خواطر وأخبار نهاد رجب

النهاردة سيبت المحفظة في العربية رجعت روحت مشوار وانا راجع ، جاتلي فكرة اني اخد… | نهاد رجب


النهاردة سيبت المحفظة في العربية
رجعت روحت مشوار وانا راجع ، جاتلي فكرة اني اخد المحفظة من العربية وانا طالع البيت
خدت المحفظة ومشيت جاتلي فكرة تانية “هو انا قفلت الازاز بتاع العربية؟”
رجعت تاني ولاقيت فعلا اني نسيت الازاز مفتوح فقفلته ومشيت …

وبعد كده فكرت .. هو انا لو مكنتش قفلت الازاز ، كان ممكن يحصل ايه ؟
كان ممكن حد ييجي ويفتح العربية في ثانية وياخد المحفظة
طيب طالما انا خدت المحفظة قبل ما اقفل الازاز اصلا .. ليه ربنا خلاني افتكر اني اقفل الازاز ؟
طالما افتكرت اني اقفل الازاز ، كان ممكن اسيب المحفظة عادي
فاكتشفت اني عملت الخيارين اللى هيأدوا في النهاية لنفس النتيجة الا وهي “اني هكون في أمان”

لو كنت سيبت المحفظة وقفلت الازاز مكنتش هتتسرق المحفظة
ولو كنت سيبت الازاز وخدت المحفظة مكنتش برضه هتتسرق المحفظة

ليه بقى ربنا خلاني افتكر اني اخد المحفظة وبعد شوية خلاني افتكر اني اقفل الازاز ؟

الموقف ده خلاني افكر بشكل ابعد من كده .. في الحياة مثلا ، اختياراتنا ، هل هي محددة ولا ليها اكتر من شكل وموجهه ؟ لو كانت محددة ، كان زماني عملت حاجة واحدة من الاختيارين ، ولو كانت موجهه كان زماني برضه اخترت اختيار واحد .. بس فكرة اني انفذ كل الاختيارات “اخد المحفظة واقفل الازاز” ده معناه اني كنت المتحكم في الحالتين ، وربنا اداني اختيارين ، اين كان اختياري كان هيؤدي لنفس النتيجة . بس كان فيه اختيار تالت اصلا الا وهو اني اسيب المحفظة اصلا واطلع البيت .

باسقاط ده على حياتي بالكامل ، لاقيت لا الموضوع كبير ، ده حياتي بالكامل كان ممكن يكون فيها التفاصيل ديه حتى لو انا مأدركتهاش .. كل شوية الحلول كانت موجودة وبأكتر من شكل ، وتوجيه ربنا يكمن في ان الله عز وجل يخليك تدرك المشكلة ، وبيديلك تلات حلول او اكتر .. اما متتصرفش وتكون سلبي ، او تختار اي من الاختيارات التانية اللى هتوصلك للحل .

لو فكرت في حياتك ، هتلاقي ان اي مشكلة في حياتك بتتكون من “مشكلة” ساعتها من غير ما تفكر هتفهم ان فيه حلول ، طالما فيه مشكلة يبقى لازم يكون فيه حلول ، اختيارك لأيهم ده بيعتمد على ارادتك انت الشخصية لكن فهمك وملاحظتك للتحدي هو عمل رباني .

والله اعلم

نهاد رجب


Source

مقالات مرتبطة

إعتماد ال National Guild of Hypnosis تم بحمد الل...
views 238
إعتماد ال National Guild of Hypnosis تم بحمد الله اعتمادي من مؤسسة ال N.G.H "كمعالج معتمد بالتنويم الإيحائي" وعضو من أعضاءها ومهمتنا هو نشر التنويم ...
Solar Energy for Mother Earth and Everyday Smiles
views 277
Paleo ethical Williamsburg Wes Anderson Vice biodiesel +1, asymmetrical mlkshk shabby chic tofu. Heirloom hoodie migas, fashion axe paleo Intelligents...
الشيخ عائض القرني كان بيحكي عن قصه طريفة عن واحد ر...
views 42
الشيخ عائض القرني كان بيحكي عن قصه طريفة عن واحد راح لشيخ فقاله : ياشيخ لقد زنيت بإمرأه فحملت مني قال له الشيخ : لماذا لما تعزل عنها حتى لا تبوء...
– كل الرجالة غدارين – ايه اللي حصل ؟ ...
views 69
- كل الرجالة غدارين - ايه اللي حصل ؟ - كل ما ارتبط بحد لازم يختفي فجأه بدون مقدمات - ايه النمط اللي بتعمليه كل ما ترتبطي ؟ - يعني ايه ؟ - يعني بت...
الكورس المنتظر ، دبلومة الفراسة أخيرا بإيفري فرنسا...
views 357
الكورس المنتظر ، دبلومة الفراسة أخيرا بإيفري فرنسا مع المدرب الرائع محمد زكريا أول مدرب عربي لقانون الجذب كورس الفراسة من الكورسات اللى انا متحمس ل...
حاجة واحدة نفسك تعملها قبل ما يبقى الوقت غير مناسب...
views 57
حاجة واحدة نفسك تعملها قبل ما يبقى الوقت غير مناسب Source
اللهم بارك ، شكرا لثقتكم تم في خلال يومين او اقل م...
views 72
اللهم بارك ، شكرا لثقتكم تم في خلال يومين او اقل من انتهاء الحجز بأول 10 أماكن بكورس ممارس التنويم الإيحائي وعليه اي حجز جديد سيكون ضمن ثان عشر اماكن ...
لقد تم اختيارك مقال لـ نهاد رجب...
views 2741
قال عنك الله أن كيدك عظيم وقال عن الشيطان أن كيده ضعيف   والله أعلم بمن خلق .   وقال الشيطان "وما كان لي عليكم من سلطان"   وقال الله، من خلق...
تم اختياري لتدريب التنويم بالإيحاء في أكبر مؤسسات ...
views 210
تم اختياري لتدريب التنويم بالإيحاء في أكبر مؤسسات التنمية البشرية في المملكة المغربية وقريبا في الشرق الأوسط SMS 23 اكتوبر الحالي 2016 لو عايز تعر...
اعزائي اخيراً ع بداية الطريق للانستجرام اراكم ...
views 284
اعزائي اخيراً ع بداية الطريق للانستجرام اراكم ع خير nihadragab Source