خواطر وأخبار نهاد رجب

عقلك قوي بيك … عقلك الباطن من ضمن الخصائص الخاصة بيك انه المطبخ اللى بيطلع ا… | نهاد رجب


عقلك قوي بيك …

عقلك الباطن من ضمن الخصائص الخاصة بيك انه المطبخ اللى بيطلع النتايج اللى بتحصل عليها ، انت بتديله المقادير وهو بيبدأ يطبخ .. ولحد هنا العلاقة بينك وبين عقلك الباطن طبيعية .. بس المشكلة انك تنسى تديله المقادير وتطلب منه يطبخ من غير توجيه .. ساعتها بتكون المشكلة .

والمتمثلة فيه “الفوبيا بكل انواعها” ، وغيرها من المشكلات النفسية الي بتبدأ تظهر بسبب انك اما لم تعطه المقادير الصحيحة أو انك قولتله طلبك بشكل عام ..

عقلك مش بيعرف يطبخ ! عقلك بيحتاج توجيه .. الطبخة هي النتيجة اللى بتحصلك .. والمقادير هي الاقتراحات .. اما النفس في الاكل فهو الحالة اللى بتدي فيها الاقتراحات واللي بتؤثر على توجه الاقتراحات ونوعيتها في عقلك ..

يعني ايه الكلام ده ؟

يعني مثلا ، واحد في مرة قرر انه ميتكلمش مع الناس تاني ويتجنبهم .. والفكرة ديه بدات تدخل في دماغه لحد ما بدأت تكبر وتتنوع ، في البداية تجنب الناس وشوية شوية بدأ يخاف منهم وانتهى بيه الامر انه يقفل الباب على نفسه وميطلعش تاني يقابل حد فيهم !

هو أكيد في البداية مكنش يقصد انه يوصل للمرحلة ديه ، بس هو ادى لنفسه الاقتراحات في البداية واقتراحه كان عام وكإنه ترك لعقله الحرية في طبخ النتيجة بالشكل اللى هو عايزه . وبسبب ان عقلك لا يفهم ولا يعرف الصح والخطأ ، فكانت النتيجة سلبية ولكنها بتوصل الشخص للهدف المطلوب !

الحالة النفسية : حزين بسبب موقف (سلبية)
الاقتراحات : انا عايز اتجنب الناس
النتيجة : رهاب اجتماعي !

والنوعية ديه من الناس بسميهم “They are the masters of their own minds”

او المتحكمين في عقولهم .. بس ازاي ؟! الناس ديه سهل جدا انها تدي اقتراح وسهل ان عقلهم يشتغل على اقتراحهم .. وبالتالي بيحصلوا على النتايج اللى هما طلبوها لو كانوا طلبوها بالشكل المناسب .

أي مشكلة نفسية ، أي تعب انت فيه ، بيكون سببه انك طلبت النتيجة ديه في لحظة ما وانت في حالة ما (غالبا سلبية) ونسيتها (Sleeper Effect) وبدأ عقلك يشتغل عليها ، يمكن تكون نسيتها اصلا ولكن عقلك شغال عليها وبيوصلك بشكل تدريجي وساعات صادم للنتيجة ديه بالطريقة بتاعته .

يمكن ده يوضح معنى كلمة “الانتحار اللارادي” ان عقلك ممكن يوجهك انك تإذي نفسك بسبب توجيهك اللاواعي ليه ، بعض الناس بتتعرض للانتحار اللارادي واللي معناه انهم مقرروش ينتحروا بس داخليا هو عايزين كده ، فمثلا تلاقي الشخص منهم يعدي الشارع من غير ما يبص يمين او شمال او يقعد فترة طويلة جدا مياكلش ! هو بيموت نفسه من غير ادراك واعي منه هو شخصيا !

عقلك مش مكان للعب والهزار وهنا كانت اهمية التنويم الإيحائي .. وزي ما بيتقال في الأمثال “زي ما طلعت الشجرة انزلها” فالتنويم الإيحائي بيستخدم نفس الاستراتيجية اللى انت طلعت بيها الشجرة “وصلت بيها للنتيجة” وبيعكسها ..

التنويم هو : حالة (مناسبة) + اقتراحات مكثفة وشاملة وواضحة + استرجاع سليم .

بتبدأ في حالة التنويم الإيحائي تعكس العملية كلها بالطريقة المطلوبة وزي ما عقلك قبل الاقتراح الاول ليك هيقبل الاقتراح الجديد .

فكر في كل حاجة او اي نتيجة ..

الوزن الزائد مثلا ؟ متبصش للنتيجة النهائية بس انظر لمعناها .. الوزن الزائد ده ممكن يكون ليه مليون سبب نفسي غير انك بتاكل كتير ، ممكن يكون هروب ، او خوف او حماية ، الخ …

ويمكن وزنك يكون بيزيد بسبب انك رابط لاواعيا بين زيادة وزنك وبين حمايتك لنفسك مثلا .. وبالتالي انت محتاج توضح يعني ايه “الحماية الشخصية” للعقل وساعتها هيبدأ يعكس العملية ، بالشكل الايجابي الاخر اللى انت عايزه .

التنويم الإيحائي هو التقنية الجديدة اللى هتساعد العالم يتحسن للأفضل

نهاد رجب
أول مدرب عربي للتنويم الضمني
مدرب ومعالج بالتنويم الإيحائي .


Source

مقالات مرتبطة

ضاعف شعورك مقالة جديدة ل نهاد رجب...
views 3835
  لما تفرح اتنطط وصرخ بصوت عالي لما تنبهر اندهش وبرق وخد نفس عميق واكتمه لما تزعل ازعل وعيط لما تحب ، بالغ في حبك ولما تضحك ، اتمرمغ على...
وهم المستقبل مع نهاد رجب
views 2543
  مفيش حاجة اسمها مستقبل فيه ماضي وحاضر واي حاجة اكتر من كده متخلقتش لسة ابعد مسافة لمستقبلك موجود عند طرف انفك وكانك بتدفع بحيطة لقدام ، في ...
في النهاية هتكتشف ان كل صح كان غلط وكل غلط كان صح ...
views 789
في النهاية هتكتشف ان كل صح كان غلط وكل غلط كان صح واختياراتك ولو كانت غلط هييجي عليها يوم وتكتشف انها صح واختياراتك ولو كانت صح هييجي عليها يوم وتغل...
الانتقاد أسهل من المواجهة بالذات لو تم وسط مجموع...
views 105
الانتقاد أسهل من المواجهة بالذات لو تم وسط مجموعة من الهتيفة على درجات السلالم - انتقدت فلان ؟ شتمته ؟ دخلت في نيته ؟ عرفت الناس انك بتفهم عنه وأ...
بكرة ان شاء الملك بداية كورس ممارس التنويم الإيحائ...
views 100
بكرة ان شاء الملك بداية كورس ممارس التنويم الإيحائي (المرحلة الثانيه) في المملكة الأردنية الهاشمية . مبسوط ومستعجل ومستني ومع ان الكورس يعتبر الساعا...
انا حظي حلو .. في 2006 كانت اول دوره تدريبيه كامله...
views 130
انا حظي حلو .. في 2006 كانت اول دوره تدريبيه كامله لدكتور ابراهيم الفقي وكانت بتضم المراحل الكامله للتنويم الإيحائي تحت مسمى شهادة "معالج بالتنويم الإ...
كورس ممارس التنويم الايحائي – اعتماد مؤسسة ا...
views 127
كورس ممارس التنويم الايحائي - اعتماد مؤسسة المايندكير البريطانية (من البداية للممارس) الآن يمكنك الحجز بالكورس والحصول على أقوى مناهج التنويم الإي...
تابعوني على السناب تشات : nihadragab والانستجرا...
views 84
تابعوني على السناب تشات : nihadragab والانستجرام : nihadragab وانتظروا المزيد من التفاعل خلال الفترة القادمة 🙂 نهاد رجب Source...
نبوءه جديده : برنامج تدريبي من يوم واحد – ...
views 61
نبوءه جديده : برنامج تدريبي من يوم واحد - هيكون يوم جمعه في شهر اكتوبر الجاي ان شالله . هيكون عدد الحضور 500 متدرب . هتكلم فيه عن "التنويم الذاتي" و...
مفيش اسخف من حد تجامله فتلاقيه قاعد يتمتم ويستعيذ ...
views 84
مفيش اسخف من حد تجامله فتلاقيه قاعد يتمتم ويستعيذ من شر حاسد اذا حسد . او تقعدي جمب حد عنده اعاقه وتردد بصوت او من غير صوت وانت باصصله بشفقه "الحمد ...