خواطر وأخبار نهاد رجب

طالع كوبري أكتوبر وماشي على ٦٠ متعود اني اثبت السرعة علشان متلقطش ردار ودايس بن… | نهاد رجب


طالع كوبري أكتوبر وماشي على ٦٠
متعود اني اثبت السرعة علشان متلقطش ردار
ودايس بنزين وعارف اني مش هعدي ال ٦٠ بسبب مثبت السرعة

ومن وقت للتاني ببص على السرعة واتاكد ان السرعة سليمة والمثبّت شغال

خلصت الكوبري وجيت الغي المثبت لاقيتني اصلا مش مشغله

وطول الوقت كنت دايس بنزين بالظبط لسرعه ال ٦٠ ومكنتش واخد بالي

اكتشفت ان عقلي حفظ الاقتراح واتعود على ضغطة البنزين والسرعة وكنت طول الوقت في تنويم وسلوكي هو اللي كان بيتحكم في السرعه مش مثبت السرعة

لاقيت ان التزامي بقانون السرعة وخوفي من الردار وحالة السواقة والاقتراح اللي كنت بقرره داخليا كل ده كان بيتحكم في السواقة

عقلي الباطن كان بيسوق !وانا كنت مجرد وسيط

طيب فكرت في مشروع الوزن اللي انا بنزله اكتشفت اني بقالي فترة لما باكل باكل كمية اقل وافتكرت اني فجأة بقيت أحب اشرب حاجات واكل خضروات انا مكنتش بهتم بيهم قبل ما بدا اخس واكتشفت ان الحاجات دي بتخسس اصلا ويتحرق دهون اسرع ! وكل ده ظهر بعد ما زرعت الفكرة في عقلي بالتنويم الذاتي بنفس الطريقة اللي حصلتلي في المواقع

التزمت بالفكرة وخوفت من الرادار (وزني بيزيد) ودخلت في الحالة (التنويم) وأديت لنفسي اقتراحات . ونسيت الجلسة وعقلي كمل وانا تاني كنت مجرد وسيط .

من فترة سمعت عن ان احد المقربات لما كانت حامل كانت بتتوحم على التراب والجير والطينة والطوب الأحمر (اغرب حاجة ممكن تسمع عنها)

جالها فترة كانت عايزة تاكل الكلام ده وهي مقتنعة جدا انها عايزة تأكله .

من فترة قريت اغرب حاجة من فترة طويلة في مقالة علمية ، الجسم لما بيحتاج كالسيوم بتبدا الست ترغب في اكل اي حاجة العقل عارف ان فيها الشئ اللي هو محتاجه او بمعنى اخر بيستخدمك تاني كوسيط وبيحميك من خلال التحكم في رغباتك .

في الكورسات بقول للناس

Your subconscious mind works in some mysterious ways

عقلك الباطن بيعمل بطرق عجيبة ، فَلَو قررت حاجة انك تخس او تنجح او او او ، راقب رغباتك وحققها لان عقلك فاهم ازاي يحققهالك .

بس خد بالك برضه ، افكارك السلبيه هي اقتراحات سلبيه + مشاعر ، عقلك هيوجهك انك تحقق اللي انت خايف منه (وباستخدام انت)

ويومكم اجمل من يومي

نهاد رجب




Source

مقالات مرتبطة

ما الذي تلقاه آدم من ربه ؟ معلومة هي الافضل لك وخب...
views 212
ما الذي تلقاه آدم من ربه ؟ معلومة هي الافضل لك وخبر سعيد | نهاد رجب انضم للصفحة وادعوا اصدقائك للاستفادة. الصفحة الرسمية للمدرب والمعالج نهاد رجب http...
تم بحمد الله وبناءا على اقتراحاتكم تسجيل جلسة توكي...
views 161
تم بحمد الله وبناءا على اقتراحاتكم تسجيل جلسة توكيدات وتنويم إيحائي لحياة إيجابية وتحكم أكثر بالمشاعر .. وسيتم رفعها على الانترنت الليلة على اليوتيو...
انا بفرح لما حد الاقي حد بينجح في مجال التنمية الب...
views 1012
انا بفرح لما حد الاقي حد بينجح في مجال التنمية البشرية سواء التدريب او الفيديوهات والسوشيال ميديا ليه بقى ؟ لإني ذكي يعني هو ربنا اداله كاريزما ...
two days ago , i had a brief talk at Vision academ...
views 281
two days ago , i had a brief talk at Vision academy , in a meeting conducted by Mohamed Zakaria , in the presence of Dr.Gehad Ibrahim and Mr. Ibrahim ...
Hi all Well I’ve just arrived at the Unite...
views 285
Hi all Well I've just arrived at the United States , Albuquerque , and I'm offering free sessions for nearby neighbors . Call me at studio 6 , osu...
ناس كتير بتقول انها مبتعرفش تتخيل في جلسات التنويم...
views 261
ناس كتير بتقول انها مبتعرفش تتخيل في جلسات التنويم الايحائي وطبعا التخيل جزء كبير من العلاج بس ازاي نقدر نساعدهم بنتعلمه في ورش التنويم مع العلم انن...
انيس جونز ، جربت التنويم المسرحي حد يقدر يفسر ال...
views 146
انيس جونز ، جربت التنويم المسرحي حد يقدر يفسر اللي حصلها ؟ في انتظار تعليقاتكم Source...
غدا ان شاء الله يوم مكثف ، هيبدأ بجلسات تنويم إيحا...
views 208
غدا ان شاء الله يوم مكثف ، هيبدأ بجلسات تنويم إيحائي في مدينة نصر ، ثم اجتماع خاص مع أكبر مؤسسات السوشيال ميديا ثم حلقة خاصة حول الخوارق وتفسيرها العل...
‎Nihad Ragab نهاد رجب‎ updated their cover photo. ...
views 174
‎Nihad Ragab نهاد رجب‎ updated their cover photo. Source
الواحد عايز يقعد في دايرة وحواليه ناس حافظين أدعيه...
views 59
الواحد عايز يقعد في دايرة وحواليه ناس حافظين أدعيه وبيدعوله من قلبهم لِيه بصوت عالي وهو ساكت ومغمض عينه ومسترخي وبيردد آمين Source...