خواطر وأخبار نهاد رجب

كممارس تنويم إيحائي قسم جلساتك على مدار الاسبوع . متعملش عدد مبالغ فيه من الجل… | نهاد رجب


كممارس تنويم إيحائي قسم جلساتك على مدار الاسبوع .

متعملش عدد مبالغ فيه من الجلسات كل يوم لإنك مطالب انك تدي 100٪ من طاقتك لكل جلسه .

بالنسبه لي انا جلساتي تلات واربع فقط ومينفعش اعدي ال 5 جلسات في كل يوم منهم .

من شهرين تقريبا اعتذرت لمستفيد جالي علشان مش هعرف اكمل معاه الجلسه ولما زعل سالته تحب نكملها بفايده اكبر وبخصم 50٪ ليك المره الجايه ولا نكملها دلوقتي وتدفع فلوس في حاجه انا مش متوقع اني هكون في كامل طاقتي ليها ؟

زمان كنت ممكن اعمل 12 جلسه تنويم ايحائي في يوم واحد ! حرفيا ممكن ادخل المركز الساعه 10 الصبح ، اخلص بالليل والدنيا فاضيه .

كنت متحمس جدا كنت عايز اعمل كده كنت عايز ازود لرصيدي مجموعه اكبر من الجلسات والخبره ٫ الكلام ده كان من سنين . بس كنت بتعب وبرهق وساعات كنت بنام في فتره الصمت 😀 (طريقه تعميق)

ده لاني شوفت ناس كتير من ممارسين التنويم الإيحائي (مايندكير) فرحانين بعدد الجلسات اليوميه اللي بيعملوها وربنا يزيدكم بس فيه قواعد حابين نمشي عليها علشان نفيد الناس بآفضل طريقة ممكنة :

1- العدد بيكون 75٪ من طاقتك .. لو انت طاقتك 6 هتعمل 4 جلسات فقط لو طاقتك 8 هتعمل 6 جلسات وهكذا ..

2- متعملش جلسات تنويم قبل او بعد او في خلال محاضرات .. الجلسات بيكون ليها يوم محدد خاص فقط بيها ..

3- متعملش جلسات تنويم خلال ايام الكورس التدريبي في حاله كونك مدرب بالذات لو الجلسات لأحد المتدربين في نفس الكورس .. الجلسات بتكون بعد انتهاء الكورس التدريبي بالكامل .

4- لو حسيت انك تعبت لأي سبب تقدر تعمل لنفسك بريك تنويم ذاتي 10 دقايق تشحن طاقتك وترجع تكمل تاني على انك تعمل كده بحد اقصى تلات مرات خلال الجلسات .

5- متتحرجش من المستفيد انك تأجل جلساتك معاه بسبب انك تعبت ، زعل المستفيد أهم من انك تقعد قدامه مصدع ومش فاهم منه حاجه وفي الآخر يدفع حاجه مش بتاعتك .

6- طاقتك 100٪ للمستفيد .. تليفونك مقفول على وشه .. اقلع ساعتك علشان متبصلهاش .. واجب في نهايه الجلسه .. وتاني طاقتك 100٪ للمستفيد .

ويومكم أجمل من يومي

نهاد رجب


Source

مقالات مرتبطة

لكل أعضاء الصفحة الرسمية ل نهاد رجب لأنك لازم يك...
views 17
لكل أعضاء الصفحة الرسمية ل نهاد رجب لأنك لازم يكون ليك دور اشترك الان مجانا في موقع الاكاديمية واحصل على : ١- اجدد المقالات الحصرية لتطوير الذا...
لا تعطني سمكة ولا تعلمني كيف أصطاد .. فقط ألقني في...
views 233
لا تعطني سمكة ولا تعلمني كيف أصطاد .. فقط ألقني في البحر وامضي ولا تنظر خلفك Source
علمني ربي
views 3211
علمني ربي ان كل شيء يحدث بقدر وفي ميعاد واذا قدر حدوثه لن تستطيع اي قوه ان تؤخره علمني ربي انه يبتليني ليختبرني فاذا ما اصريت على ما اردت اعطاني ا...
انا مش اجتماعي وانا والله معنديش مشاكل انا بحب ...
views 127
انا مش اجتماعي وانا والله معنديش مشاكل انا بحب اقعد لوحدي واكل لوحدي ومعنديش اي مشكلة ولا انا بائس انا مبسوط جدا انا عارف انك بتحاول تتواصل معايا...
الصدفة في حياتي لـ نهاد رجب
views 4968
الصدفة في حياتي reflecting on my life اكتشفت ان الصدفة ليها وجود عجيب لو مهتم اعرفها لو مش مهتم تقدر تقراها وكإنك مش مهتم وكده انا عندي 29 سن...
شفرة الكون – نهاد رجب
views 11192
    يتواصل الكون معك بالمقدار مع أفكارك وتوجهاتك وقيمك وماتحمله من كون بداخلك .. فما من شىء تسمعه او تراه او تشعر به الا وكان تواصل...
كل ده في دماغي واللى بيحصلي جزء من إدراكي واقعي ...
views 298
كل ده في دماغي واللى بيحصلي جزء من إدراكي واقعي أفكاري ومشاعري من صنعي واللى بحصل عليه موجود في عقلي من سنين واللى مش بحصل عليه مش ملكي ومش مهم ب...
ورا كل “مقصدش” فيه إتقان لاواعي للقصد ...
views 202
ورا كل "مقصدش" فيه إتقان لاواعي للقصد لازم تفهم ان زلات اللسان هي في الأصل فهم عميق وبرمجة قوية داخلية بتمسي عليك وبتفكرك بضعفك او بقوتك في بعض الأو...
وأنتم موقنون بالإجابة | نهاد رجب...
views 66
وأنتم موقنون بالإجابة Source
الغراب .. معلم البشرية
views 1126
    الغراب  الغراب هو المعلم الأول للبشرية ، من صغري وانا بستغرب مش ان غراب قدر انه يوصل رسالة لإنسان .. انا اللى شغلني اكتر هو ان ربنا...