خواطر وأخبار نهاد رجب

– ازاي اتحكم في رغباتي ؟ – مين قالك انها رغباتك ؟ – لاني انا اللي بطلبها ! – … | نهاد رجب


– ازاي اتحكم في رغباتي ؟
– مين قالك انها رغباتك ؟
– لاني انا اللي بطلبها !
– مين اللي بيطلبها عقلك ولا جسمك ؟
– مش عارف ! انا اكيد
– ولو متحققتش هيحصل ايه ؟
– هتعب
– عرفت منين ؟
– لان ده الطبيعي انه يحصل
– ولو اتحققت ؟
– هكون مبسوط
– لانك حققت رغباتك ولا حققت رغبات جسمك ولا حققت رغبات عقلك ؟
– ماهو انا جسمي وعقلي
– لا ياصديقي انت منفصل عنهم
– ازاي يعني ؟!
– ايه اللي يخلي رغباتك تحصل في الوقت اللي انت بتحاول تمنعها فيه ؟
– لان جسمي طلب كده .
– يعني انت رغبت في حاجه وجسمك رغب في حاجه تانية ؟
– ايوه .. فهمتك . طيب ازاي اتحكم في رغبات جسمي
– متقدرش تتحكم في رغبات كيان منفصل عنك .. بس تقدر تمتلك الكيان وتتحكم فيه .
– ازاي ؟
– عن طريق انك تمرر رغباتك انت وتقنعه بيها ..
– ماهو مش هيسكت
– لا هيسكت
– ازاي ؟
– جسمك عامل زي الطفل الزنان ، عايز حاجه فجأة من غير حساب او عمل او فهم ومنطق ، لو عملت للطفل اللي هو عايزه لما يزن ، هيحصل ايه ؟
– هيزن تاني علشان ياخد اللي هو عايزه
– طب لو رفضت وعنفته ؟
– هيعيط
– طب لو اديته بديل واقنعته ؟
– هيوافق ويهدى ، بس ده ايه علاقته ؟
– رغباتك هي عباره عن افكار بيتواصل بيها جسمك معاك ، بتخليك تفهم انك في حرب مستمره بين نفسك وجسمك وعقلك علشان واحد فيهم اللي يسيطر على الباقيين .
– وده اعرفه ازاي ؟
– لو انت وزنك زايد ، هفهم ان جسمك مسيطر وساعتها هتعامل مع جسمك مش مع عقلك او نفسك ، ولو شوفتك بتهتم بمظهرك هعرف ان عقلك هو المتحكم في الامر ، ساعتها هعرف اتعامل معاك من خلال عقلك مش من خلال جسمك ولو عرفت ان نفسك هي اللي مسيطره عليك من خلال المشاعر هفهم اني هتواصل معاك بالمشاعر مش بالمنطق او بالجسد .
– وانا اعرف منين ايه اللي بيسيطر عليا ؟
– من خلال رغباتك .. انت نفسك في ايه دلوقتي حالا !
– وبعد ما اعرف ده هعمل ايه ؟
– سهلة .. هتفهم من خلال رغبتك ايه اللي بيحاول يسيطر عليك ، هتبدأ تراقب كل الافكار اللي هتجيلك واللي هيحاول يكلمك من خلالها .. هتقيسها بالمنطق والعقل وهترفضها او تقبلها .. بس لو رفضتها هتبدأ تتكلم مع الجزء ده جواك وتديله بديل .. ولو رفضه هتمنع البديل بس مش هتحقق رغباته
– ماهو هيزن ويعيط ..
– محدش يقدر يزن طول الوقت .. في النهاية هيفهم انك انت المتحكم الاول في كيانك بالكامل .. وبدل ما هيطالبك هيبدأ يستأذنك من وقت للتاني بأدب .
– طيب لو عملتله اللي هو عايزه في لحظتها ؟
– هيقل تحكمك وهيسيطر هو لحد ما تتعكس المعادلة .
– ممكن مثال ؟
– لو بتحاول توصل للوزن المثالي ، هتكتشف ان رغباتك اغلبها في الاكل .. هتحس بجوع في بطنك هتحس انك تعبان طول الوقت ، هتفكر في الاكل .. بس لو فهمت كلامي هتعرف ان احساس الجوع مش موجود في بطنك هو موجود في عقلك مش اكتر ، وان الرغبة حصلت لما جسمك حس انك بتمنعه عن حاجه وانك كده بتسيطر عليه بنفسك . لو وافقت للرغبة هتقل من نظر جسمك وهيسيطر عليك ولو استحملت وعديت الرغبات واتحكمت فيها وكملت مشروعك الافكار والرغبات المخالفة مش هتتجرأ عليك تاني .
– ايه دليلك ان احساس الجوع مش في بطني ؟!
– انك لو نمت وصحيت هتنسى اصلا انك كنت جعان . زي الصيام في رمضان . الناس بتنام علشان تنسى الجوع . وبينجحوا فعلا . لو كانوا فعلا جاعنين مكنوش قدروا يناموا .
– نفسك في ايه دلوقتي حالا ؟
– مش عارف
– قرر انك يكون عندك رغبة ونفذها علشان تفهم انك انت اللي بتحدد رغباتك وبتنفذها مش بتستناها تحصل لوحدها وتتحكم فيك .
– وده ازاي ؟
– ده في حلقه جديده معاك يا صديقي .

نهاد رجب
#حوارـتخيليـمعـصديق




Source

مقالات مرتبطة

برنامج الاقناع والتاثير 4-5 مايوقوة التأثير والإق...
views 97
برنامج الاقناع والتاثير 4-5 مايوقوة التأثير والإقناع مع نهاد رجب للحجز : http://goo.gl/forms/BlgX0bwwVq انك تدخل جوة دماغ الشخص الي بتكلمه وتفهم نف...
من فتره حكيت اني كنت في كورس بلغه مختلفه وكان الكو...
views 171
من فتره حكيت اني كنت في كورس بلغه مختلفه وكان الكورس طويل جدا في مدته لدرجه اني في وسط يوم من ايام الكورس ، هلوست لمدة ثواني وتخيلت ان المدرب الامريكا...
بشكل تلقائي علشان اعرف انهي شارع المفروض امشي منه ...
views 17
بشكل تلقائي علشان اعرف انهي شارع المفروض امشي منه بالعربية .. وطيت صوت الراديو ولما شوفت الطريق على الاتجاهات عليت الصوت تاني .. انا عارف انه غير من...
What Will Natural Beauty Be Like In 100 Years?
views 299
http://www.robtowns.com/music/wayfaring_stranger.mp3 Blue Bottle farm-to-table small batch cronut, mixtape kogi freegan narwhal four loko. Retro art ...
views 168
من الإحساس بالتعاطف وحتى القدرة على لمس المجاز #اقرأ: http://bit.ly/2k63CU6#على_فكرة سبعة أشياء تفعلها القراءة بالدماغ (مقال سمعي) http://bit.ly/2k63...
Tips for taking great city photos with your smartp...
views 270
Fingerstache YOLO cred single-origin coffee Shoreditch. Flannel Shoreditch try-hard, mlkshk forage Godard jean shorts quinoa church-key bitters actual...
كنت في الطيارة من كام يوم متجه للأردن على Royal J...
views 154
كنت في الطيارة من كام يوم متجه للأردن على Royal Jordanian Airlines رحلة RJ 502 اتاخرنا في الإقلاع وده خلى أحد المواطنين الأردنيين يتضايق شوية ، بصرا...
مفيش اجمل من احساس ان الواحد يكون قاعد وسط ناس بيس...
views 327
مفيش اجمل من احساس ان الواحد يكون قاعد وسط ناس بيسمع حاجة المفروض متقدمة جدا وهو عارف 90% منها .. رحلتي للأكاديمية الامريكية علمني وأكدلي ان الواحد يق...
كل حاجه عايزها دخلت في ادراكك وطالما قدرت تدركها ...
views 96
كل حاجه عايزها دخلت في ادراكك وطالما قدرت تدركها تبقى قادر تحصل عليها لو مكنتش ليك مكنتش هتفهمها ولا هتشوفها من البدايه احنا بنطلب فقط اللي نقدر نفه...
انت واقعي ؟ انت موهوم لـ نهاد_رجب...
views 3074
يوم عن يوم بصدق أكتر وأكتر ان الواقع هو في حد ذاته نتاج لأوهامنا وأوهامنا بتصنع واقعنا فلو واقعك حلم ، ايه اللى يخليك في مكانك ؟! اخرج برة حدودك ، ...

1 Comment