خواطر وأخبار نهاد رجب

– كل الرجالة غدارين – ايه اللي حصل ؟ – كل ما ارتبط بحد لازم يختفي فجأه بدون مق… | نهاد رجب


– كل الرجالة غدارين
– ايه اللي حصل ؟
– كل ما ارتبط بحد لازم يختفي فجأه بدون مقدمات
– ايه النمط اللي بتعمليه كل ما ترتبطي ؟
– يعني ايه ؟
– يعني بتتعاملي معاه ازاي ؟
– انا بديله كل اهتمامي ، بنعزل عن العالم علشان ابقى معاه ، بسمع كلامه ، بعمل كل حاجه هو طلبها او مطلبهاش ، مبغلطش في حقه ، علشان تعرف بس اني مش غلطانه في حاجه
– مممم
– ايه ؟
– طيب وبتقوليله ايه ؟
– بقوله اني اتخلقت علشانه ، يانهاد حرفيا بلغي نفسي علشانه . انا بديله اهتمام مفيش واحدة ممكن تقدر تديه لحبيبها
– بتشجعيه ؟
– طبعا ! بقوله انه حياتي كلها وانه سندي وبعتمد عليه في كل حاجة
– اها
– كل مرة بيحصل كده ؟
– ايوه ماعدا اخر مرة .. خوفت اديله مشاعري كلها ، وطلع في الاخر برضه زيهم ، سابني
– عملتيله ايه ؟
– ولا اي حاجة ، انا تقلت عليه ، مكنتش بديله اهتمام ، كنت ساعات بقوله كلام جارح ولما وافقت وقربت منه كان هرب هو كمان

ديه شبه محادثة بتتكرر بنفس الكلام او في مواضيع تانية ، فيها الناس بيبدأوا يرموا اللوم على الناس ، ومن خلال اسئلتك بتكتشف انهم هم السبب في تصرفات وردود افعال الناس معاهم !

في قصة البنت ديه ، كانت بتعمل الاخطاء التلاته مع الراجل ، تحميله بالمسئولية – الاهتمام الزائد – والغاء الشخصية . هي كانت بتعمل كده بنيه حسنه ولما اكتشفت ان كلهم هربوا وخرجوا برة حياتهم اتخلق عندها اعتقاد ان كلهم زي بعض ، وساعتها خلقت سد علي قلبها علشان متتجرحش تاني وهنا عملت تصرفات مع واحد كان ممكن يكون حقيقي ووجهته انه يهرب هو كمان من خلال تصرفاتها اللي مكنتش واخده بالها منها .

القصة ديه مكرره كتير جدا ، يمكن نموذج النتيجة بيوضح ازاي احنا بنخلق النتيجة وبنوجه الناس بشكل لاواعي وان الناس ماهم الا ردود افعال لتصرفاتنا معاهم ، وفي النهايه بنكتشف (نظام الافلام الانجليزي) ان القاتل هيطلع في النهايه اقرب الناس اللي مكناش شاكين فيه !

انت السبب ، او على الاقل جزء من السبب ، راقب تصرفاتك لان يمكن نفس الانماط السلوكية اللي بتمارسها بدافع الحب يمكن تكون هي هي سبب كل المشاكل اللي بتحصلك . كل ده في النهايه بيخلق عندك اعتقادات بتنتهي بينا اننا ننفذها دون وعي او شعور

ولا ايه ؟

ويومكم اجمل من يومي
نهاد رجب


Source

مقالات مرتبطة

ساعه وهبدأ ان شاء الله تعلم كورس انجليزي متقدم مع ...
views 101
ساعه وهبدأ ان شاء الله تعلم كورس انجليزي متقدم مع نورين بدر ، مترجمة ومدربة والمترجم الرسمي لضيوفي المدربين الأجانب في كورس ممارس التنويم الايحائي ه...
انت عارف ان كل حاجة حلوة في حياتك ممكن تكون بسبب د...
views 60
انت عارف ان كل حاجة حلوة في حياتك ممكن تكون بسبب دعوة واحد ؟ انت متخيل ان قراراتك اللي بتاخدها ممكن تكون بسبب ان حد دعى ربنا علشانك وعلشان ربنا هو ا...
مقياس تغيرك بيبان في تعاملك مع الماضي . المواقف ال...
views 363
مقياس تغيرك بيبان في تعاملك مع الماضي . المواقف اللي بتحطك فيها الصدفة وإحساسك بالتغيير تجاهه هي اللي بيثبتلك فعلا درجة تحررك . اشتغل على نفسك وحب و...
التجهيز لأكبر دفعة لممارسي التنويم الإيحائي في الش...
views 66
التجهيز لأكبر دفعة لممارسي التنويم الإيحائي في الشرق الأوسط ! تقام في مصر .. أغسطس 2017 شكرا للملهمين من جميع انحاء العالم ! Source...
النهارده صحيت فتحت عيني واول حاجه شوفتها قصادي ك...
views 94
النهارده صحيت فتحت عيني واول حاجه شوفتها قصادي كان برج الخليفه .. ابتسمت وفكرت في كل حاجه مريت بيها زمان علشان اشوف المنظر ده قدامي بالجمال ده .. ...
بعض الناس ممكن يغلط ولما تيجي تعابته تلاقيه بيقولك...
views 61
بعض الناس ممكن يغلط ولما تيجي تعابته تلاقيه بيقولك وهو متنرفز... "يعني عايزني اعمل ايه يعني" اوعى تقوله اقتراحات .. ده فخ اوعى تقع فيه اي حاجه هتق...
حاجة في منتهى الروعة هيفوتكم كتير لازم تسمعوها ...
views 1461
حاجة في منتهى الروعة هيفوتكم كتير لازم تسمعوها الفنان أحمد هيكل !قطر لعبة جديد أحمد هيكل 2015. Ahmed Hikal "Qatr Le3ba" Lyrics By : Kareem Hakeem ...
San Francisco is the Most Photographed City in Nor...
views 258
Flexitarian swag chia food truck stumptown lomo, master cleanse deep v pickled actually. Organic gluten-free High Life, lo-fi squid butcher seitan. St...
في التنويم الايحائي احنا مش بنعالج مشاكلك مع الناس...
views 112
في التنويم الايحائي احنا مش بنعالج مشاكلك مع الناس ٫ احنا بنجهزك علشان تبقى مستعد تتعامل مع مشاكلك مع الناس . فلو مشكلتك مع ان مراتك او جوزك او والد...
بناءا على طلب الاخوه السناب شات الخاص بي: nihad...
views 200
بناءا على طلب الاخوه السناب شات الخاص بي: nihadragab اراكم على خير Source