خواطر وأخبار نهاد رجب

مينفعش نتعامل مع الدنيا على اساس انها فيلم عربي ليه نمط ونظام وبداية و plot و tw… | نهاد رجب


مينفعش نتعامل مع الدنيا على اساس انها فيلم عربي ليه نمط ونظام وبداية و plot و twist ونهاية سعيدة !

من فترة قريت جملة لفت الفيسبوك فيما معناها “لو الاب والام تعساء متخلفوش لان العالم مش ناقص تلوث” !!

جملة في منتهى العنصرية والتعميم والتطاول مشبعة وموجهة من قبل التفكير النمطي الانساني المبني على منطق محدود بيلغي الاحتمالات الموجودة في الدنيا وفيها تدخل وتقييم وحكم غير سوي !

الدنيا متعددة الاحتمالات ، الدنيا منظمة نظام باين بالنسبة لمحدودي التفكير “الانسان” انها عشوائية لكنا في عمقها منتهى النظام والحكمة .

انا بتعامل كل يوم في جلسات واستشارات تطويرية ، وبتكتشف ان ممكن العلاقة بين الاب والام تبقى زي الفل والشخص طالع عنده مشكلة نفسية ! والعكس صحيح .

دكتور شزيف ، الجراح ومؤلف كتاب أنا تتحدث عن نفسها ، ايكهارت تول ، واغلب الباحثين في الكونيات والمفكرين متفقين على ان العشوائية هي نظام مفهوم ومدروس ، والمثال على ذلك انك في غابة وشايف كل الاشجار متشابكة ومتقاطعة فتفرض فوضوية الغابة لحد ما تشوف الغابة من فوق او من مكان عالي علشان تشوف ازاي الفوضى كونت نظام وتسبح باسم الله ربك ورب النظام .

الدنيا احتمالات متعددة ولو سألت أي حد ناجح او غني او او ايه اللي وصلك للي انت فيه هيبدأ يحاول يمنطق اللي وصله ، لكن في قرارة نفسه هو نفسه عارف انه مش عارف ! مفيش علاقة ما بين اللي كان فيه زمان والفقر المدقع ووجوده دلوقتي ووضعه المالي !

في الوقت اللي بنتخيل فيها ان الدنيا ماشية بنظام محدد ، بنكتشف خطأنا ، الدنيا ماشية بعدل بيسمح بتواجد الموت والقتل والدمار والخراب علشان يبقى فيه العكس . والنظام اللي انت شايفه فوضوي هو اللي بيحقق التوازن في الحياه اللي بيحصل بعد كده واللي بيحافظ عليها ماشية !

الدنيا والآخرة مش منفصلين عن بعض زي ما فهمونا . الاتنين مكملين ومرتبطين باختلاف اشكال الحياه هنا وهناك بس الاتنين مرتبطين بقوانين محدده الهية مش هنفهمها ولو بعد مليون سنة لاننا ببساطة منقدرش نمنع التفكير المنطقي المحدود عن التدخل في الفهم والادراك .

لو انا متخيل ان الدنيا هي عباره وتتلخص في ان 1 + 1 = 2 .. مستحيل ادعي ربنا لاني عارف ان مفيش مفر ، لكن انا بدعي ربنا براحه وبحب لاني عارف ان ربنا عز وجل (رب النظام) يقدر يعيد تنظيم اللي محتاجينه علشان يوفقني في هدفي حتى لو كان غير منطقي بالنسبة لمواردي وقدراتي .

لو هنستخدم المنطق كان زماننا اتحكم علينا بالفناء من سنين .. ربنا عز وجل قال لأم سيدنا موسى حطيه في تابوت وارميه في البحر علشان ياخده عدو له ! بمنطقك كان زمان سيدنا موسى مات في التابوت قبل اي حاجه ، قبل حتى ما يوصل لفرعون . بس الحكمة الربانية والتدخل الالهي بيثبتلك ان مهما حاولت انك تتوقع هتفشل مهما حاولت ..

المستقبل بيتغير كل ثانية ، الحاضر وهم والماضي مش موجود . فمحاولة بوتقة وتنميط الدنيا شئ غير منطقي او عقلاني .

كلنا عارفين قصه الولدين الأخين اللي كانوا ولاد تاجر مخدرات ، لما ابوهم مات واحد منهم قرر انه يكمل زي ابوه والتاني قرر انه يبقى ظابط شرطه ولما الاتنين اتسألوا جاوبوا نفس الاجابة .. “مستني ايه من واحد كان ابوه تاجر مخدرات” ! قراراتك هي اللي بتحدد موجة الاحداث ، مش هنكر ان التربية ليها دور لكن الحكم على الحياة الكاملة لانسان انه هيبقى كذا او كذا بناءا على معطيات سخيفه بتحاول تقنعنا ان الاب والام والعلاقه بينهم عمرها ما هتتغير ، كل ده غير سليم وتطاول .

ثق في ربك . ثق في نظامه حتى لو مفهمتوش . هو موجود وبيحصل ومتقدرش تمنعه .

ويومكم أجمل من يومي

نهاد رجب




Source

مقالات مرتبطة

٣٠ دقيقة وهنبدأ مع زياد علي وحلقة جديدة عن التحكم ...
views 66
٣٠ دقيقة وهنبدأ مع زياد علي وحلقة جديدة عن التحكم بالمشاعر #راديو_مصر_كافيه #راديو #راديو_مصر Source...
خاطرة | ماذا لو تغيرت صلاة الجمعة ؟! #نهاد_رجب نها...
views 2340
اعتقد ان ده وقت التوقف عن الاستماع لشيوخ الجنة والنار ، لشيوخ الجنة والنار والعلم والحياه . اعتقد ان ده وقت خطب الجمعة تناقش نظريات التطور والبيج بان...
منها تحسين البشرة والتخلص من حب الشباب تعرف على ...
views 152
منها تحسين البشرة والتخلص من حب الشباب تعرف على الفوائد العلميه للصيام الرمضاني ستحب الصيام في كل ايام السنة بمشاهدتك لهذا الفيديو 🙂 https://ww...
هل تعلم أن التنفس السليم يعادل 90% من دورات التنمي...
views 1667
هل تعلم أن التنفس السليم يعادل 90% من دورات التنمية البشرية ؟! Source
مجرد سؤال تخيلي … مش محتاج تقتنع او لا .. ...
views 471
مجرد سؤال تخيلي ... مش محتاج تقتنع او لا .. لو حصل انك اكتشفت ان حياتك بالكامل نتاج سلوكك انت واعتقاداتك الشخصية وإدراكك بنسبة 100% بدون أي تدخلات م...
في كل قصص المعجزات #نهاد_رجب
views 3636
    تجد انها تحدث بإذن الله في وجود شخص ما فاحرص ان تكون انت هذا الشخص وان لم تستطع فكن مع من تحدث المعجزات في حضرته وإذا أردت ان تعر...
ممارسين التنويم الايحائي الحلوين يوم 11 ان شاء ا...
views 250
ممارسين التنويم الايحائي الحلوين يوم 11 ان شاء الله هيكون ميعادنا مع مداخلة تدريبية للجميل جونثن رويل على الاسكايب جونثن رويل من أشهر مدربي ومعالج...
ربنا بيدي ٢٤ قيراط في الصحة والمال والأولاد وغيره...
views 23
ربنا بيدي ٢٤ قيراط في الصحة والمال والأولاد وغيره فما ظنكم برب العالمين ؟! قصة ان ربنا بيوزع ال ٢٤ قيراط حبة هنا وحبة هناك فده أمر لا يليق به الك...
” يا أبت إني قد جاءني من العلم ما لم يأتك فا...
views 79
" يا أبت إني قد جاءني من العلم ما لم يأتك فاتبعني أهدك صراطا سويا " بسمع سوره مريم بصوت الرائع مشاري راشد ، فاستوقفتني آيه ... اللي استوقفني فيها كلم...