خواطر وأخبار نهاد رجب

امبارح كنت في تحقيق مع صحفية لجريدة الأهرام حول التنويم الإيحائي ، فبتسألني عن ا… | نهاد رجب


امبارح كنت في تحقيق مع صحفية لجريدة الأهرام حول التنويم الإيحائي ، فبتسألني عن اغرب او اصعب جلسة تنويم عملتها ، قولتلها ان كل الجلسات غريبة بس فيه جلسة كانت مختلفة

شخص ما اتصل عليا وقالي ان مراته هو شاكك انها بتخونه وشاف واحد نازل من العمارة اللي هي ساكنة فيها

وعايز يعرف بالتنويم الإيحائي هي بتخونه ولا لا

هو تقريبا كان فاكرني هفتح المندل واعمل زار وادق عصافير وأقوله الحقيقة ، ومع ذلك جالي فضول اقعد معاهم وفعلا جيه وجاب مراته (المجرمة المفروض) وبدأنا نتكلم وعرفت انه شغال في وظيفة ما كلها قايمة على التحقيق والشك ، وبدون تفاصيل علشان متحبسش ، عرفت انها مراته التانية مش الأولانية ، هو مسلم وهي مسيحية واتجوزها على مراته بطريقة ما .

وبعد كلامه لمدة دقيقتين ، حسّيت أني فهمت حاجه ، حاجه مش لطيفة ، انه جايب مراته على أساس انها هي العميلة اللي همارس عليها التنويم علشان اكتشف انه هو المفروض اللي يكون قاعد مكانها ، الراجل مجنون يا جماعة ، الست معملتش حاجه وانضف منه والراجل طلع هو اللي المفروض يتعالج ، اجيله يمين او شمال ، مفيش هو مصر انه متأكد انها خانته

جيبته ع جمب وكلمته بطريقة مشبوهة كده كأني هبيعله مخدرات و وقولتله أني اعرف واحد صيدلي ، ده يقدر يعمل مادة اسمها ليثيوم الصوديوم (مش فاكر اسمها) ، قالي عندنا الحقن دي ، قولتله ممتاز بس مش هتبقى حقن هي هتبقى شرب

*المادة دي معروف انها بتستخدم في الاعتراف وبتلغي جزء ف العقل مسئول عن الخيال وبالتالي مستحيل حد انه يكذب

المهم اديني يومين وانا هجيبهالك …

طبعا اللي حصل بعد كده كان فوق مستوى توقعاتي لتاثير البلاسيبو ، بس الشاهد هنا أني قولت للأستاذة الصحفية فيما معناه ان فيه ناس كتير جدا عندهم مشاكل عقلية ، احنا اصلا كممارسين للتنويم الإيحائي مش مخولين اننا نتعامل فيها لأننا اصلا مش أطباء نفسيين ، ده مجال وده مجال ، المشكلة مش ان ناس كتير عندها مشاكل نفسية المشكلة انهم ميعرفوش والرعب الأكبر انهم بيتهموك انت ان عقلك فوت ،

مش عيب والله العظيم انك تروح لدكتور نفسي محترم وتكلمه عن مشاكلك ، لان غطا الازازة لما بيفوت بيتعرف ساعتها ان مفيش أمل وان الضغط هو اللي كان السبب

الحمد لله في جلساتي لو لاقيت شخص كده ونحتاج رعاية طبية نفسية بوجهه انه يروح ، فَلَو في يوم قولتلك أني مش هقدر اتعامل معاك فمتزعلش بقى 😂

أيامكم حلوة ومثيرة للاهتمام
وجمعتكم مباركة

نهاد رجب


Source

مقالات مرتبطة

لما تلاقي نفسك شايل مشاعر سلبية من حد اجتمعت فيه ا...
views 184
لما تلاقي نفسك شايل مشاعر سلبية من حد اجتمعت فيه الصفتين (النجاح والخير) غلط نفسك Source...
في كل قصص المعجزات #نهاد_رجب
views 3636
    تجد انها تحدث بإذن الله في وجود شخص ما فاحرص ان تكون انت هذا الشخص وان لم تستطع فكن مع من تحدث المعجزات في حضرته وإذا أردت ان تعر...
النكتة / الدعابة من ضمن اسرع من ضمن اسرع الأدوات ...
views 171
النكتة / الدعابة من ضمن اسرع من ضمن اسرع الأدوات اللي ممكن تديلك رؤية جوا الشخص وتفهم درجة وعيه وإحساسه تجاه نفسه والاخرين وذكائه وصفات تانية كتير ...
نؤمن بالقدر حينما نرى أشياء قد حدثت صدفة ولكن كان ...
views 1443
نؤمن بالقدر حينما نرى أشياء قد حدثت صدفة ولكن كان لها تأثير عميق وكبير على حياتنا ، فنعلم حينها ان العالم يوجهنا الى الأفضل لنا دائما ولو كنا أكثر حكم...
إن لغه العقل الباطن هي الصور والمشاعر ، يتم استخدا...
views 255
إن لغه العقل الباطن هي الصور والمشاعر ، يتم استخدام الكلمات بأسلوب معين لتحفيز تواصل العقل الباطن لاتمام البرمجه والتغيير . وهذا ما يميز ممارسي التن...
الحياة علمتني اني لو ورايا 10 حاجات اعملها وبدات ا...
views 86
الحياة علمتني اني لو ورايا 10 حاجات اعملها وبدات اعمل اول واحدة فيهم وفشلت ، مش هجرب اعمل التانيه او التالته .. 90٪ هفشل من البدايه هختار الاسهل با...
قصة حياة فقير
views 4843
ادوني مليون جنيه واتفرجوا انا هعمل ايه او 2 مليون وهتنبهروا باللي هعمله او 3 مليون وهتستعجبوا من نجاحي   "قصة حياة فقير" ...
– ازاي اتحكم في رغباتي ؟ – مين قالك ا...
views 181
- ازاي اتحكم في رغباتي ؟ - مين قالك انها رغباتك ؟ - لاني انا اللي بطلبها ! - مين اللي بيطلبها عقلك ولا جسمك ؟ - مش عارف ! انا اكيد - ولو متحققتش ه...
San Francisco is the Most Photographed City in Nor...
views 265
Flexitarian swag chia food truck stumptown lomo, master cleanse deep v pickled actually. Organic gluten-free High Life, lo-fi squid butcher seitan. St...
التخلص من التأتأة | جلسة تنويم إيحائي للمتخصصين فق...
views 628
التخلص من التأتأة | جلسة تنويم إيحائي للمتخصصين فقط | نهاد رجب انضم للصفحة وادعوا اصدقائك للاستفادة. الصفحة الرسمية للمدرب والمعالج نهاد رجبhttps://...