خواطر وأخبار نهاد رجب

عقلك الباطن مفيهوش قدرات غير محدوده ! عقلك الباطن ملوش قدرات اصلا .. عقلك البا… | نهاد رجب


عقلك الباطن مفيهوش قدرات غير محدوده !

عقلك الباطن ملوش قدرات اصلا .. عقلك الباطن بيستخدمك كوسيط للوصول لأهدافك .. هو بس يعرفك اكتر منك ..

يعني تقدر تكتب بإيدك الشمال ؟ لو انت ايمن هتقولي لا .. بس الحقيقه انك تقدر انت بس مجربتش .. انت اتعودت على نمط وصدقت ان مفيش غيره .

عقلك الباطن بمنتهى البساطه عارف انك تقدر وفاهم ايه اللي المفروض تعمله علشان يحسن من مهاراتك في الكتابه .. هو مش بيسحرك ولا بيعمل حاجه جديده .. هو بس بيخليك تعمل اللي انت تقدر عليه .

انت مكنتش متخيل انك تقدر تجري .. بس جريت .. عدم معرفتك لا تعني عدم قدرتك .. اي عدم قدره في حقيقته هو عدم معرفه .. والعقل الباطن ببساطه تاني عارف اللي انت يمكن متكونش عارفه عن نفسك .

فكر في الموضوع انك كائن فضائي جيت الارض .. مش فاهم اي حاجه عن الطبيعه اللي حواليك .. ومعاك صديق بقاله الوف السنين على الارض وفاهم كل حاجه عن المكان وعنك .. وانت بتستعين بيه من خلال التواصل علشان يوجهك تعمل ايه ازاي

من خلال تقنيات زي التنويم الإيحائي او غيرها ..

عارف مين اللي فيه قدرات ؟ هو انت .. انت عامل زي اللي ماسك جوهره في ايده وبيلعب بيها ومش فاهم ديه بتعمل ايه .. لو مكنتش جواهرجي مكنتش هتعرف ديه ايه . هو بقى صديقك الجواهرجي ، اللي فاهم انت معاك ايه وتقدر تعمل ايه .

علشان تقدر تخليه يشتغل معاك ولصالحك لازم تفهم ان صديقك بقاله فتره بعيد عنك بسببك ، هو حاول معاك بس انت كنت طول الوقت بتصده . علشان تقدر ترجعه لحياتك لازم تعيد صداقته من تاني .. انت بس خد بالك .. انه مفيد جدا بس متعب جدا .. ومرتبط بيك جدا .. هو اصلا مخلوق علشانك ..

متعب ليه ؟ مش هقولك .. بس الموضوع مش باللطف ده اوي كده . ليه برضه اوجه متعدده

عقلك الباطن عايش جواك .. فكر في اول حاجه انت عايز تعملها .. اعبر من البوابه واوصله من خلال كلمه السر … “التخيل”

وشوف المعجزات بتحصل .. وشويه شويه ده هيكون العادي بتاعك

ويومكم اجمل من يومي
نهاد رجب

*الصوره من على المحيط في المملكه المغربيه #كازابلانكا




Source

مقالات مرتبطة

نزلوا Quora البرنامج ده هيشغلكم ويثقفكم جدا وهيب...
views 178
نزلوا Quora البرنامج ده هيشغلكم ويثقفكم جدا وهيبقى باب لعالم اكبر من الفيسبوك Source
اللهم انّا لا نسألك اللطف فيه .. ولكنّا نسألك رد ا...
views 6
اللهم انّا لا نسألك اللطف فيه .. ولكنّا نسألك رد القضاء Source
نبوءه جديده : برنامج تدريبي من يوم واحد – ...
views 52
نبوءه جديده : برنامج تدريبي من يوم واحد - هيكون يوم جمعه في شهر اكتوبر الجاي ان شالله . هيكون عدد الحضور 500 متدرب . هتكلم فيه عن "التنويم الذاتي" و...
لانه كان فيها … امبارح خدت بالي ان البنزين...
views 53
لانه كان فيها ... امبارح خدت بالي ان البنزين قرب يخلص وكسلت اروح البنزينه علشان افول العربيه لإني كنت مرهق جدا .. النهارده الصبح اكتشفت من المؤشر ...
مهما كان الماضي ساذج بالنسبة لك ، ومهما كانت أفكار...
views 375
مهما كان الماضي ساذج بالنسبة لك ، ومهما كانت أفكار زمان غير منطقية لوعيك الحالي ، دايما احترم شخصك وقدر نفسك ، وخليك ممتن لكل حاجة حصلت سواء نجاح او ف...
اثناء تطبيق احد المقنعات على مذيعة السوشيال ميديا ...
views 387
اثناء تطبيق احد المقنعات على مذيعة السوشيال ميديا في برنامج القاهرة اليوم أمس . نهاد رجب Source...
اليوم الاول مع اجمد ناس في الاردن الجميله :)اليوم ...
views 160
اليوم الاول مع اجمد ناس في الاردن الجميله :)اليوم الاول من اقوى دورات التنمية دورة التنويم الايحائي للخبير العالمي نهاد رجب .. Source...
خدعونا وعلمونا ان الحيوان كائن غير عاقل مبيحسش مب...
views 2160
خدعونا وعلمونا ان الحيوان كائن غير عاقل مبيحسش مبيفهمش وان ربنا ميز الانسان بالعقل ويوم عن يوم بحس ان الوعي موجود في كل الكائنات وفي الجماد وحتى في...
قولنا فكرة عالميه تضاف في كورس التنويم بالإيحاء &#...
views 60
قولنا فكرة عالميه تضاف في كورس التنويم بالإيحاء - اغسطس 2017 - محصلتش قبل كده في كورس سابق .. وصاحب التعليق بالفكرة الافضل هيكون معانا في الكورس مجان...
مية وهوا O2 و H2O عايز تعرف اد ايه انت ضئيل ؟ ...
views 437
مية وهوا O2 و H2O عايز تعرف اد ايه انت ضئيل ؟ تأمل كده ، إن العالم كله لو كان ملك يمينك والفلوس والثروات كلها كانت في حسابك بإسمك ، في النهاية ل...