خواطر وأخبار نهاد رجب

بقرأ آيات الصيام استوقفني أمر عجيب .. في وسط آيات الصيام في سورة البقرة جات آيه … | نهاد رجب


بقرأ آيات الصيام استوقفني أمر عجيب .. في وسط آيات الصيام في سورة البقرة جات آيه ليها دلاله مبنيه على خاطرة

قال رب العزة : “وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونَ”

في البداية ربنا عز وجل بيخاطب سيدنا محمد صلى الله عليه وسلم ، وإذا سألك عبادي عني فإني قريب .. ربنا عز وجل مقالش “فقل لهم إني قريب” مع ان في آيات تانيه ربنا عز وجل بيقول فيها “فقل” ولكن في الدعوة بالتحديد ، ربنا عز وجل هو اللي جاوب بذاته وقال “فإني قريب” وكإن الله عز وجل بيفهمنا ان الدعوة ليس لها وسيط حتى لو كان النبي صلى الله عليه وسلم .

“أجيب دعوة الداع إذا دعان”

يعني ايه اجيب دعوة الداع إذا دعان ؟ يعني واحد بيدعي ربنا ليه ربنا يقول “إذا دعان” !

اكتشفت ان فيه ايات كتير في القرآن الكريم ، ربنا بيعلمنا من خلالها الدعاء السليم ، دعاء مفيهوش شرك او اضافات ، دعاء ليه قوانين ، دعاء ليه روح

وكان من ضمن الادعيه :

قَالاَ رَبَّنَا ظَلَمْنَا أَنفُسَنَا وَإِن لَّمْ تَغْفِرْ لَنَا وَتَرْحَمْنَا لَنَكُونَنَّ مِنَ الْخَاسِرِينَ

قَالَ رَبِّ إِنِّي أَعُوذُ بِكَ أَنْ أَسْأَلَكَ مَا لَيْسَ لِي بِهِ عِلْمٌ وَإِلاَّ تَغْفِرْ لِي وَتَرْحَمْنِي أَكُن مِّنَ الْخَاسِرِينَ

قَالَ رَبِّ إِنَّ قَوْمِي كَذَّبُونِ* فَافْتَحْ بَيْنِي وَبَيْنَهُمْ فَتْحاً وَنَجِّنِي وَمَن مَّعِي مِنَ الْمُؤْمِنِين

رَبِّ هَبْ لِي مِنَ الصَّالِحِين

قَالَ رَبِّ السِّجْنُ أَحَبُّ إِلَيَّ مِمَّا يَدْعُونَنِي إِلَيْهِ وَإِلاَّ تَصْرِفْ عَنِّي كَيْدَهُنَّ أَصْبُ إِلَيْهِنَّ وَأَكُن مِّنَ الْجَاهِلِينَ

وطبعا الآيات كتير ولكن هل لاحظت أن الادعيه فيها نمط متكرر ؟

النمط ده هو نمط الخوف من شر هيحصل لو ربنا متدخلش حالا واستجاب

ومن زمان كنت لما بدعي بحاول ادمج السبب والنتيجة في الدعاء ، على ان السبب هو شر وان النتيجة هتكون خير ليا وللعالم .

النمط التاني المتكرر هو وضوح الدعوة .. ايه هي بالظبط ، انا عايز ايه من الآخر وبشكل مباشر من غير كلام كتير .

فالقاعدة هنا هو :

الهدف او النتيجة المطلوبه + الخوف (انا خايف من ايه) + الثناء على الله عز وجل

ولإن “فإني قريب” هتلاقي ان اغلب الايات او كلها الدعاء فيها “ربي” او “ربنا” ، مش “يارب” او “يا ربنا” وكأن الياء بتدي ايحاء ان الله ليس بقريب

كإنك بتقول “ربي هب لي رزقا كثيرا إني أخاف أن نجوع آو أن نهلك وأنت الرزاق الكريم”

طيب ليه بعد ما ندعي ربنا ، ربنا بيقول “فليستجيبوا لي” ! ازاي ندعي ربنا واحنا نستجيب ؟

في اللحظة اللي هتدعي فيها ربنا عز وجل ، من وجهة نظري ان ربنا عز وجل هيظهر قدام عينك اشارات هترشدك للنتيجة المطلوبة ، وربنا عز وجل قال “فليستجيبوا” مقالش “وليستجيبوا” ، حرف الفاء قد يدل على سرعه الاستجابه واما ما بعد الاستجابه فهو مسئولية الداع . او بمعنى تاني قدرته على فهم الاشارات الربانية واتباعها ساعتها بس هيحصل باقي الآيه “لعلهم يرشدون”

والخاطرة الأخيرة : ايه دلاله وجود الآيه ديه بالتحديد في وسط آيات الصيام ؟

الصيام هو درجه من درجات الايمان ، وهو العمل اللي بيكون بينك وبين ربك ، الصيام بينقي الجسم وبينضفه ، ولما ده بيحصل بيرتقي الانسان مهما كان وبيكون أكثر صله للروحانيات والنور والله عز وجل . في لحظات الروحانيات ديه بتكون دعوة الصائم أكثر نقاء .

علشان كده سيدنا محمد صلى الله عليه وسلم قال

“للصائم دعوة لا ترد”

رمضانكم كريم وجميل كالعاده واعاده الله عليكم بالخير والحب والسلام

وكل سنة وانتم طيبين

نهاد رجب


Source

مقالات مرتبطة

– انا ابني على طول كسلان ومش بيعمل حاجة بنفس...
views 246
- انا ابني على طول كسلان ومش بيعمل حاجة بنفسه - زي ايه ؟ - زي الأكل مثلا - بيحصل ايه لما مبيقومش يحط الاكل لنفسه ؟ - بحطله أنا الأكل - طب وزي ايه ...
ماذا لو تركنا البحث عن السبب...
views 2223
    ماذا لو تركنا البحث عن السبب وغرقنا في الاستمتاع بما نعيشه مايفيدك لو علمت ماذا يفعل الساحر كي يبهرك اذا كان الانبهار هو ماتري...
النهاردة اليوم التاني لكورس ممارس التنويم الذاتي ....
views 17
النهاردة اليوم التاني لكورس ممارس التنويم الذاتي .. مجهز مفاجآت وحركات للحلوين ومستعد بشغف . انتظروا دفعه جديدة من ممارسين التنويم الإيحائي الجدد S...
أعزائي متابعين الصفحة الكرام قريبا سيتم عرض فيدي...
views 217
أعزائي متابعين الصفحة الكرام قريبا سيتم عرض فيديو خاص لدكتور محمد خطاب أستاذ علم النفس بجامعة عين شمس الفيديو من ضمن فعاليات كورس ممارس التنويم بال...
للسلام بنحتاج نحارب وعلشان الحياة تستمر بنحتاج نم...
views 209
للسلام بنحتاج نحارب وعلشان الحياة تستمر بنحتاج نموت وعلشان الجمال بنحتاج نقص أوراق الشجر وعلشان تنجح لازم تفشل وعلشان تقوم لازم تقع المنطق بيكمل...
ده مش نص اكتئابي ده كلام لو فعلا فهمته … هت...
views 2392
بستغرب الناس اللى متمسكة بالدنيا بتخاف اوي من الموت نسيوا انهم كانوا خايفين من الحياة ومتمسكين بالعدم في يوم من الايام ونسيوا ان الموت هو...
فطرة الإنسان – الجنة #نهاد_رجب...
views 4129
مشكلة الإنسان انه عايز يعيش منفصل عن المشاكل والأخطاء والسلبية هو بشكل فطري بيدور على الجنة من غير ميعرف هيا إيه هو عايز يوصلها   الجنه والجحي...
السهرة النهاردة مع إسأل نهاد .. استعدوا خلال دقايق...
views 50
السهرة النهاردة مع إسأل نهاد .. استعدوا خلال دقايق .. 🙂 Source
ممارسي التنويم الايحائي دفعة اغسطس 2016 ابحثوا عن...
views 259
ممارسي التنويم الايحائي دفعة اغسطس 2016 ابحثوا عن معنى ال Reactance وعلاقتها بالتنويم الإيحائي أسباب ال Resistance تدربوا تدربوا تدربوا احفظوا الت...