خواطر وأخبار نهاد رجب

من كام ما يوم عملت جلسة تنويم لمستفيدة بدأت كلامها بصراحة معايا انها جات بتوجيه … | نهاد رجب


من كام ما يوم عملت جلسة تنويم لمستفيدة بدأت كلامها بصراحة معايا انها جات بتوجيه اختها وأنها كانت رافضة تيجي وأول ما دخلت المركز قالت ان الموضوع نصباية .

ابتسمت ابتسامة بلهاء وحاولت احافظ على اللي اتبقى من الايحو بتاعي بعد ماتجرح نصه وقولتلها تعالي نعمل stems

والتقنية دي زي الاستدعاء الحر والشخص بيكون مغمض عينه وبتساله أسئلة ذكية بسيطة بتحفز فيها المشاعر بتاعته . المهم اول سؤال كان الرد عادي التاني وفي التالت بدأت تعيط .

ادتلها ريبورت بعد الاستيمس واكتشفت معاها ان المشكلة اللي هي جاية علشانها اخر حاجة هي عايزة تتعامل معاها .

واتحول الموضوع بالنسبة لها فجأة من “نصباية” ل “ايه ده ايه ده ايه اللي بيحصل ده”

الجميل في موضوع الجلسات انك طول الوقت بتكتشف ان الناس فيها العجب وحياتهم مليانة غلطات وحتى لما بيطلبوا المساعدة بيطلبوا المساعدة الغلط . حتى هما ممكن ميكونش عارفين هما عايزين ايه الا لما تبدا توصلهم لمرحلة تخليهم هما نفسهم اللي يكتشفوا الخطأ . المشكلة الوحيدة انك لحد اخر لحظة متقدرش تشتغل من دماغك او باللي انت شايفه صح . وبتجاريهم وبتعمل اللي هما دافعين علشانه .

في الحياة بتكتشف ان الموضوع ده شائع جدا .. ناس مش فاهمة مشاكلها فبتحاول طول لوقت تعالج سطحها ، تعمل عمليات تجميل او تحاول تخس او غيره بس تكتشف ان المشكلة ملهاش علاقة بشكلهم اد ما لِيه علاقة بتقدير ذاتهم . واحتياجهم انهم يحبوا نفسهم اكتر او يسامحوا نفسهم اكتر . ناس بتعيش بوشوش مش بتاعتهم وبدل ما يهتموا بنفسهم ويشيلوا القناع اللي عايشين تحتيه ، يقوموا ملونينه ومتخيلين انهم كده بيتحسنوا .

غسيل الذات والنفس وتطهيرها مهم من وقت للتاني، المهم انك تكون شجاع كفاية علشان تواجه نفسك وتدخل جوا الاوضة اللي انت قافلها بمية مفتاح . هتشوف العجب وغيوم ودخان بس في النهاية الرؤية هتصفى .. في النهاية الرؤية لازم تصفى .

اقعد مع نفسك وأتكلم معاك واحكيلك وواجهك واحضنك وارجعلك

يومكم اجمل من يومي
نهاد رجب


Source

مقالات مرتبطة

لما بتحكي مع نفسك عن مشاريعك والخطوات اللي هتعملها...
views 185
لما بتحكي مع نفسك عن مشاريعك والخطوات اللي هتعملها لما حاجة نفسها تحصل وتتخيل ده بيأخر حدوثها او بيقلل من طاقتها . متقولش مثلا لما الفلوس تيجي هيبقى...
أهل تونس الكرام وحشتوني جدا ان شاء الله خلال ايا...
views 228
أهل تونس الكرام وحشتوني جدا ان شاء الله خلال ايام هنبدأ دبلوم التنويم بالإيحاء بالجميلة سوسة الدبلوم الاشهر في تحسين القدرات والتخلص من المشكلات و...
يعني ايه صوت استرخائي تنويمي ؟ من اول لحظه في أي...
views 329
يعني ايه صوت استرخائي تنويمي ؟ من اول لحظه في أي جلسه تنويم بحس اني بدوس على ذرار الصوت وكإن صوتي وطبيعتي وتنفسي بيختلفوا في وقت واحد ٫ وتركيزي ال...
– انت جاهز ؟ – انا اتولدت جاهز | نهاد...
views 33
- انت جاهز ؟ - انا اتولدت جاهز Source
ساعات الانسان بيتعلق بقشاية انا مش بتعلق بقشاية ...
views 322
ساعات الانسان بيتعلق بقشاية انا مش بتعلق بقشاية أنا لو وصلت اني اتعلق بقشاية هسيبها واعوم مع السمك انا مش بموت ولا بخلص انا مرن ومتغير انا البحر ...
شاهد اليوم على الصفحة الرسمية للمدرب نهاد رجب 2 ...
views 229
شاهد اليوم على الصفحة الرسمية للمدرب نهاد رجب 2 ظهرا (توقيت القاهرة) : أبحاث تثبت طريقة مميزة لإطالة العمر وتحسين الحالة الصحية والنفسية والجسدية ...
عقلك مقنع جدا لدرجة انه يقدر يقنعك .. عقلك ملوش ...
views 65
عقلك مقنع جدا لدرجة انه يقدر يقنعك .. عقلك ملوش حدود في التفكير ويقدر يوجه تفكيرك بشكل مقنع جدا ويخليك تصدق ان الارنب اله او ان الشمس كائن حي . يع...
الشيخ عائض القرني كان بيحكي عن قصه طريفة عن واحد ر...
views 48
الشيخ عائض القرني كان بيحكي عن قصه طريفة عن واحد راح لشيخ فقاله : ياشيخ لقد زنيت بإمرأه فحملت مني قال له الشيخ : لماذا لما تعزل عنها حتى لا تبوء...
إحجز مكانك الآن بكورس ممارس التنويم الإيحائي ال...
views 79
إحجز مكانك الآن بكورس ممارس التنويم الإيحائي https://goo.gl/ZqF1MR الآن يمكنك الاشتراك والحصول على أقوى مناهج التنويم الإيحائي بالشرق الأوسط لتتمكن ...