية مع مركز البدر والذبذبات الكونية و Cosmic Academy مبسوط جدا لو...
تقوية النظر | جلسة تنويم إيحائي وتوكيدات لتقوية ال...
views 262
تقوية النظر | جلسة تنويم إيحائي وتوكيدات لتقوية النظر وتحسينه | نهاد رجب انضم للصفحة وادعوا اصدقائك للاستفادة. الصفحة الرسمية للمدرب والمعالج نهاد رجب...
أقوى تقنية علاجية لتحسين الحالة النفسية مش هتصدق ا...
views 264
أقوى تقنية علاجية لتحسين الحالة النفسية مش هتصدق اللى هتحس بيه انضم للصفحة وادعوا اصدقائك للاستفادة. الصفحة الرسمية للمدرب والمعالج نهاد رجب https://w...
أيه المنتج او الخدمة او الحاجة اللي مستعد دلوقتي ح...
views 82
أيه المنتج او الخدمة او الحاجة اللي مستعد دلوقتي حالا تدفع ١٠٠٠ جنيه او تستلفهم علشان تحصل عليها ؟ حتى لو كانت أغلى او أرخص من ١٠٠٠ جنيه Source...
اضحك وابتسم الدنيا ديه عبيطة فيه حد يحط دماغه بد...
views 874
اضحك وابتسم الدنيا ديه عبيطة فيه حد يحط دماغه بدماغ دنيا عبيطة ؟ يا اخي كبر مخك Source...
two days ago , i had a brief talk at Vision academ...
views 281
two days ago , i had a brief talk at Vision academy , in a meeting conducted by Mohamed Zakaria , in the presence of Dr.Gehad Ibrahim and Mr. Ibrahim ...
لكل واحد وواحدة شايفين اللى حواليهم خدوا نصيبهم وه...
views 1082
لكل واحد وواحدة شايفين اللى حواليهم خدوا نصيبهم وهما لسة مستنين... اتعلموا من الاطفال واعرفوا ان اللى بياخد نصيبه في الآخر بيحس بطعم الحاجة وكل العيون...
San Francisco is the Most Photographed City in Nor...
views 256
Flexitarian swag chia food truck stumptown lomo, master cleanse deep v pickled actually. Organic gluten-free High Life, lo-fi squid butcher seitan. St...