التنويم الإيحائي خواطر وأخبار نهاد رجب

الناس فاكرة ان التنويم الإيحائي يقتصر على “غمض عينك” … “استرخي بعمق” وده فعل… | نهاد رجب


الناس فاكرة ان التنويم الإيحائي يقتصر على “غمض عينك” … “استرخي بعمق”

وده فعلا ليه طرقه وتقنياته ، بس تعاملي مع التنويم الإيحائي عمره ما كان كده .

التنويم ليه سحره . وسحره انه بيختارك ! يعني تأثيره معاك بيكون مختلف عن حد تاني حتى لو انتم الاتنين عملتوا نفس الخطوات وقولتوا نفس الكلام .

التنويم بيديلك تأثير مختلف ، لو حبيته بيحبك . التنويم كتقنيه بتخليك بشكل لا واعي تقول كلام او تجيلك أفكار ، عمرك ما كنت هتفكر فيها قبل الجلسه . علشان تكتشف انك في اللحظه اللي بتساعد فيها شخص وبتدخله في تنويم إيحائي بتكتشف انك سبقته للحالة . وانت نفسك فيها .

شوية شوية بتوصل لمرحلة عجيبة من التأثير بتخليك تبص لحد وتقوله اقتراحاتك ويتأثر بيها وتشتغل من غير لا يغمض عينه ولا ياخد نفس عميق .

يمكن التجربة اللي بتجي في بالي دلوقتي اني كنت في محافظه من المحافظات كنت في بريك محاضرة فقربت مني سيدة وقالتلي انها عندها مشاكل في النوم وعايزة تجرب التنويم الإيحائي في انها ترجع تنام زي زمان .

وحصلت بيننا المحادثه ديه :-

– امتى آخر مره حسيتي بصعوبة في النوم ؟
– كل يوم
– امتى ؟
– امبارح
– ايه اللي يخليكي متأكده انك النهارده هيبقى عندك نفس المشكله ؟
– انا اتعودت على كده
– ولو قولتلك انك النهاردة هتلاقي نفسك نايمه كويس وبعمق ؟
– ازاي ؟
– مفيش زي كل يوم هتروحي تنامي على السرير مجرد ما هتغمضي عينك هتلاقي عينك تقيله وانك عايزه تقفليها اكتر وفي خلال لحظات هتنامي اعمق من اي يوم تاني .
– مستعدة تنامي احسن النهارده ؟
– جدا

بعدها رجعت القاهره واتصلت بيا تالت يوم بعد ما نسيت القصه وقالتلي انها بقالها يومين بتنام كويس جدا ! شكرا جدا انا حتى مدفعتش تمن الجلسه .. الخ

ويمكن تكون المحادثه اللي كتبتها مبالغ فيها واطول من الكلام اللي اتقال . بس ده ببساطه اللي بيحصل لما بيكون عندك ثقه بتبان على صوتك ٫ نيه إيجابيه بتبان في تعبيراتك واقتراحات جاهزه بتظهر في كلامك !

لا غمضت عنيها ولا استرخت ولا خدت نفس عميق .. كل اللي حصل هي كلمتين تلاته في حاله هدوء .. عندها استعداد .. عندها توقعات .. وساعتها اي حاجه هتقولها هيكون ليها تأثير لو نظمت كلامك بشكل سليم .

انت كمان تقدر تكون ممارس التنويم الإيحائي ، كل نيه ايجابيه ، بتفرق . لو صفيت النية وقولت للناس كلام هتلاقيهم بيتأثروا من غير ماتدرس كلمة عن التنويم ولا الهاند شيك اندكشن .

صدق اللي انت عايزه يتحقق هيتحقق .

تخيل اني قولتلك “بكرة هو يوم جميل وايجابي في حياتك” مش عايزك تقرا الكلام ده بعقلية “اما نشوف” انا عايزك تقراه بعقليه ان ده خبر حقيقي وان ده فعلا اللي هيتحقق . تخيل ان الجملة دي هي اسمك اللي مستحيل تشك في صحته . عايزك تقراها وتبتسم وتفرح وتقول للناس وتنبسط وتتأثر جدا من السعادة ! عايزك تعيد العملية دي تلات اربع مرات لغايه ما تحس بيها بشكل حقيقي ..

ويومك أجمل من يومي

نهاد رجب


Source

مقالات مرتبطة

ان شاء الملك سأتواجد بالأردن يوم 28 يناير لتقديم م...
views 187
ان شاء الملك سأتواجد بالأردن يوم 28 يناير لتقديم محاضرة خاصة بالإقناع والتأثير النفسي بعمان والظهور ضيفا بالتلفزيون الأردني .. سعيد برؤيتي للعديد من أ...
الناس الجميلة ديه هتوحشني جدا ! من كورس فن الاقن...
views 10
الناس الجميلة ديه هتوحشني جدا ! من كورس فن الاقناع والتاثير النفسي - القاهره نوفمبر 2017 اقابلكم تاني على خير ...
ماذا تختار؟
views 1217
أن تحيا سعيدا ؟  أم  أن تكن سعيدا لكي تحيا ؟ 
– متزعلش من فلان ده طيب واللي في قلبه على لس...
views 60
- متزعلش من فلان ده طيب واللي في قلبه على لسانه - ماهو المصيبة ان كل ده يطلع في قلبه اصلا ! مش مهم هو قاله ازاي - متزعلش من فلان ، هو طيب والله بس ...
لاول مرة في الاردن محاضرة ( فن الاقناع والتاثير ال...
views 288
لاول مرة في الاردن محاضرة ( فن الاقناع والتاثير النفسي) للمدرب والخبير العالمي ( نهاد رجب ) برعاية مركز البدر للتدريب ومركز الذبذبات الكونية و كوزمك ا...
سبب التعاسة وطريقة التغلب عليها بسهولة لـ نهاد رجب...
views 8406
لو سمحت ممكن أضايقك شوية ؟   اصبر بس   تخيل ان معاك 60 الف جنيه في البنك .. حوشت فيهم لشهور وتعبت فيهم وحرمت نفسك من كل حاجة علشان تحافظ عليهم ....
أقوى تقنية علاجية لتحسين الحالة النفسية مش هتصدق ا...
views 265
أقوى تقنية علاجية لتحسين الحالة النفسية مش هتصدق اللى هتحس بيه انضم للصفحة وادعوا اصدقائك للاستفادة. الصفحة الرسمية للمدرب والمعالج نهاد رجب https://w...
في هذه الليله الجميله انا بشهد الله اني مش مسامح ا...
views 72
في هذه الليله الجميله انا بشهد الله اني مش مسامح اي حد غلط فيا او اذاني مش مسامح لاني ازاي اشهد الله على حاجه واكون كذاب ؟ ازاي اسامح وانا لسه عندي...
إذا سرق منك الكريتكال فاكتور ، يمكنهم سرقة كل شىء ...
views 1988
ناس كتير بيفتكروا انك بالتنويم الإيحائي ممكن تضحك على حد وتنيمه وتاخد فلوسه   وطبعا الفكرة ديه مرفوضة تماما ، لانك اصلا تركيزك بيكون اعلى...
حلمك يبقى معاك مهارة تقدر تساعد بيها نفسك والناس ؟...
views 214
حلمك يبقى معاك مهارة تقدر تساعد بيها نفسك والناس ؟ علم مش بس هتمارسه باحتراف انت هتحب نفسك لما تمتلك مفاتيحه وتقدر تشتغل ك Life Coach وتستخدم مهارة ...