التنويم الإيحائي

ممارس التنويم الإيحائي | أنا منحاز للتنويم بالإيحاء | نهاد رجب

بحضر لممارس التنويم بالإيحاء (المرحلة الثانية) .. وكالعادة ببدأ من جديد

التنويم بالإيحاء هو أقوى تقنيات الدعم النفسي ، من وجهة نظري ومن خلال الفيدباك الخاص بالعملاء والمستفيدين .. والجميل فيه انه تقريبا المنهج الوحيد اللى يينشأ بينه وبينك علاقة انسانية فيها حب وشغف .. ببساطة لإني بعتبره مفتوح المصادر ، كل مدرب في العالم عنده تعريف خاص بيه للتنويم وكل شخص بيدخل في الحالة بيكون عنده تعريف خاص بيه هو شخصيا . بس طبعا فيه تعريف متفق عليه وموثق عند الحكومات والمؤسسات الطبية . لكن في النهاية هتحس دايما ان تجربتك الشخصية بتخليك تزود او تعدل من التعريف بما يتناسب مع مفهومك الخاص المبني على تجربتك الشخصية .

التنويم بالإيحاء انبثق منه البرمجة العصبية وتقريبا 80% من العناوين الرئيسية لأغلب التقنيات اللي بيتم تدريبها حاليها ، ريتشارد باندلر مؤسس البرمجة العصبية شخصيا ملقب ب ملك التنويم بالإيحاء ، وهو اللى فهم الناس الخدعة لما قال ان التنويم بالإيحاء هو الأصل ووصفه بال Big umbrella لباقي المناهج المختلفة التانية .

بدأت التنويم بالإيحاء في 2006 مع العالمي ورائد التنمية البشرية دكتور ابراهيم الفقي ، باب اتفتح ليا وادمنته وعديت على كل الاراء اللى قالتلي بلاش ، ده مش معروف ، ده عليه هجوم ، ده كذا وكذا وكذا وحسيت لسبب ما ان كل الاسباب اللى دفعت الناس انها تنصحني اسيبه واتجه لعلم تاني ، هي نفس الاسباب اللى كانت امتياز ليا بعد كده ..

سيبت حياتي كلها واتجهت ليه ، سيبت شغلي وسيبت نفسي وطموحي اني اشتغل في خدمة عملا فودافون علشان اتجوز من سنين فاتت ، ودلوقتي بقيت معتمد من اكبر مؤسسات التنويم بالإيحاء ودربت في حوالي 10 دول وبقى من الطبيعي انك تدور على الانترنت عن التنويم بالإيحاء فيظهر قدامك اغلب النتايج مرتبطة بيا بشكل او بآخر . عملت كل حاجة انا كان نفسي اعملها وحققت كل هدف انا كنت بسعى ليه ولله الحمد والشكر . وكل دقيقة زيادة في حياتي بتشجعني اني اكمل اكتر واكتر . التنويم الإيحائي بعتبره إسمي ، او عربيتي او اللاب توب بتاعي ، حاجة تستحق اني اموت علشانها واعيش علشان انشرها ولو قدر الله لي لحياة تانية وتالتة اعتقد ان اختياراتي في حيواتي الجديدة مش هتختلف كتير .

ناس بتقولي ان التنويم دجل وشعوذة وبضحك ساعتها لإني مش مضطر احكي عن ناس تانية غيري ، انا شايف نفسي اتحولت من درجة ل 180 ، وبعافر علشان الناس تفهم ده . يمكن علشان كده ناوي اترجم التنويم باللايحاء للغة العربية . insatiable هي الكلمة الانسب لشعوري تجاهه دلوقتي . وحتى لما بدخل وبدعبس على الانترنت عن اي منهج جديد ، ده علشان استخدمه في جلسات التنويم الايحائي .

في البداية كانت الكلمة ، جملة مكتوبة في الانجيل ومعناها مذكور في القرآن ، آمنت جدا بقوة الكلمة في التغيير والتأثير والتعديل والبناء وحتى الهدم والدمار ، والتنويم بالإيحاء مبني بالكامل على الكلمة ، وتأثيرها .. بس امتى نقولها هي ديه المهارة اللي بتتعلمها ..

صديق ليا قالي ان في العربيات المانوال تقدر تغير السرعة من غير ماتدوس دبرياج ! امتى؟! قالي لما تحس ان عربيتك وصلت للسرعة المناسبة ساعتها بتغير من غير ماتدوس دبرياج .. ساعات بتعامل مع التنويم بنفس الطريقة ، بتراقب ، بتشوف ، بتختبر المستفيد ، وبتعرف انهي كلمة مناسبة وانهي كلمة لا ، وعقلك بيلهمك بكلام لو كنت حضرته مكنتش هتقوله بالتلقائية ديه . سحر غير عادي . بتحس وكإنك بتعوم جوا الموجات العقلية للمستفيد ، هنا ترمي نيستد لوبس ، وهنا ترمي مجاز ، وهنا ترمي قصة زيادة وهنا انماط لغوية ودلوقتي اقتراحات مباشرة وهنا تقف ووقفتك بسكون كلامك انت نفسك بتحس بتأثيره على المستفيد . عارف لما واحد يلعب كورة ويبدأ يرقص الكورة ؟ اهو حاجة عاملة زي كده ، بنعمل كده علشان نجيب جون ونعدي الكريتكال فاكتور وهوب تدخل اقتراحاتنا للعقل الباطن واللى للاسف Lazy Mind فبنعافر علشان في النهاية احنا والمستفيد نكسب المباراة .

علشان كده في ممارس التنويم بالإيحاء انا ناوي ابهر المتدربين .. ناوي نوصل بالتنويم بالإيحاء لآفاق أبعد ، نلمس السطح .. وهنتعلم حاجات منها :

الاسترجاع في العمر
علاج المخاوف
علاج ضعف الثقة بالنفس
علاج الصدمات
علاج وكسر الروابط العاطفية
الهيبتنوتيك سيل
الشخصية التنويمية و 23 عنصر ليها ! ازاي حرفيا تبقى انت اصلا مؤثر وديه معروفة بلفظ المسمرية .
كسر الاعتقادات بقى والمجازات والقصص المتداخلة و الانماط اللغوية وبراعة الفم
و و و محادثة ما قبل التنويم الكاملة ، وحاجات تانية اكتر واكتر .

هيكون كورس تدريبي غير عادي ، انا منحاز للتنويم ، انا غير عادل فيما يخص الرأي تجاه التنويم ، انا غير محايد ، انا نهاد رجب انا متطرف فيما يخص التنويم بالإيحاء .

أيامكم كلها حلوة وجميلة كالعادة ، واشوفكم على خير وشكرا لكل متدربين التنويم بالإيحاء واعتذر عن التأخير المقصود وليس غير المقصود ، واشوفكم على خير في أقوى الخبرات اللى هتغير حياتكم وحياة الناس اللى بتحبوهم بالكامل .

نهاد رجب

مقالات مرتبطة

سؤال حول التنويم الذاتي والرمزية في التنويم بالايح...
views 709
استفسار ما هى افضل طريقه يمكن استخدامها فى التنويم الذاتى 1 / النقطه الوسطى 2 / البطاريه الكونيه 3 / طريقه اعطاء وقت للعقل الباطن وما رأيك بكتا...
الانتهاء من أكبر كورس تدريبي “ممارس التنويم ...
views 91
الانتهاء من أكبر كورس لممارسي التنويم الإيحائي في الشرق الأوسط  تم تقديم أكبر دفعه للتنويم الإيحائي في الشرق الأوسط ، باعتماد مؤسسه المايندكير البريط...
اختبار مستوى التخصص في التنويم الإيحائي...
views 543
اختبار ودي اختبار مستوى تخصص التنويم الإيحائي واللايف كوتشز (لمن لم يدرس معي مسبقا) يمكنك الحصول على خصم 5% على حسب عدد اجاباتك الصحيحة على هذا ...
الراجل ده يعتبر اسطوره من اساطير التنويم الايحائي ...
views 455
الراجل ده يعتبر اسطوره من اساطير التنويم الايحائي في العالم ٫ قعد حوالي 60 سنه بيمارس ويدرب التنويم الايحائي واغلب بروتوكلات التنويم الإيحائي تعتمد عل...
مجانا ! جلسه التخسيس وربط المعدة بالتنويم الإيحائي...
views 158
الآن يمكنك الاستماع مجانا الى احدى جلسات المدرب نهاد رجب "جلسه التخسيس وربط المعدة بالتنويم الإيحائي" وهي جلسه تحاكي عملية ربط المعدة والتي تتم من خلا...
مجانا للبنات فقط ! جلسه التخسيس وربط المعدة بالتن...
views 122
الآن يمكنك الاستماع مجانا الى احدى جلسات المدرب نهاد رجب “جلسه التخسيس وربط المعدة بالتنويم الإيحائي” وهي جلسه تحاكي عملية ربط المعدة والتي تتم من خلا...
اهمية فهم التنويم بالايحاء قبل العلاج مقالة جديدة ...
views 607
في زمن مضى كنت أقول بان العلاج بالتنويم الايحائي يتطلب ان يصدق المستفيد التنويم بالإيحاء ليحدث العلاج ..  الآن وبعد عدة تجارب وابحاث اخبركم ان الأهم ...
حول التنويم بالايحاء
views 816
  التنويم بالايحاء .. هو القدرة على التواصل مع الذات العليا ، مع مصدر الخير بداخلك ، السماح لهذا المخزون الداخلي من التدفق والتجلي فيما نسميه با...
المعالجة بالتنويم الإيحائي Hypnotherapy...
views 1279
التنويم الإيحائي Hypnosis، أو ما يدعوه البعض خطأً باسم التنويم المغناطيسي، هو حالة تشبه الغشي أو الغيبوبة الخفيفة (Trance)... مهلاً ما هي هذه الحالة؟ ...
«صدى البلد» يرصد: النصب في علاج الأمراض المستعصية ...
views 3885
منوم يزعم قدرته على العلاج بالتنويم المغناطيسي عبر الهاتف معالج : أهم عنصر هو السماع ولديّ قدرة علي علاج الأمراض المستعصية نهاد رجب: لا صحة لقدرة ال...