خواطر وأخبار نهاد رجب

والعجيب انك لما تفكر هتكتشف ان قراية ماضي الأشخاص سهل للملاحظ الذكي . الموضوع … | نهاد رجب


والعجيب انك لما تفكر هتكتشف ان قراية ماضي الأشخاص سهل للملاحظ الذكي .

الموضوع ملوش علاقة بمعرفة الغيب او خبط الودع .. اد ما هو ليه علاقة أكبر بملاحظة سلوك الآخرين . كل سلوك كل تعبير وجه وكل حركة بيقوم بيها الشخص ورد فعل ، بتفتح قدامك معرفة أكبر بماضيه وتفاصيل حصلتله في عمره من سنين .

الفكرة جاتلي وانا سايق .. ليه فيه ناس بتدوس على الكلاكس اكتر من ناس تانية ، ناس بتدوس في ظروف معينه وناس تانية مبتدوسش في نفس الظروف . ولاقيت ان العربية ما هي الا بيئة متنقله ، بتحمل شخص متنقل وليه سلوكيات مرتبطة بالبيئة ديه بالتحديد .

ولما تبدأ تسأل ليه فيه حد مثلا ممكن يدوس كلاكس في زحمة تلاقي ان واحد منهم قالي انه بيخاف اللى قدامه يرجع عليه بعربيته لأنها حصلت قبل كده .. فتكتشف ان سلوكه “ضرب الكلاكس” مرتبط بذكرى قديمة حصلتله في عربيته (البيئة الحالية) وسلوكه (اللاواعي) تم تطويره علشان يتجنب المواقف اللى من النوعية ديه تاني .

الناس طول الوقت بتكون سلوكيات واعية او لاواعية (في الاغلب) علشان تحمي نفسها من مواقف اتعرضولها او مواقف شافوا ناس تانية بتتعرض ليها ..

ملاحظتك العميقة لسلوكيات الآخرين بيديلك فكرة عن الظروف اللى مروا بيها ولو واجهت حد بمعلوماتك اللى عرفتها من خلال ملاحظتك لسلوكياته هتلاقيه مستغرب جدا وبيسألك “انت عرفت ازاي!”

انت معرفتش ، بس هو اللى قال ! يمكن بطريقة لاواعية غير مباشرة بس هو اللى قال .. واللى بيعرف يقرا هو اللى هيفهم .. والجميل ان فيه ناس بتحاول تقول بطريقة لاواعية علشان تساعدها .. وكأن فيه كيان موجود جواهم بيحاول يتواصل معاك انت بالتحديد ، لو فهمت هتعرف تتصرف .. الاطفال ليهم سلوكيات بيحاولوا من خلالها يوصلولك معنى “الحقني” او “أكلني” او “حبني واحميني”

الناس لما بتحب بيبقى ليهم سلوكيات لا واعيه بتفضحهم واللى بيفهم هيعرف هما حاسين بإيه بس مش عارفين يعبروا عنه ..

الناس كتب مفتوحة طول الوقت تقدر تقراها .. بس الموضوع محتاج تركيز مش أكتر ..

اعرف اكتر هنا :
https://www.youtube.com/watch?v=5lsyt3ll9hg

يومكم اجمل من يومي
نهاد رجب




Source

مقالات مرتبطة

بذاكر كورس عن الميتا بروجرامز ، او البرامج العليا ...
views 99
بذاكر كورس عن الميتا بروجرامز ، او البرامج العليا الخاصه بالشخص واللي بتشغل عقله وبالتالي بتحدد سلوكه او تفضيلاته او غيرها .. وبمعرفتها بنقدر نتواصل ا...
برنامج الاقناع والتاثير 4-5 مايوقوة التأثير والإق...
views 93
برنامج الاقناع والتاثير 4-5 مايوقوة التأثير والإقناع مع نهاد رجب للحجز : http://goo.gl/forms/BlgX0bwwVq انك تدخل جوة دماغ الشخص الي بتكلمه وتفهم نف...
شعور الندم بيحقق النتيجة السلبية #نهاد_رجب...
views 3757
شعور الندم بيحقق النتيجة السلبية وده مبدأ بشوفه كتير بالذات مع كل واحد عايز يخس .. ولاحظته في الناس اللى بتاكل ومبتتخنش ! اكتشفت ان اللى عايز يخ...
خلال الفترة القادمة هنشط في ال Social Experiments ...
views 209
خلال الفترة القادمة هنشط في ال Social Experiments "التجارب الاجتماعية" وهي بتكون تجارب نفسية بقيس نتايجها وبدرسه وببدأ اناقشه في الدورات او المحاضر...
شاهد كيف يمكن تقوية نظرك بالتنويم الإيحائي | تجربة...
views 89
شاهد كيف يمكن تقوية نظرك بالتنويم الإيحائي | تجربة شخصية لـ نهاد رجب انضم للصفحة وادعوا اصدقائك للاستفادة. الصفحة الرسمية للمدرب والمعالج نهاد رجب ...
وأنتم موقنون بالإجابة | نهاد رجب...
views 64
وأنتم موقنون بالإجابة Source
في هذه الليله الجميله انا بشهد الله اني مش مسامح ا...
views 82
في هذه الليله الجميله انا بشهد الله اني مش مسامح اي حد غلط فيا او اذاني مش مسامح لاني ازاي اشهد الله على حاجه واكون كذاب ؟ ازاي اسامح وانا لسه عندي...
بتبقى اسهل لو اتساهلت بتبقى معقدة لو عقدتها بتبقى...
views 168
بتبقى اسهل لو اتساهلت بتبقى معقدة لو عقدتها بتبقى احلى لو اخترت عايز تشوف ايه وبتبقى وحشه وانت واختيارك هي في النهايه انعكاس ليك انت لانها هي هي ا...