خواطر وأخبار نهاد رجب

انا بفرح لما حد الاقي حد بينجح في مجال التنمية البشرية سواء التدريب او الفيديوها… | نهاد رجب


انا بفرح لما حد الاقي حد بينجح في مجال التنمية البشرية سواء التدريب او الفيديوهات والسوشيال ميديا

ليه بقى ؟

لإني ذكي

يعني هو ربنا اداله كاريزما ، شد ناس كتير ليه ، وناس كتير حبته وبدات تاخده قدوة ، سواء انا مختلف او متفق معاه ، هل هو هيفيدني ؟ اكيد ! ازاي بقى ؟

لما قاعدة الراجل ده او الست ديه ، تزيد ، ويبقى فيه نسخ اكتر منهم ، يحبهم ناس اكتر واكتر ، الناس ديه في النهاية هتبحث ، هو ايه اللى هما بيقدموه ده ؟! يعني ايه الكلام ده ؟ وفي النهاية هيتكعبلوا فيا او في اي مدرب تاني على وجه البسيطة . وده معناه انك انت في النهاية بتستفيد .

لما راجل زي ده يقدر يلم اكبر عدد من الناس ، ده معناه ايه ؟
معناه ان شعبيتك انت ومن غير ماتعمل حاجة بتبدأ انها تزيد والاهم من كده ان شعبية المجال بتاعك بتزيد وبالتالي اعتمادات اكبر وثبات اكبر وسوق مستقر اكتر .

فمتبقاش عبيط وتهاجم الناس النافعة منهم ، والاقي كل شوية بوست ضد د ابراهيم الفقي او د احمد عمارة او كريم اسماعيل او غيرهم ، ليه بقى ؟ لانك لو اقنعت مليون واحد ان فلان الفلاني كان غلط .. والناس صدقتك ، في النهاية انت كمان هتضر يا جميل .

الشاهد ! خليك في حالك ، عيش حياتك ، نافس نفسك ، ولسة فاكر جملة لصديق جميل ليا قديم اسمه وليد حبيب ، مدرب برمجة عصبية معروف في الاسكندرية ، قالي التميز هي صفة سلبية ! ولما استغربت قالي لان اللى بيحب التميز بيهتم بمنافسة الاخرين ، الافضل انك تتميز على نفسك وديه قليل جدا اللى يقدر يعملها .

في كورس الاقناع والتأثير من ضمن التقنيات اللى بدربها للناس نظرية اتكلم عنها دان اريلي ، لو معرفتش تقنع الناس ، هاتلهم حد تاني يقنعهم ، وفي النهاية سواء انت او غيرك اللى اقنعهم ، منتجك اللى هيتباع ، وهو ده اللى انت عايزه من البداية .

ركز في شغلك وشجع الناس انها تنجح ، تخصص في مجالك ، وارفع سقف توقعات الناس تجاهك ، وهتلاقي نفسك في مكانك وثابت وبتطور وبتتقدم ، بسبب ناس تانية ربنا وهبلها حاجات مش عندك انت بالتحديد .

وخليك ذكي

ايامكم حلوة ومثيرة للاهتمام


Source

مقالات مرتبطة

لحجز جلسة خاصة للدعم النفسي او استشارة مع المدرب و...
views 260
لحجز جلسة خاصة للدعم النفسي او استشارة مع المدرب والمعالج نهاد رجب يرجى الاتصال على هذا الرقم 01122221238 التقنيات المستخدمة : التنويم بالإيحاء وا...
تم بحمد الله الانتهاء من كورس “دبلوم وممارس ...
views 198
تم بحمد الله الانتهاء من كورس "دبلوم وممارس التنويم بالإيحاء" في فرنسا 7 أيام تدريبية .. تعودت على لقاكم والملتقى الجنة ان شاء الله في جنة الدنيا قب...
عقلك قوي بيك … عقلك الباطن من ضمن الخصائص ...
views 1299
عقلك قوي بيك ... عقلك الباطن من ضمن الخصائص الخاصة بيك انه المطبخ اللى بيطلع النتايج اللى بتحصل عليها ، انت بتديله المقادير وهو بيبدأ يطبخ .. ولحد ه...
بدء قبول طلبات الحجز بكورس ممارس التنويم الايحائي ...
views 62
بدء قبول طلبات الحجز بكورس ممارس التنويم الايحائي - اغسطس - القاهره ٢٠١٧ الكورس ايام الخميس والجمعة والسبت من كل أسبوع لمدة ثلاث أسابيع بشهر اغسطس ...
فطرة الإنسان – الجنة #نهاد_رجب...
views 4134
مشكلة الإنسان انه عايز يعيش منفصل عن المشاكل والأخطاء والسلبية هو بشكل فطري بيدور على الجنة من غير ميعرف هيا إيه هو عايز يوصلها   الجنه والجحي...
التخلص من التأتأة | جلسة تنويم إيحائي للمتخصصين فق...
views 627
التخلص من التأتأة | جلسة تنويم إيحائي للمتخصصين فقط | نهاد رجب انضم للصفحة وادعوا اصدقائك للاستفادة. الصفحة الرسمية للمدرب والمعالج نهاد رجبhttps://...
طالع كوبري أكتوبر وماشي على ٦٠ متعود اني اثبت الس...
views 99
طالع كوبري أكتوبر وماشي على ٦٠ متعود اني اثبت السرعة علشان متلقطش ردار ودايس بنزين وعارف اني مش هعدي ال ٦٠ بسبب مثبت السرعة ومن وقت للتاني ببص على ...
اليوم اللي يعدي من غير ما تقول “اخيرا خلصت&#...
views 326
اليوم اللي يعدي من غير ما تقول "اخيرا خلصت" ميتحسبش انجزت ايه النهاردة ؟؟ Source
لايف كمان ٣ دقايق وحابب أرد ع أسئلتكم نهاد رجب ...
views 188
لايف كمان ٣ دقايق وحابب أرد ع أسئلتكم نهاد رجب Source
تقريبا 90% من البيوت المصرية كانت هتشتري بيت في مد...
views 1416
تقريبا 90% من البيوت المصرية كانت هتشتري بيت في مدينة نصر او التجمع الخامس او المعادي او 6 اكتوبر او الشيخ زايد ، ورفضوا لإنها كانت ساعتها صحرا ، و 10...