خواطر وأخبار نهاد رجب

كنّا طالعين جبل موسى ، في سانت كاترين من أسبوع او اكتر . عشرات من الناس عايزين ي… | نهاد رجب


كنّا طالعين جبل موسى ، في سانت كاترين من أسبوع او اكتر . عشرات من الناس عايزين يوصلوا للقمة لسبب ما . كل واحد عنده هدفه . الجبل ارتفاعه ٢٣٠٠ متر وصعوده بيتطلب منك تمشي حوالي ٧ كيلو للأعلى

المشكلة كانت في اول ٦ كيلو ، الطريق مش ممهد والحجر كان مرتفع وكنت شايل على ضهري شنطة تقيلة وبتنفس زي الخيل ورجلي بتوجعني والدنيا تلج وكانت بالسالب مع رياح والدنيا ضلمة وانت مش شايف حاجة قدامك غير كشاف بينور اتنين متر قدامك .

الجمال نازلة في وشك وتحذيرات قوية جدا انك متوجهش الإضاءة لعيون الجمال لانها ممكن تإذيك ولازم توجهها للأرض وتمشي وترفع رجلك فوق حجارة مرتفعة وشاقة جدا .

الناس وراك وقدامك بتطلع وصعب تلاقي حد بيتكلم علشان لو حد أتكلم طاقته هتتسرق منه وكله كان ساكت ما عدا الناس اللي كانت متعودة تطلع .

كنت مرهق جدا وعارف اني مقدرش أقف مكاني او حتى ارجع الأتوبيس .

وفجأة حصلت المعجزة وسمعت ان خلاص يا جماعه احنا فاضلنا سلم هنطلعه وهو عبارة عن ٧٥٠ وسلمة ونوصل للقمة . انا فرحت وبدات رحلة الصعود

افتكرت ان اسهل حاجة في الجبل هو السلم علشان اكتشف انه كان اصعب مرحلة في اليوم كله . السلم ارتفاعه ممكن يخليك تزحف علشان تطلعه وسط ما عضلات رجلك بتشد ، متقدرش تقف تستريح لان يمين وشمال السلم انت عارف ان مفيش حاجة وسهل جدا انك تقع . ومحدش حتى هيعرف يلحقك

كل سلمة كانت معاناة وفي اول فرص للاستراحة كنت بتقتنصها حتى لو هتقف ثانية وتكمل تاني

وتبدا تعد السلالم وتعدي ال ١٠٠ وتكتشف ان لسة فاضل ٧٠٠ ! وتكتشف انك كنت بتعد غلط

مفيش اي مجال للتراجع ، الكشاف نوره بيضعف شوية شوية لحد ما تكتشف انه اتقفل تماما .. بتمشي بانعكاس ضوء الكشافات اللي لسة شغالة ، الموضوع بيبقى أخطر اكتر واكتر . وبتفتكر أية “انظرونا نقتبس من نوركم” وبتحس انها بتنطبق عليك حرفيا . وفي عز كل الأحداث بتفكر انت ايه اللي جابك هنا ! ولحظات تعدي .. مشاعر بكل أنواعها ! جسمك عايز يرتاح ، ينام ، يأكل ، يستجيب لنداء الطبيعة ، يقع حتى لو ده هينقذه من هلاك التعب وتمر لحظات تانية تفكر فيها في حياتك بالكامل وتعيد ترتيبها والندم ع قرارات واكتشاف تفاهة نجاحات تانية … وتمر لحظات …

وفجأة … القمة

تبص بصة عميقة للسما وضوء الشمس اللي انت اول واحد يشوفه في العالم . وتغمض عينك وتنام وتصحى تاني وتبدا عملية الهبوط .

تبص للمسافة اللي هتنزلها والأماكن اللي هتمشي منها ، ألاقي نفسي بقول انا لو كنت شايف المنظر ده وإني هطلع كنت اترعبت . بصيت حواليا لاقيت قمم جبال عالية وسحب تنتصف جبال وأشوف الجبل اللي يقال ان سيدنا موسى تكلم مع ربنا عنده . فالاقي لساني بيردد “تكاد السموات يتفطرن منه وتنشق الارض وتخر الجبال هدا .. ان دعوا للرحمن ولدا” “لا اله الا الله .. لا اله الا الله” والاقي الدموع بتنزل من عيني من غير حساب . واكتشفت انا اد ايه صغير جدا وان الله عظيم .

واقرا سورة طه بصوت انا بسمعه وسط الجبال في طريقي للنزول ، والدموع مش بتقف وصوتي متحشرج . وانا مستغرب انا ازاي بعيط وانا مش مدرك او مقرر ده !

واكتشف ان جسمي لِيه رأي تاني وإني ولو كنت أفجر أهل الارض ، جسمك بيخر ساجدا لله عز وجل غصب عنك .

أوصل للأرض وابص ورايا . الجبل ضخم وقوي وألقي نظرة وامشي وارجع للدنيا إنسان تاني

عرفت اجابة سؤال “ايه اللي جابك هنا”
وعايز ارجع تاني !

نهاد رجب
مؤسسة المنظمة العالمية للتنويم الايحائي
ممارس معتمد للتنويم الايحائي معتمد من الأكاديمية الامريكية للتنويم الايحائي ، نيوميكسكو ، الولايات المتحدة الامريكية




Source

مقالات مرتبطة

وصلت ولله الحمد ، اداة خاصة بالتنويم الإيحائي تستخ...
views 283
وصلت ولله الحمد ، اداة خاصة بالتنويم الإيحائي تستخدم لتحفيز العقل على الدخول في ترددات عقلية مختلفة تسبب الترانس وتقبل الاقتراحات استعدوا يا ممارسين...
خدعونا وعلمونا ان الحيوان كائن غير عاقل مبيحسش مب...
views 2166
خدعونا وعلمونا ان الحيوان كائن غير عاقل مبيحسش مبيفهمش وان ربنا ميز الانسان بالعقل ويوم عن يوم بحس ان الوعي موجود في كل الكائنات وفي الجماد وحتى في...
علموا أولادكم أن الحياة تخضع لمن أراد ، ليس لمن يح...
views 5178
علموا أولادكم أن الحياة تخضع لمن أراد ، ليس لمن يحتاج   فالفقير لا يصنع المعجزات والغني هو من يأتي دائما بما لم يستطع أن يأتي قب...
جلسة تنويم إيحائي (توكيدات فقط) لحياة أفضل وتحكم أ...
views 153
جلسة تنويم إيحائي (توكيدات فقط) لحياة أفضل وتحكم أكبر بالمشاعر | نهاد رجب انضم للصفحة وادعوا اصدقائك للاستفادة. الصفحة الرسمية للمدرب والمعالج نهاد رج...
قولنا فكرة عالميه تضاف في كورس التنويم بالإيحاء &#...
views 62
قولنا فكرة عالميه تضاف في كورس التنويم بالإيحاء - اغسطس 2017 - محصلتش قبل كده في كورس سابق .. وصاحب التعليق بالفكرة الافضل هيكون معانا في الكورس مجان...
تعلم تغيير الماضي بسهولة | الأمر سهل – تعلم ...
views 10265
هل يمكنك أن تغير الماضي ؟ للاستماع الى المقالة صوتيا :  https://www.youtube.com/watch?v=kY9PpDiCfZg   قبل أن أجيب على هذا السؤال دعن...
عقلك الباطن مفيهوش قدرات غير محدوده ! عقلك الباط...
views 193
عقلك الباطن مفيهوش قدرات غير محدوده ! عقلك الباطن ملوش قدرات اصلا .. عقلك الباطن بيستخدمك كوسيط للوصول لأهدافك .. هو بس يعرفك اكتر منك .. يعني تقد...
ماذا ؟ تحقيق هدفك متى ؟ الآن ! كيف ؟ بأي طريقة ...
views 284
ماذا ؟ تحقيق هدفك متى ؟ الآن ! كيف ؟ بأي طريقة أين ؟ هنا وفي كل مكان والظروف ؟ فكر في حلول اخرى والمشاكل ؟ حلها والأخطاء ؟ صلحها والناس ؟ لا تهت...
مش كل حاجه حصلت نعديها ونقول اصلنا بنتعلم منها- نه...
views 3728
  مش كل حاجه حصلت نعديها ونقول اصلنا بنتعلم منها اللي يقولك انسي الماضي واتعلم منه اضربه بالقلم وقوله ديه ضربه قديمه انساها واحمي وشك المو...
انا حظي حلو .. في 2006 كانت اول دوره تدريبيه كامله...
views 129
انا حظي حلو .. في 2006 كانت اول دوره تدريبيه كامله لدكتور ابراهيم الفقي وكانت بتضم المراحل الكامله للتنويم الإيحائي تحت مسمى شهادة "معالج بالتنويم الإ...