خواطر وأخبار نهاد رجب

من ضمن الجمل المشهورة هو ان العلاقة بين الزوج والزوجة تبقى صداقة لان ده هيخليهم … | نهاد رجب


من ضمن الجمل المشهورة هو ان العلاقة بين الزوج والزوجة تبقى صداقة لان ده هيخليهم يفضلوا مع بعض .. مع ذلك انا حاسس ان الجملة مينفعش ناخدها بشكل مسلم بيه .

في جلسات الدعم النفسي بكتشف ان فيه نسبة من السيدات المتزوجات مش قادرين يكملوا مع ازواجهم وتعدد الاسباب ، ولما تيجي تسال عن العلاقة بين الاتنين هتتصدم لما تلاقي الزوجة بتأكد بشكل جاد انهم اصحاب جدا !

اكتشفت مع الوقت ان المشكلة في فكرة “أصحاب جدا” .. انا مصدق جدا ان صعب العلاقة تتحول من حب لصداقة ، الا اذا كانت العلاقة من الاساس مفيهاش حب او طرق من الطرفين او الاتنين ارتبطوا عن صداقة مش حب من البداية .

الصداقة “حالة” والحب “حالة” والاتنين حتى لو كان شكلهم متقارب فاحساسهم مختلف . وتفاصيلهم مختلفة . في الصداقة بتدور على التشابهات بس في الحب والزواج بتلاقي اكتر الخصوصيات . دمج الحب بالصداقة بيقلل من تأثير الحب وبالتالي بتفقد العلاقة قوتها او هدفها الرئيسي .

يعني الصداقة مفيهاش غيرة مثلا
بس الحب فيه غيره
الصداقة مفيهاش طاعة وفيها مرونة اكتر .
لكن الحب لازم الاتنين يطيعوا قرارات بعض .
الخ

صعب مثلا اتنين اصدقاء يتجوزوا ويبدأ الراجل فيهم يحس بإنه لازم يوجه العلاقة بحكم الحياة الجديدة ، ساعتها الطرف التاني مش هيصدق . وبالتالي صداقة ما بعد الجواز لو كانت في المطلق فهتلاقي مشاكل جادة من نوعية “انا مش قادرة احبه” ، “انا ببص لواحدة غيرها” ، “هي باردة” ، “هو بارد” ، العلاقة العاطفية بيننا ميتة ، بتتكلم كتير ، بيوافقني على كل حاجة .

وفي النهاية تسأل عن الصداقة بينهم فتلاقيها قوية جدا كمان .

وهنا انا مقصدش إن الاتنين يمنعوا الصداقة اللى بينهم بس تبقى تحت ظل الحب وليس العكس . يعني الصداقة والحب صعب يكونوا منفصلين جوا علاقة واحدة . ولو اندمجوا لازم الصداقة تبقى تحت تصنيف الحب وليس العكس زي ما اغلب الناس فاهمة .

طيب نعمل ايه في المعضلة ديه ؟

انا شايف ان الطرفين يتعمدوا الحفاظ على اسرار خاصة بكل واحد فيهم .. يعني الزوج يكون عنده اسرار ميشاركهاش مع مراته والعكس . يبقى فيه خصوصية في الحياة بينهم ويقللوا من صداقتهم .. فكرة الغموض في الشخصيات بتجذب الطرف التاني وبتحفزه انه يطور مشاعر جديدة جواه . الحب بيقل لما الدنيا بتبقى مشاع .

ارتبط بذكاء . وايامكم حلوة .

نهاد رجب


Source

مقالات مرتبطة

علشان السيلفي كان الاختراع الأشهر في الدنيا كوكا...
views 162
علشان السيلفي كان الاختراع الأشهر في الدنيا كوكاكولا عملتلك كانز عليها أسامي علشان كل واحد يجري يدور على اسمه ويفرح ويشتريه علشان كده من ضمن مبادئ...
لو الآباء بدلوا النصايح بالتوكيدات .. الحياة هتبقى...
views 374
لو الآباء بدلوا النصايح بالتوكيدات .. الحياة هتبقى أفضل بدل ما نقول للطفل ذاكر نقوله "انت بتحب تنجح" أو "حبك للنجاح بيزيد يوم عن يوم" أو "انت متفوق"...
ممارسين التنويم الايحائي الحلوين يوم 11 ان شاء ا...
views 249
ممارسين التنويم الايحائي الحلوين يوم 11 ان شاء الله هيكون ميعادنا مع مداخلة تدريبية للجميل جونثن رويل على الاسكايب جونثن رويل من أشهر مدربي ومعالج...
الاخوة المتواجدين بفرنسا لحظات وتبدأ حلقة عن ...
views 211
الاخوة المتواجدين بفرنسا لحظات وتبدأ حلقة عن "التنويم الايحائي المسرحى" لاحد المؤديين للتنويم المسرحي المعروفيين بفرنسا ,على قناة TF1 الفرنسية يرج...
الديون بتجيب ديون نهاد_رجب
views 2834
    الديون بتجيب ديون عمرها مافكت زنقه عمرها ماهتفك زنقه لو عليك ديون سددها حتى لو كانت بسيطة الدين ممكن يكون كلمة حلوة اتقالتلك و...
وانا طفل كنت بصحى من النوم زعلان لاني طلعت بحلم ان...
views 100
وانا طفل كنت بصحى من النوم زعلان لاني طلعت بحلم اني كبرت ومعايا حاجات كتير .. دلوقتي بقيت اصحى من النوم زعلان لاني شوفت نفسي طفل مبسوط مش معايا حاجه و...
منها تحسين البشرة والتخلص من حب الشباب تعرف على ...
views 151
منها تحسين البشرة والتخلص من حب الشباب تعرف على الفوائد العلميه للصيام الرمضاني ستحب الصيام في كل ايام السنة بمشاهدتك لهذا الفيديو 🙂 https://ww...
من حوالي 14 سنه تقريبا والدي توفى ، كنت نايم لما ل...
views 59
من حوالي 14 سنه تقريبا والدي توفى ، كنت نايم لما لاقيت اختي بتصحيني وسط صريخ وعياط وبتقولي اصحى بابا مات ! مكنتش مدرك ايه اللي بيحصل ، بس كل اللي فاكر...
أقدم مقنع في التاريخ هو ابليس ! استخدم تقنيات ال...
views 233
أقدم مقنع في التاريخ هو ابليس ! استخدم تقنيات الاقناع النفسي لما قال لآدم "هل أدلك على شجرة الخلد وملك لا يبلى" خلينا نفهم التقنيات المستخدمة : ...
الخطوة اللي تاخدها لهدفك في خيالك تتحسب | نهاد رجب...
views 233
الخطوة اللي تاخدها لهدفك في خيالك تتحسب Source