خواطر وأخبار نهاد رجب

مية وهوا O2 و H2O عايز تعرف اد ايه انت ضئيل ؟ تأمل كده ، إن العالم كله لو … | نهاد رجب


مية وهوا
O2 و H2O

عايز تعرف اد ايه انت ضئيل ؟

تأمل كده ، إن العالم كله لو كان ملك يمينك والفلوس والثروات كلها كانت في حسابك بإسمك ، في النهاية لا هتقدر تشرب ورقة ب 100 دولار ولا تتنفس دهب

وكإن الله عز وجل بيوصلنا باختيار للمية ، اللى ملهاش طعم ولا لون ولا رائحة ، إنها تكون سبب الحياة ومنها خلق كل شىء حي ، اننا صغيرين اوي ، اوي ، لدرجة اننا في عز جبروتنا ، مع اقل شعاع للشمس واحساس بالعطش ، بنجري نشرب مية ، اللى هي أقل مادة في الدنيا تكلفة وهي نفسها الوحيدة اللى منقدرش نستغنى عنها .

والتشابه بين المية والهوا ، إن حتى الهوا ملوش طعم ولا ريحة وبرضه شفاف زيه زي المية ، والاتنين متقدرش تمسكهم بإيدك مهما بلغت قوتك وجبروتك .

اللى نعرفه عن الجنة اننا هنشرب شربة من يد الرسول صلى الله عليه وسلم لا نظمأ بعدها ابدا .. وكإن علاقتك ببشريتك الضئيلة انتهت للأبد ، وفيه مية تانية من نوع خاص شربك ليها هيكون بهدف الاستمتاع مش الحياة .

حياتك هنا حياة وهمية ، ضئيلة ، مضحكة وهزيلة ، ريتشارد دوكنز ولا هوكنز ولا اي حد من مشاهير الالحاد ، في النهاية بيشرب مية ، ولو في يوم زعلت أو اتضايقت او اكتشفت ان حياتك مش ماشية على كيفك ، فكر نفسك آد ايه انت ضئيل في كون واسع ، وبص لكوباية المية . وخلي شغفك الجنة ، وشربة لن تظمأ بعدها أبدا .


Source

مقالات مرتبطة

اللهم انّا لا نسألك اللطف فيه .. ولكنّا نسألك رد ا...
views 27
اللهم انّا لا نسألك اللطف فيه .. ولكنّا نسألك رد القضاء Source
أحسنوا الظن بالله أحسنوا الظن بالناس أحسنوا الظن...
views 838
أحسنوا الظن بالله أحسنوا الظن بالناس أحسنوا الظن بأنفسكم وأحبوا Source
Success Is a Choice – What Are You Going to ...
views 292
Mlkshk lo-fi banh mi bitters Kickstarter kitsch food truck selfies, semiotics banjo. Single-origin coffee +1 cliche 3 wolf moon Thundercats, kogi four...
انهي اختيار هيحسسك بالندم اكتر لو معاك عربية : (...
views 172
انهي اختيار هيحسسك بالندم اكتر لو معاك عربية : (١) تروح مشوار من طريق انت متعود عليه وتكتشف انه زحمة وتفتكر ان كان فيه طريق تاني كان ممكن تروح منه ...
مفيش اسخف من حد تجامله فتلاقيه قاعد يتمتم ويستعيذ ...
views 84
مفيش اسخف من حد تجامله فتلاقيه قاعد يتمتم ويستعيذ من شر حاسد اذا حسد . او تقعدي جمب حد عنده اعاقه وتردد بصوت او من غير صوت وانت باصصله بشفقه "الحمد ...
انا بحب الشاطر وبحترمه وبتعلم منه بالذات لو بيع...
views 133
انا بحب الشاطر وبحترمه وبتعلم منه بالذات لو بيعمل الخير واللي بيعرف يستخدم التقنيات صح ويحترم عقول الناس ويتعب على إعلانه ، هكون في اول صف في المدا...
عندما أمر الله آدم وحواء أن يهبطوا الى الأرض عقابا...
views 287
عندما أمر الله آدم وحواء أن يهبطوا الى الأرض عقابا لهم على أكلهم من الشجرة .. "فتلقى آدم من ربه كلمات" (أي أن الله أوحى لآدم بكلمات ليتوب الله عليه)...
لما تعرف انك مسئول عن حياتك والنتايج اللي بتحصل عل...
views 104
لما تعرف انك مسئول عن حياتك والنتايج اللي بتحصل عليها . دا بيعتبر اجمل خبر ممكن تسمعه . دا بيخليك فاهم ان الدنيا ديه بتاعتك وتقدر توجه الاحداث زي ما ت...
اصرف على دماغك واستعد للوفرة قانون ثابت ، هتتعب هت...
views 71
اصرف على دماغك واستعد للوفرة قانون ثابت ، هتتعب هتستقبل .. نيتك هتحرك النتائج لصالحك . لكن هتقف مكانك وتتفلسف وتفكر هترجع ايدك فاضية الدنيا غير منطقي...