التنويم الإيحائي

ما هو التنويم بالإيحاء الإيحائي لـ نهاد رجب

بحضر لممارس التنويم بالإيحاء (المرحلة الثانية) .. وكالعادة ببدأ من جديد
 
التنويم بالإيحاء هو أقوى تقنيات الدعم النفسي ، من وجهة نظري ومن خلال الفيدباك الخاص بالعملاء والمستفيدين .. والجميل فيه انه تقريبا المنهج الوحيد اللى يينشأ بينه وبينك علاقة انسانية فيها حب وشغف .. ببساطة لإني بعتبره مفتوح المصادر ، كل مدرب في العالم عنده تعريف خاص بيه للتنويم وكل شخص بيدخل في الحالة بيكون عنده تعريف خاص بيه هو شخصيا . بس طبعا فيه تعريف متفق عليه وموثق عند الحكومات والمؤسسات الطبية . لكن في النهاية هتحس دايما ان تجربتك الشخصية بتخليك تزود او تعدل من التعريف بما يتناسب مع مفهومك الخاص المبني على تجربتك الشخصية .
 
التنويم بالإيحاء انبثق منه البرمجة العصبية وتقريبا 80% من العناوين الرئيسية لأغلب التقنيات اللي بيتم تدريبها حاليها ، ريتشارد باندلر مؤسس البرمجة العصبية شخصيا ملقب ب ملك التنويم بالإيحاء ، وهو اللى فهم الناس الخدعة لما قال ان التنويم بالإيحاء هو الأصل ووصفه بال Big umbrella لباقي المناهج المختلفة التانية .
 
بدأت التنويم بالإيحاء في 2006 مع العالمي ورائد التنمية البشرية دكتور ابراهيم الفقي ، باب اتفتح ليا وادمنته وعديت على كل الاراء اللى قالتلي بلاش ، ده مش معروف ، ده عليه هجوم ، ده كذا وكذا وكذا وحسيت لسبب ما ان كل الاسباب اللى دفعت الناس انها تنصحني اسيبه واتجه لعلم تاني ، هي نفس الاسباب اللى كانت امتياز ليا بعد كده ..
 
سيبت حياتي كلها واتجهت ليه ، سيبت شغلي وسيبت نفسي وطموحي اني اشتغل في خدمة عملا فودافون علشان اتجوز من سنين فاتت ، ودلوقتي بقيت معتمد من اكبر مؤسسات التنويم بالإيحاء ودربت في حوالي 10 دول وبقى من الطبيعي انك تدور على الانترنت عن التنويم بالإيحاء فيظهر قدامك اغلب النتايج مرتبطة بيا بشكل او بآخر . عملت كل حاجة انا كان نفسي اعملها وحققت كل هدف انا كنت بسعى ليه ولله الحمد والشكر . وكل دقيقة زيادة في حياتي بتشجعني اني اكمل اكتر واكتر . التنويم الإيحائي بعتبره إسمي ، او عربيتي او اللاب توب بتاعي ، حاجة تستحق اني اموت علشانها واعيش علشان انشرها ولو قدر الله لي لحياة تانية وتالتة اعتقد ان اختياراتي في حيواتي الجديدة مش هتختلف كتير .
 
ناس بتقولي ان التنويم دجل وشعوذة وبضحك ساعتها لإني مش مضطر احكي عن ناس تانية غيري ، انا شايف نفسي اتحولت من درجة ل 180 ، وبعافر علشان الناس تفهم ده . يمكن علشان كده ناوي اترجم التنويم باللايحاء للغة العربية . insatiable هي الكلمة الانسب لشعوري تجاهه دلوقتي . وحتى لما بدخل وبدعبس على الانترنت عن اي منهج جديد ، ده علشان استخدمه في جلسات التنويم الايحائي .
 
في البداية كانت الكلمة ، جملة مكتوبة في الانجيل ومعناها مذكور في القرآن ، آمنت جدا بقوة الكلمة في التغيير والتأثير والتعديل والبناء وحتى الهدم والدمار ، والتنويم بالإيحاء مبني بالكامل على الكلمة ، وتأثيرها .. بس امتى نقولها هي ديه المهارة اللي بتتعلمها ..
 
صديق ليا قالي ان في العربيات المانوال تقدر تغير السرعة من غير ماتدوس دبرياج ! امتى؟! قالي لما تحس ان عربيتك وصلت للسرعة المناسبة ساعتها بتغير من غير ماتدوس دبرياج .. ساعات بتعامل مع التنويم بنفس الطريقة ، بتراقب ، بتشوف ، بتختبر المستفيد ، وبتعرف انهي كلمة مناسبة وانهي كلمة لا ، وعقلك بيلهمك بكلام لو كنت حضرته مكنتش هتقوله بالتلقائية ديه . سحر غير عادي . بتحس وكإنك بتعوم جوا الموجات العقلية للمستفيد ، هنا ترمي نيستد لوبس ، وهنا ترمي مجاز ، وهنا ترمي قصة زيادة وهنا انماط لغوية ودلوقتي اقتراحات مباشرة وهنا تقف ووقفتك بسكون كلامك انت نفسك بتحس بتأثيره على المستفيد . عارف لما واحد يلعب كورة ويبدأ يرقص الكورة ؟ اهو حاجة عاملة زي كده ، بنعمل كده علشان نجيب جون ونعدي الكريتكال فاكتور وهوب تدخل اقتراحاتنا للعقل الباطن واللى للاسف Lazy Mind فبنعافر علشان في النهاية احنا والمستفيد نكسب المباراة .
 
علشان كده في ممارس التنويم بالإيحاء انا ناوي ابهر المتدربين .. ناوي نوصل بالتنويم بالإيحاء لآفاق أبعد ، نلمس السطح .. وهنتعلم حاجات منها :
 
الاسترجاع في العمر
علاج المخاوف
علاج ضعف الثقة بالنفس
علاج الصدمات
علاج وكسر الروابط العاطفية
الهيبتنوتيك سيل
الشخصية التنويمية و 23 عنصر ليها ! ازاي حرفيا تبقى انت اصلا مؤثر وديه معروفة بلفظ المسمرية .
كسر الاعتقادات بقى والمجازات والقصص المتداخلة و الانماط اللغوية وبراعة الفم
و و و محادثة ما قبل التنويم الكاملة ، وحاجات تانية اكتر واكتر .
 
هيكون كورس تدريبي غير عادي ، انا منحاز للتنويم ، انا غير عادل فيما يخص الرأي تجاه التنويم ، انا غير محايد ، انا نهاد رجب انا متطرف فيما يخص التنويم بالإيحاء .
 
أيامكم كلها حلوة وجميلة كالعادة ، واشوفكم على خير وشكرا لكل متدربين التنويم بالإيحاء واعتذر عن التأخير المقصود وليس غير المقصود ، واشوفكم على خير في أقوى الخبرات اللى هتغير حياتكم وحياة الناس اللى بتحبوهم بالكامل .
 
نهاد رجب

مقالات مرتبطة

اختبار مستوى التخصص في التنويم الإيحائي...
views 542
اختبار ودي اختبار مستوى تخصص التنويم الإيحائي واللايف كوتشز (لمن لم يدرس معي مسبقا) يمكنك الحصول على خصم 5% على حسب عدد اجاباتك الصحيحة على هذا ...
بداية من اغسطس ٢٠١٧ تقرر عمل مقابلات مع المهتمين ب...
views 186
بداية من اغسطس ٢٠١٧ تقرر عمل مقابلات مع المهتمين بالحجز لكورس ممارس التنويم الايحائي مع الاحتفاظ بحق رفض كل من لا تتوافر فيه الشروط التي سيتم الاعلان ...
دليل إعتماد التنويم بالإيحاء وتصديقه من قبل كبرى م...
views 7143
The Medical & Scientific Approval of Hypnotherapy Sole copyright The therapeutic use of “trance”, in its generic sense, is found in virtually eve...
اهمية فهم التنويم بالايحاء قبل العلاج مقالة جديدة ...
views 607
في زمن مضى كنت أقول بان العلاج بالتنويم الايحائي يتطلب ان يصدق المستفيد التنويم بالإيحاء ليحدث العلاج ..  الآن وبعد عدة تجارب وابحاث اخبركم ان الأهم ...
الناس فاكرة ان التنويم الإيحائي يقتصر على “غ...
views 494
الناس فاكرة ان التنويم الإيحائي يقتصر على "غمض عينك" ... "استرخي بعمق" وده فعلا ليه طرقه وتقنياته ، بس تعاملي مع التنويم الإيحائي عمره ما كان كده . ...
الراجل ده يعتبر اسطوره من اساطير التنويم الايحائي ...
views 454
الراجل ده يعتبر اسطوره من اساطير التنويم الايحائي في العالم ٫ قعد حوالي 60 سنه بيمارس ويدرب التنويم الايحائي واغلب بروتوكلات التنويم الإيحائي تعتمد عل...
إذا سرق منك الكريتكال فاكتور ، يمكنهم سرقة كل شىء ...
views 2008
ناس كتير بيفتكروا انك بالتنويم الإيحائي ممكن تضحك على حد وتنيمه وتاخد فلوسه   وطبعا الفكرة ديه مرفوضة تماما ، لانك اصلا تركيزك بيكون اعلى...
التنويم بالإيحاء وإرباك الوعي لـ نهاد رجب...
views 2056
من أهم عناصر التنويم بالإيحاء هو الإسترخاء الذهني وهو عملية نقوم فيها بإرخاء العقل من أجل تقبل الاقتراحات الموجهه له ، وفي حقيقة الأمر فالاسترخاء الذه...
– يعني ايه تنويم ايحائي ؟ – يعني تغيي...
views 256
- يعني ايه تنويم ايحائي ؟ - يعني تغيير برمجتك وملفاتك العقليه فتفتح عينك وتتغير اسقاطاتك على العالم وتشوفه بشكل مختلف - بس احنا مش عايزين ننام ! احن...
الـCIA ترفع السرية عن علاج خارق لمرض السرطان بعد 3...
views 51
اتهم مؤيدو نظرية المؤامرة وكالة المخابرات المركزية الأمريكية CIA بإخفاء نتائج دراسة قد تحدث ثورة في علاج مرض السرطان، لأكثر من 30 عاما لأسباب غامضة. ...