خواطر وأخبار نهاد رجب

عزيزي اللى مش عارف حاجة في اي حاجة واتكعبل في كلام عن التنويم الايحائي وكالعادة … | نهاد رجب


عزيزي اللى مش عارف حاجة في اي حاجة واتكعبل في كلام عن التنويم الايحائي وكالعادة دخل يقلش .. خليني اقولك حبة حاجات ..

مبدئيا جملة “تنويم تغطاطيسي” والله العظيم ما بتضحك ، يا دين النبي ! فيه ناس لسة فاكرة لما يتريقوا على التنويم الإيحائي ويسموه تغطاطيسي يبقوا كده اسماعيل يس في نفسهم .. ديه اسمج جملة ترفيهية دعابية ممكن تتقال لممارس تنويم إيحائي عنده أمل في بكرة . سمجة اوي يعني

مبدئيا انت بتخلط بين التنويم الإيحائي والمغناطيسي ، وانت اصلا اكيد لا عارف الفرق بين المغناطيسي ولا الإيحائي وغالبا كده ثقافتك عن التنويم مقتصرة على افلام اسماعيل يس وشد اللحاف وشده انت الاول ، ولو دخلت في مناقشة علمية في التنويم مع ممارس التنويم الايحائي هيبقى شكلك وحش فانا انصحك بلاش نكتك ودعاباتك ياعم الاستاند اب .

ثانيا جملة “ماتنيمني كده” ، الجملة ديه تخليني اهرب منك اصلا ، يعني انا كممارس تنويم إيحائي لو حد قالي نيمني ، هفهم على طول انه مش فاهم هو بيقول ايه وبيجود ، الموضوع اصلا مفيهوش نوم ، والله مافيه نوم ، وحياة خالتو مافيه نوم ، يا رب خريستو يموت ما فيه نوم ، الموضوع موضوع استرخائي ولو عايز تبين نفسك بتفهم قول “طيب ما تديني اقتراحات اني مبسوط في حياتي”

ثالثا “انا مش مقتنع بالتنويم الإيحائي”
يجدع متعصبنيش ، ايه بالظبط اللى انت مش مقتنع بيه ؟ ينفع ترفض الاقتناع بشىء انت اصلا مش عارف ماهيته ؟ يعني ينفع اقول انا مش مقتنع بيك كبني آدم ؟ اللى هو التنويم الإيحائي مش في دايرة الاقتناع والرفض ، هو في دايرة الاستخدام من عدمه ، يعني افتراضية وجوده موجودة ولا تمس واقرا من هنا للسنة الجاية عن اعتمادات التنويم وتصديقات التنويم في مؤسسات الطب والحكومات والعلماء والمتخصصين والابحاث والجامعات ، وتيجي حضرتك تقولي انا مش مقتنع بيه ؟ 😀 اللى هو انت ابن مين ف مصر ياجدع انت متعصبنيش ، خليك متحضر واسال وافهم وادرس وبعد كده قول رأيك الفذ وبلاش سآلة والنبي .

رابعا “ممكن تعلمني التنويم الإيحائي”
انا ممكن اعلمك تعد من 1 ل 10 ، بس فكرة انك تبعتلي رسالة وتقولي اعلمك في خطوات مكتوبة ازاي تدخل حد في الحالة ، فده صعب ومستحيل وللاسف محبط ، الناس في العالم كله بتزحف وبتروح كورسات وبتسافر دول علشان تتعلم ، وانت عايز وانت قاعد في تكييفك ولا نايم على سريرك اني ارد على رسالتك العاجلة واقول لسيادتك ازاي تدخل حد في تنويم ؟ من فضلك بلاش الاسئلة ديه . وعموما فيه مقالات كتير بتديلك فكرة تقدر تدور بنفسك عن الموضوع .

خاطرة من قلب تونس ، سيبوا الناس في حالها واتعلم انك لو مش فاهم دور واعرف واسال ، الرجولة مش ف انك ترفض ، الرجولة والجدعنه في انك تفتح دماغك للجديد وتبان انك متحضر اكتر ساعتها .

نهاد رجب


Source

مقالات مرتبطة

كل حاجه عايزها دخلت في ادراكك وطالما قدرت تدركها ...
views 96
كل حاجه عايزها دخلت في ادراكك وطالما قدرت تدركها تبقى قادر تحصل عليها لو مكنتش ليك مكنتش هتفهمها ولا هتشوفها من البدايه احنا بنطلب فقط اللي نقدر نفه...
الاطفال عايشين بوعيهم التاني (العقل الباطن) وتفكير...
views 153
الاطفال عايشين بوعيهم التاني (العقل الباطن) وتفكيرهم المجرد برمجة .. لو طفل في طفولته قرر انه يدي معنى لموقف او تجربة حصلتله ، هتتثبت عنده لسنين وسنين...
تامر حماده ، شاب قدر انه ينزل وزنه حوالي 40 كيلوا ...
views 71
تامر حماده ، شاب قدر انه ينزل وزنه حوالي 40 كيلوا في خلال سنه ، الراجل لا راح جيم ولا عمل دايت ولا كل اكل نباتي بس . الراجل بس فكر وقرر وخد خطوة . ت...
Thank you Dr. Royle for accepting my invitation to...
views 120
Thank you Dr. Royle for accepting my invitation to train my trainees in Egypt Online , we loved you so much , and we really hope you'd accept more and...
ساعات بسيطة ان شاء الله ونبدأ رحلة جديدة مع التنوي...
views 32
ساعات بسيطة ان شاء الله ونبدأ رحلة جديدة مع التنويم الإيحائي والنموذج الأول لممارس التنويم الإيحائي الذاتي . (القاهرة) متحمس وبشدة وبعنف للكورس وان ...
10 أسباب #ليه_لازم_تحضر_كورس_ممارس_التنويم_الإيحا...
views 175
10 أسباب #ليه_لازم_تحضر_كورس_ممارس_التنويم_الإيحائي السبب العاشر لحضور كورس #التنويم_الإيحائي: (مهنيا) من فترة كتبت سعر جلسة واحدة للتنويم الإيحا...
ده مش نص اكتئابي ده كلام لو فعلا فهمته … هت...
views 2395
بستغرب الناس اللى متمسكة بالدنيا بتخاف اوي من الموت نسيوا انهم كانوا خايفين من الحياة ومتمسكين بالعدم في يوم من الايام ونسيوا ان الموت هو...
#تحرر
views 1972
  انت جزء من هذه الحياة ، لا تقبل ان تعيش على هامشها انت جزء من تكوينها انت الكون كله ينبع من داخلك لانك مخلوق من المصدر انت روح الله فلا ...
الآن بالقاهرة وبمواصفات دولية معتمدة | كورس ممارس ...
views 240
الآن بالقاهرة وبمواصفات دولية معتمدة | كورس ممارس التنويم الايحائي نوفمبر 2016 سيتم تدريبك على أحدث التقنيات الخاصة بالتنويم الإيحائي في العالم لتقو...
كلمة “معلش” بتريح كلمة “ما تزعل...
views 141
كلمة "معلش" بتريح كلمة "ما تزعلش" حلوة لو جات في الوقت المناسب وحسستك بالاهتمام ساعات بتكون كفاية للشخص الخايف او اللي عايش وجع وساعات بتفرح قول...