خواطر وأخبار نهاد رجب

العلاج النفسي بالخضه (البخ) قريت لدكتور محمد طه مقاله بدأ فيها بخبر عن العلاج ب… | نهاد رجب


العلاج النفسي بالخضه (البخ)

قريت لدكتور محمد طه مقاله بدأ فيها بخبر عن العلاج بالخضة النفسي وبعد كده بدأ الدكتور محمد طه بضحد الفكره واثبات من خلالها ان الانسان ممكن يصدق أي حاجه .

حركة جميله جدا ويمكن فيه جمله للجيجرنزر في كتاب 50 خرافه في علم النفس بيقول ان الناس لا تستطيع التفرقة بين شيوع المعلومة وصحة المعلومة او بمعنى آخر لو انا لاقيت ان فيه معلومه معروفة بين مجموعة ضخمة من الناس بفترض صحتها بشكل تلقائي .

بس النقطة هنا ان اللي هيصدق موضوع ” العلاج بالخضة ” مش لازم يكون شخص غير متخصص ٫ لكن ممكن تلاقي اللي هيصدقها فعلا حد متخصص ومعاه كل المسميات العلمية المطلوبة لوضعه في قايمة المتخصصين النفسيين .

الموضوع مش مقتصر على اللي مش عارف ، حتى اللي عارف برضه هيقع في نفس الحفره لانه عنده نفس ميكانيزمات التفكير واستقبال المعلومات . والتصديق بيسبق التحليل ، علشان كده الانسان بيصدق الأول قبل ما بيحلل بغض النظر هو مين حتى لو كان نيتشه .

بس الموضوع موقفش لحد هنا ، في الخمسينات كان فيه اسلوب معتمد لعلاج المخاوف ويمكن يكون لسه مستخدم لحد دلوقتي اسمه ال OverWhelming Technique
او العلاج بالاغراق وفي بعض الاقاويل … “العلاج بالخضه” !

يعني ايه الكلام ده ؟

يعني ببساطه وبالبلدي كده كانوا زمان علشان يعالجوا شخص مثلا من خوف مرتفعات ، كانوا بيربطوه ويدلدلوا جسمه من فوق مكان مرتفع ، ويبدأ يصرخ ويصوت لحد ما بيهدى وبيتأقلم مع الوضع وبيتعالج وعلشان بعض الناس اللي بيتعرضوا للنوع ده من العلاج بيموتوا فتم توقيف الطريقه دي في العلاج .

بس لحد دلوقتي العامه بيستخدموا النوع ده من العلاج بطريقه او بأخرى ٫ مثلا حد بيخاف من العوم او مبيعرفش يعوم ٫ بييجي المدرب او الوالد او اين كان المتخصص ويرميه في حمام السباحه ، يستنى عليه شويه لحد ما ي
figure out a way to get himself out of it .

الخضه في التنويم الإيحائي بتستخدم لاحداث حاله عاليه جدا من الانتباه بيتبعها اقتراح مباشر ٫ الخضه بيتم استخدامها في السياسه والاعلانات ، الخضه بيتم استخدامها في عمليات فرق ال S.W.A.T

وغيره من المجالات اللي بيتم في استخدام الخضه بنجاح ، اما للاقناع او للعلاج بالاغراق او غيره .

بالنسبه لموضوع انك متعالجش الناس الا لما تكون انت شخصيا هايل وجامد وسوي ، فده حقيقي جدا وفي كورسات التنويم فيه اكتر من نموذج علشان نساعد الناس الاول يتغلبوا على مشاكلهم الشخصيه قبل ما يبدأوا يتعاملوا مع الناس .

ولكن فيه بحث ملخصه كان if you want to master something .. train it
لو عايز انك تكون كويس في مجال معين ٫ دربه ، وده بيزود استيعابك ومهارتك وتركيزك ، يعني عندك مشكلات في الفيزيا ، جمع مجموعه من الناس بنيه انك تدربهم ، ساعتها لسبب ما العقل بيستخدم كل قدراته علشان يساعدك تساعدهم .

بس المشكله الحقيقيه فعلا من خطر ال Counter Transference

واللي اتكلم عنها دكتور محمد طه في ان المعالج ينقل مشاكله ويترجم مشكله المستفيد من خلال اسقاطه الشخصي ، وعلشان المستفيد مصدق اوي فممكن بسهوله نزرعله اي فكره عن نفسه بطريقه خاطئه زي دي

ويومكم أجمل من يومي

نهاد رجب


Source

مقالات مرتبطة

علاقتك بنفسك هي أساس كل حاجة .. قرب منك واتصالح | ...
views 253
علاقتك بنفسك هي أساس كل حاجة .. قرب منك واتصالح Source
البوست ده مهم جدا لكل واحد بيمارس جلسات الدعم النف...
views 20
البوست ده مهم جدا لكل واحد بيمارس جلسات الدعم النفسي باستخدام تقنيات التطوير الذاتي واللايف كوتش (التنويم الايحائي - البرمجة العصبية - اللايف كوتش -...
تم الانتهاء دبلوم التنويم الإيحائي في تونس ، سوسة ...
views 247
تم الانتهاء دبلوم التنويم الإيحائي في تونس ، سوسة في قاعة فندق رويال سالم ، بتنظيم مركز المتفائل للتدريب والاستشارات استمتعت جدا بالجودة التنظيمية ...
سبحان الله الوقت بيمر آسرع لما منحسبلوش والفرص ب...
views 228
سبحان الله الوقت بيمر آسرع لما منحسبلوش والفرص بتزيد لما بنصبر والمشاكل بتختفي لما بننساها والشخصيه بتتغير لما بنبطل سعي ورا التغيير وبننجح لما بن...
زمان في 2001 او 2002 كان فيه مسابقة مدرسية واللي ب...
views 12
زمان في 2001 او 2002 كان فيه مسابقة مدرسية واللي بيشترك فيها كان بيسافر يكمل دراسته في امريكا ، مسابقة كانت عملاها الحكومة ساعتها وكانوا مرشحين مدرسة ...
محدش فينا عارف اجابة سؤال “انت مين؟” ...
views 233
محدش فينا عارف اجابة سؤال "انت مين؟" وبالتالي أسهل حاجة نصدقها هو وصف الناس لينا .. لإننا مش عارفين هو صح ولا غلط .. احنا معندناش اجابة صريحة واضحة ...
خواطر نفسية فيسبوكية
views 2874
  خواطر نفسية فيسبوكية 1- الشخص غالبا مابيتبع التعليق الأول او التعليقات الأولى في رأيها عن البوست ، وممكن تعليق واحد يغير احساسك بالبوست او رأ...
الحياة علمتني اني منتقدش انسان ناجح بالعكس انا ا...
views 608
الحياة علمتني اني منتقدش انسان ناجح بالعكس انا اشوفه بيعمل ايه وأقلده وانا مغمض عيني بس بوعي ومعرفش الناس اللى بتهاجم الشخص اللى قدر يوصل لحاجة ، ...
تابعني على البروفايل الشخصي من هنا نهاد رجب | ...
views 41
تابعني على البروفايل الشخصي من هنا https://www.facebook.com/mrnihad نهاد رجب Source
“وربنا قال ايه؟” عمرك كلمت ربنا ؟ ...
views 51
"وربنا قال ايه؟" عمرك كلمت ربنا ؟ اتعلمت الطريقه ديه من أم سمعتها بتقول لابنها عنده تقريبا 5 سنين او اقل ، بتقوله قولت لربنا امبارح انك رسمت رسمة ...